ଛାଇ ପରି ରହିଥିବି

ଛାଇ ପରି ରହିଥିବି ଆଗାମୀ ଦିନରେ ମୁକ୍ତିଲାଭ କରିବାକୁ ଥିବା ଓଡ଼ିଆ ଚଳଚ୍ଚିତ୍ର । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ପ୍ରଶାନ୍ତ ପାଲ । ଜ୍ଞାନରଞ୍ଜନ ପ୍ରଧାନ ଚଳଚ୍ଚିତ୍ରଟିର ପ୍ରଯୋଜନା କରିଥିବା ବେଳେ ଜାନ‌କୀ ପରିଜା ଏବଂ ସୂର୍ଯ୍ୟ ନାରାୟଣ ବେହେରା ସ‌ହ ପ୍ରଯୋଜନା କରିଥିଲେ । ମାନସ ପାତ୍ର ଏହି କଥାଚିତ୍ରଟିର ଚିତ୍ରନାଟ୍ୟ ରନା କରିବା ସ‌ହ ସମ୍ପାଦନ କରିଥିଲେ ।

ଛାଇ ପରି ରହିଥିବି
ନିର୍ଦ୍ଦେଶକ	ପ୍ରଶାନ୍ତ ପାଲ୍
ପ୍ରଯୋଜକ	ପ୍ରଶାନ୍ତ ପାଲ, ବିକାଶ ନାୟକ
ସଂଳାପ	ପ୍ରଶାନ୍ତ ପାଲ୍
ଚିତ୍ରନାଟ୍ୟ	ମାନସ ପାତ୍ର
କାହାଣୀ	ରଣଜିତ ପଟ୍ଟନାୟକ
କଳାକାର	ରୂପେଶ, ରୋଜାଲିନ, ସତ୍ୟ, ଲିପିକା, ମୀନକେତନ, ଅଶ୍ରୁମୋଚନ ମହାନ୍ତି, ଜ୍ଞାନରଞ୍ଜନ, ରବି ମିଶ୍ର, ନୀଲୁ
ସଙ୍ଗୀତ	ପି. କୁମାର
ସମ୍ପାଦକ	ମାନସ ପାତ୍ର
ଦେଶ	ଭାରତ
ଭାଷା	ଓଡ଼ିଆ

ଚଳଚ୍ଚିତ୍ରଟିରେ ସଙ୍ଗୀତ ନିର୍ଦ୍ଦେଶନା ଦେଇଥିଲେ ପି. କୁମାର । ସାସମଲ ମାସନ ଏବଂ ପଞ୍ଚାନନ ନାୟକ ଗୀତଗୁଡ଼ିକର ରଚନା କରିଥିବା ବେଳେ କୁମାର ସାନୁ, କୁମାର ବାପି, ମାଧବ ଏବଂ ସଞ୍ଜୁ ପ୍ରମୁଖ କଣ୍ଠାଦାନ କରିଥିଲେ । ପୁନର୍ଜନ୍ମ ଉପରେ ନିର୍ମିତ ହୋଇଥିଲା ଏହି ଚଳଚ୍ଚିତ୍ରଟି ।

ଏହି ଚଳଚ୍ଚିତ୍ରଟିର ମୁଖ୍ୟ ଭୂମିକାରେ ଅଭିନୟ କରିତିଲେ ରୂପେଶ, ରୋଜାଲିନ୍, ସତ୍ୟ ଏବଂ ଲିପିକା । ଏହି ସବୁ କଳାକାରମାନେ ଏହି ଚଳଚ୍ଚିତ୍ର ଜରିଆରେ ପ୍ରଥମ କରି ଓଡ଼ିଆ କଥାଚିତ୍ର ଜଗତରେ ଅଭିନୟ କରିଥିଲେ । ମୀନକେତନ, ଅଶ୍ରୁମୋଚନ ମହାନ୍ତି, ଜ୍ଞାନରଞ୍ଜନ, ରବି ମିଶ୍ର, ନୀଲୁ ଆଦି କଳାକାରମାନେ ଏହି ଚଳଚ୍ଚିତ୍ରର ବିଭିନ୍ନ ଭୂମିକାରେ ଅଭିନୟ କରିଥିଲେ ।

ଅଭିନୟ

• ରୂପେଶ
• ରୋଜାଲିନ
• ସତ୍ୟ
• ଲିପିକା
• ମୀନକେତନ
• ଅଶ୍ରୁମୋଚନ ମହାନ୍ତି
• ଜ୍ଞାନରଞ୍ଜନ
• ରବି ମିଶ୍ର
• ନୀଲୁ

କାହାଣୀ

ପ୍ରେମ କରୁଥିବା ଦୁଇ ନାୟକ ନାୟିକାଙ୍କୁ ଘରୁ ସ୍ୱୀକୃତି ନ ମିଳିବା ଫଳରେ ସେମାନେ ଘରୁ ପଳାଇଯାଇନ୍ତି । ଏହାପରେ ସେଠାରେ ନାୟକ-ନାୟିକାଙ୍କର ଏକ ଦୁର୍ଘଟଣା ଘଟେ ଯେଉଁଥିରେ ନାୟକ(ରୂପେଶ)ଙ୍କର ଦେହାନ୍ତ ହୋଇଯାଏ । ଏହାପରେ ତାଙ୍କର ପୁନର୍ଜନ୍ମରେ ଉଭୟଙ୍କର ମିଳନ ବିଷୟକୁ ନେଇ ନିର୍ମାଣ ହୋଇଛି ଏହି ଚଳଚ୍ଚିତ୍ରଟି ।

ଗୀତ ଏବଂ ସଙ୍ଗୀତ

ଏହି ଚଳଚ୍ଚିତ୍ରରେ ସଙ୍ଗୀତ ନିର୍ଦ୍ଦେଶନା ଦେଇଥିଲେ ପି. କୁମାର । ଗୀତଗୁଡ଼ିକର ରଚନା କରିଥିଲେ ସାସମଲ ମାସନ ଏବଂ ପଞ୍ଚାନନ ନାୟକ । ଏହି ଚଳଚ୍ଚିତ୍ରରେ ଉଦିତ ନାରାୟଣ, କୁମାର ସାନୁ, ମହମଦ ଅଜିଜ୍, କୁମାର ବାପି, ମାଧବ ଏବଂ ସଞ୍ଜୁ ପ୍ରମୁଖ କଣ୍ଠାଦାନ କରିଥିଲେ ।

୧୭ ଫେବୃଆରୀ ୨୦୧୭ରେ ହୋଟେଲ ଏକ୍ସ‌ଲେନ୍ସ‌ରେ ଏହି କଥାଚିତ୍ରଟିର ଗୀତଗୁଡ଼ିକ ମୁକ୍ତିଲାଭ କରିଥିଲା ।

ଗୀତ

କ୍ରମ	ଗୀତ	କବି	ଗାୟକ	ସମୟ
1.	"ଛାଇ ପରି ରହିଥିବି"	ପି. କୁମାର	କୁମାର ସାନୁ, ଶୈଳବାଳା ଦାସ	୦୪:୩୭
2.	"ତୁ ପକ୍ଷୀଟେ ହେଲେ"	ମାନସ	କୁମାର ବାପି	୦୪:୦୯
3.	"ଚାଲି ତୋ ହଂସିନୀ"	ସୂର୍ଯ୍ୟ ନାରାୟଣ	କୁମାର ବାପି	୦୪:୨୦
4.	"ଚୋରି ଚୋରି"			୦୪:୩୧
5.	"ଏତେ ପାଖାପାଖି"	ମାନସ		୦୪:୧୭