ଚରିତ୍ର (ଓଡ଼ିଆ କଥାଚିତ୍ର)

ଚରିତ୍ର, ୨୦୨୦ ମସିହାରେ ମୁକ୍ତିଲାଭ କରିଥିବା ଏକ ଓଡ଼ିଆ କଥାଚିତ୍ର । ଏହି କଥାଚିତ୍ରଟି ମଞ୍ଜରୀ ଟିଭି ଓ ପି.ଏସ୍. ମୋସନ୍ ପିକ୍ଚର୍‌ସ୍ଦ୍ୱାରା ନିର୍ମାଣ କରାଯାଇଥିଲା । ଅମିତ କୁମାର ଦାସ ଓ ପିନାକୀ ସିଂହ ଏହି କଥାଚିତ୍ରଟିର ଚିତ୍ରନାଟ୍ୟ ରଚନା କରିଥିଲେ ଏବଂ ଶିଶିର କୁମାର ସାହୁ ସଂଳାପ ରଚନା କରିଥିଲେ । ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ଶିଶିର କୁମାର ସାହୁ ଓ ପିନାକୀ ସିଂହ ।

ଚରିତ୍ର
ନିର୍ଦ୍ଦେଶକ	ଶିଶର କୁମାର ସାହୁ ପିନାକୀ ସିଂହ
ପ୍ରଯୋଜକ	ମଞ୍ଜରୀ ଟିଭି ପି.ଏସ୍. ମୋସନ୍ ପିକ୍ଚର୍‌ସ୍
ସଂଳାପ	ଶିଶିର କୁମାର ସାହୁ
ଚିତ୍ରନାଟ୍ୟ	ଅମିତ କୁମାର ଦାସ ପିନାକୀ ସିଂହ
କଳାକାର	ଗାର୍ଗୀ ମହାନ୍ତି ଅନନ୍ୟା ମିଶ୍ର ହର ରଥ ପାର୍ଥସାରଥୀ ରାୟ ଦ୍ୱିପନ୍ୱୀତ ଦାସ ମହାପାତ୍ର
ସଙ୍ଗୀତ	କସ୍ତୁରୀ କୌଶିକ ଇଶାନ ଶର୍ମା
ଚିତ୍ରଗ୍ରହଣ	ଦୀପକ କୁମାର
ସମ୍ପାଦକ	ରଶ୍ମି ରଞ୍ଜନ ଦାଶ
ମୁକ୍ତିଲାଭ ତାରିଖ	୨୫ ଡିସେମ୍ବର ୨୦୨୦
ଦେଶ	ଭାରତ
ଭାଷା	ଓଡ଼ିଆ

ଗାର୍ଗୀ ମହାନ୍ତି, ଅନନ୍ୟା ମିଶ୍ର, ହର ରଥ, ପାର୍ଥସାରଥୀ ରାୟ, ଦ୍ୱିପନ୍ୱୀତ ଦାସ ମହାପାତ୍ର ଆଦି କଳାକାରମାନେ ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ । ଏହି କଥାଚିତ୍ରଟିର ୨୦୨୦ ମସିହାର ଡିସେମ୍ବର ୨୫ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା ଏବଂ ୨୫ ଅପ୍ରେଲ ୨୦୨୧ରେ ମଞ୍ଜରୀ ଟିଭିରେ ମୁକ୍ତିଲାଭ କରିଥିଲା ।

ଅଭିନୟ

• ଗାର୍ଗୀ ମହାନ୍ତି - କଳ୍ପନା ପାଣିଗ୍ରାହୀ
• ଅନନ୍ୟା ମିଶ୍ର - ମଧୁସ୍ମିତା ପଟ୍ଟନାୟକ
• ହର ରଥ - କିଶୋର
• ପାର୍ଥ ସାରଥୀ ରାୟ - ଅଭିଶେକ ପଟ୍ଟନାୟକ
• ଦ୍ୱିପନ୍ୱୀତ ଦାସ ମହାପାତ୍ର - କିଶୋର

କାହାଣୀ

କୋରାପୁଟ ସହରକୁ ବଦଳି ହୋଇ ଆସନ୍ତି ସରକାରୀ ଅଫିସର୍‌ ଅଭିଷେକ ପଟ୍ଟନାୟକ। ସାଥୀରେ ନବବିବାହିତା ପତ୍ନୀ ମଧୁ । ନୂଆ କ୍ୱା ର୍ଟର୍‌ରେ ନିଜର ଜିନିଷପତ୍ର ସଜାଉ ସଜାଉ ମଧୁଙ୍କ ହାତରେ ଏକ ଡାଏରି ପଡ଼େ। ସେଥିରେ ଲେଖାଥାଏ, ସେମାନଙ୍କ ପୂର୍ବରୁ ସେଇ କ୍ୱାର୍ଟର୍‌ରେ ରହୁଥିବା ଅଫିସର୍‌ ସୁଧୀର ପାଣିଗ୍ରାହୀଙ୍କ ପତ୍ନୀ କଳ୍ପନାଙ୍କ ନିଃସଙ୍ଗତା, ସ୍ୱପ୍ନ ଓ ସମ୍ପର୍କର କାହାଣୀ । ଡାଏରିର ଜୀବନ୍ତ ପୃଷ୍ଠାଗୁଡ଼ିକ ମଧୁଙ୍କୁ କଳ୍ପନାଙ୍କ ସହ ଅତି ନିକଟତର କରି ବସେ । ହେଲେ କେଇ ପୃଷ୍ଠାର ଲେଖା ପରେ ଅବଶିଷ୍ଟ ପୃଷ୍ଠା ସେମିତି ଅଲେଖା ହୋଇ ରହିଥାଏ । କଳ୍ପନାର ଚରିତ୍ରକୁ ଏତେ ପାଖରୁ ପଢ଼ିଥିବା ମଧୁ ତା’ର ଅବର୍ତ୍ତମାନରେ ତା’ କାହାଣୀର ଅବଶିଷ୍ଟାଂଶ ଜାଣିବା ପାଇଁ ଉତ୍ସୁକ ହୋଇଉଠେ ।

ଗୀତ ଏବଂ ସଙ୍ଗୀତ

ଏହି କଥାଚିତ୍ରଟିର ସଙ୍ଗୀତ ନିର୍ଦ୍ଦେଶନା ଦେଇଥିଲେ କସ୍ତୁରୀ କୌଶିକ ଓ ଇଶାନ ଶର୍ମା । ସୁମିତ ପଣ୍ଡା, କସ୍ତୁରୀ କୌଶିକ, ଜ୍ଞାନ ରଞ୍ଜନ କର, ତପୁ ନାୟକ ଆଦି ଗୀତିକାରମାନେ ଏହି କଥାଚିତ୍ରଟିର ଗୀତ ରଚନା କରିଥିଲେ । ଲବିତା ଲୋବୋ, ପୂଜା ଭେଙ୍କଟ, ଗୌରବ ଆନନ୍ଦ, କୁଳଦୀପ ପଟ୍ଟନାୟକ ଆଦି କଣ୍ଠଶିଳ୍ପୀମାନେ ଏହି କଥାଚିତ୍ରଟିରେ କଣ୍ଠଦାନ କରିଥିଲେ ।

ଗୀତ

କ୍ରମ	ଗୀତ	କବି	ଗାୟକ	ସମୟ
1.	"ମୁଁ ଆଜି ପ୍ରେମିକା"	ସୁମିତ ପଣ୍ଡା, କସ୍ତୁରୀ କୌଶିକ	ପୂଜା ଭେଙ୍କଟ, ଗୌରବ ଆନନ୍ଦ
2.	"ଝାପ୍ସା ନିଦରେ"	ଜ୍ଞାନ ରଞ୍ଜନ କର	ଲବିତା ଲୋବୋ
3.	"ଅହମିକା"	ତପୁ ନାୟକ, କସ୍ତୁରୀ କୌଶିକ	କୁଳଦୀପ ପଟ୍ଟନାୟକ

ବାହାର ଆଧାର

• ଇଣ୍ଟରନେଟ ମୁଭି ଡାଟାବେସରେ ଚରିତ୍ର