ଚର୍ବିଳ ଯକୃତ ରୋଗ

ଚର୍ବିଳ ଯକୃତ ରୋଗ ବା ଏଫଏଲଡି ଅନ୍ୟ ନାମ ହେପାଟିକ ସ୍ଟିଆଟୋସିସ (ଇଂରାଜୀ ଭାଷାରେ Fatty liver disease/ FLD ) ଏକ ଅବସ୍ଥା ଯେଉଁଥିରେ ଯକୃତରେ ଅତ୍ୟଧିକ ଚର୍ବି ସୃଷ୍ଟି ହୁଏ | ଏହି ରୋଗର ପ୍ରାୟ କୌଣସି ଲକ୍ଷଣ ନଥାଏ ବା ସାମାନ୍ୟ କିଛି ଲକ୍ଷଣ ଦେଖାଯାଏ | ବେଳେ ବେଳେ ପେଟର ଉପର ଡାହାଣ ପାର୍ଶ୍ୱରେ ଥକ୍କା ଅନୁଭବ କିମ୍ବା ଯନ୍ତ୍ରଣା ହୋଇପାରେ | ରୋଗ ଜଟିଳ ହେଲେ ସିରୋସିସ୍, ଯକୃତ କର୍କଟ ଏବଂ ଏସୋଫେଜିଆଲ ଭାରିସେସ ହୋଇପାରେ ।

Fatty liver
Hepatic steatosis
Micrograph showing a fatty liver (macrovesicular steatosis), as seen in non-alcoholic fatty liver disease. Trichrome stain.
ବିଭାଗ	Gastroenterology
ଲକ୍ଷଣ	None, tiredness, pain in the upper right side of the abdomen
କାରଣ	Alcohol, diabetes, obesity
ରୋଗ ନିର୍ଣ୍ଣୟ ପଦ୍ଧତି	Based on the medical history supported by blood tests, medical imaging, liver biopsy
ସଠିକ ରୋଗ ନିର୍ଣ୍ଣୟ	Viral hepatitis, Wilson disease, primary sclerosing cholangitis
ଚିକିତ୍ସା	No alcohol, weight loss
Prognosis	Good if treated early
ପୁନଃପୌନିକ	NAFLD: 30% (Western countries) ALD: >90% of heavy drinkers

ଦୁଇ ପ୍ରକାରର ଚର୍ବିଳ ଯକୃତ ରୋଗ ଅଛି ଅଣ-ମଦ୍ୟପାନ ଯକୃତ ରୋଗ (NAFLD) ଏବଂ ମଦ୍ୟପାନ ଜନିତ ଯକୃତ ରୋଗ | ସରଳ ଚର୍ବି ଯକୃତ ଏବଂ ଅଣ-ମଦ୍ୟପାନ ସ୍ଟିଆଟୋହେପାଟାଇଟିସ (NASH) ଯୋଗୁ ଦ୍ୱିତୀୟଟି ତିଆରି ହୁଏ | ପ୍ରାଥମିକ ସଙ୍କଟ ମଧ୍ୟରେ ମଦ୍ୟପାନ, ମଧୁମେହ ଟାଇପ ୨ ଏବଂ ମେଦ ବ‌ହୁଳତା ଯୋଗୁ ହୁଏ । ଅନ୍ୟାନ୍ୟ ବିପଦ କାରଣଗୁଡ଼ିକ ମଧ୍ୟରେ ହେପାଟାଇଟିସ୍ ସି ଏବଂ ଗ୍ଲୁକୋକର୍ଟିକଏଡ ଭଳି କେତେକ ଔଷଧ ଅନ୍ତର୍ଭୁକ୍ତ। ଉକ୍ତ ଦୁଇ ପ୍ରକାର ରୋଗର କାରଣ ଅସ୍ପଷ୍ଟ ରହିଛି | ରୋଗ ଇତିହାସ, ରକ୍ତ ପରୀକ୍ଷା, ଡାକ୍ତରୀ ଇମେଜିଙ୍ଗ ଏବଂ ବେଳେବେଳେ ଯକୃତ ବାୟୋପ୍ସି କରି ରୋଗ ନିର୍ଣ୍ଣୟ କରାଯାଏ ।

ଚର୍ବିଳ ଯକୃତ ରୋଗରେ ଆକ୍ରାନ୍ତ ବ୍ୟକ୍ତିମାନେ ମଦ୍ୟପାନ ନକରିବାକୁ ପରାମର୍ଶ ଦିଆଯାଏ । ଅଣ-ମଦ୍ୟପାନ ଯକୃତ ରୋଗ ଚିକିତ୍ସାରେ ସାଧାରଣତଃ ଖାଦ୍ୟପେୟ ପରିବର୍ତ୍ତନ ଏବଂ ବ୍ୟାୟାମଦ୍ୱାରା ଓଜନ ହ୍ରାସ କରିବାକୁ ଉପଦେଶ ଦିଆଯାଏ | ଗୁରୁତର ଭାବରେ ପ୍ରଭାବିତ ରୋଗୀଙ୍କର ଯକୃତ ପ୍ରତିରୋପଣ ଏକ ବିକଳ୍ପ ହୋଇପାରେ। ଅତ୍ୟଧିକ ମଦ୍ୟପାନକାରୀଙ୍କ ମଧ୍ୟରୁ ୯୦%ରୁ ଅଧିକ ଲୋକଙ୍କର ଚର୍ବିଳ ଯକୃତ ରୋଗ ହେଉଥିଲା ବେଳେ ପ୍ରାୟ ୨୫% ଲୋକ ଗୁରୁତର ମଦ୍ୟପାନ ଜନିତ ଯକୃତ ପ୍ରଦାହ ରୋଗରେ ଆକ୍ରାନ୍ତ ହୁଅନ୍ତି । ଅଣ-ମଦ୍ୟପାନ ଯକୃତ ରୋଗ ପାଶ୍ଚାତ୍ୟ ଦେଶର ପ୍ରାୟ ୩୦% ଲୋକଙ୍କୁ ଏବଂ ଏସିଆର ପ୍ରାୟ ୧୦% ଲୋକଙ୍କୁ ପ୍ରଭାବିତ କରିଥାଏ | ଯୁକ୍ତରାଷ୍ଟ୍ରରେ ପ୍ରାୟ ୧୦% ପିଲାଙ୍କରଏହି ରୋଗ ହୁଏ | ଏହା ବୟସ୍କ ବ୍ୟକ୍ତି ଏବଂ ପୁରୁଷମାନଙ୍କଠାରେ ଅଧିକ ଦେଖାଯାଏ |