କୁମୁଦ ରଞ୍ଜନ ପାଣିଗ୍ରାହୀ
କୁମୁଦ ରଞ୍ଜନ ପାଣିଗ୍ରାହୀ (ଜନ୍ମ: ୧୧ ଅପ୍ରେଲ ୧୯୫୧) ଜଣେ ଓଡ଼ିଆ ପ୍ରାବନ୍ଧିକ, ଲେଖକ ଓ ସମାଲୋଚକ । ସେ ୨୦୧୬ ମସିହାରେ ନିଜ ସାମଗ୍ରିକ କୃତି ନିମନ୍ତେ ଓଡ଼ିଶା ସାହିତ୍ୟ ଏକାଡେମୀ ତରଫରୁ ବରିଷ୍ଠ ସାହିତ୍ୟିକ ସମ୍ବର୍ଦ୍ଧନା ପାଇଥିଲେ ।[୧]
କୁମୁଦ ରଞ୍ଜନ ପାଣିଗ୍ରାହୀ | |
|---|---|
| ଜନ୍ମ ଓ ଜନ୍ମସ୍ଥାନ | ୧୧ ଅପ୍ରେଲ ୧୯୫୧ ପାଟଣା ଗଡ଼, ବଲାଙ୍ଗୀର |
| ବୃତ୍ତି | ଲେଖକ, ଅଧ୍ୟାପକ |
| ଭାଷା | ଓଡ଼ିଆ |
| ଜାତୀୟତା | ଭାରତୀୟ |
| ସାହିତ୍ୟ କୃତି | ପ୍ରାଚୀନ ଓଡ଼ିଆ ଗଦ୍ୟ ସାହିତ୍ୟର ସ୍ୱରୂପ |
ସଂକ୍ଷିପ୍ତ ଜୀବନୀ
ସମ୍ପାଦନାକୁମୁଦ ରଞ୍ଜନ ବଲାଙ୍ଗୀର ଜିଲ୍ଲାର ପାଟଣା ଗଡ଼ରେ ଜନ୍ମଗ୍ରହଣ କରିଥିଲେ । ସେ ସମ୍ବଲପୁର ବିଶ୍ୱବିଦ୍ୟାଳୟରୁ ଓଡ଼ିଆରେ ସ୍ନାରକୋତ୍ତର, ପିଏଚ୍ ଡି ଓ ଡି ଲିଟ୍ ଡିଗ୍ରୀ ଲାଭ କରିଥିଲେ । ଅଧ୍ୟାପନା ବୃତ୍ତିକୁ ଆପଣେଇ ନେଇଥିବା କୁମୁଦ ରଞ୍ଜନ ଜଣେ ପ୍ରାବନ୍ଧିକ ଓ ସମାଲୋଚକ ଭାବେ ଜଣାଶୁଣା ।[୨][୩] ସେ ୨୦/୦୯/୧୯୭୩ ମସିହାରେ ଓଡ଼ିଆ ସାହିତ୍ୟର ଅଧ୍ୟାପକ ଭାବରେ ଯୋଗ ଦେଇ ୩୦/୦୪/୨୦୧୧ ମସିହାରେ ପ୍ରୋଫେସର ଭାବରେ ସମ୍ବଲପୁର ବିଶ୍ୱବିଦ୍ୟାଳୟରୁ ଅବସର ଗ୍ରହଣ କରି ସାରିଛନ୍ତି । ଦୀର୍ଘ ବର୍ଷ ଧରି ସେ ଅଧ୍ୟାପନା ଓ ଓଡ଼ିଆ ଭାଷାରେ ଅନେକ ପ୍ରବନ୍ଧ ଓ ପୁସ୍ତକ ରଚନା କରି ଓଡ଼ିଶାରେ ଜଣେ ଜଣାଶୁଣା ଗବେଷକ ଭାବରେ ପରିଚୟ ଲାଭ କରିଛନ୍ତି । ତାଙ୍କ ଅଧିନରେ ୨୫ ଜଣ ଗବେଷକ ପିଏଚ୍ ଡି ଓ ଜଣେ ଡି ଲିଟ୍ ଉପାଧି ପାଇସାରିଛନ୍ତି । କୁମୁଦ ରଞ୍ଜନ ଲୋକଧାରା ବା ଫୋକଲୋର, ବିଶେଷ କରି ପଶ୍ଚିମ ଓଡ଼ିଶାର ଲୋକ ପରମ୍ପରା, ଲୋକ ସଂସ୍କୃତି, ଲୋକ ସାହିତ୍ୟ ଉପରେ ଗବେଷଣାରତ ଥିଲେ ।
ରଚନାବଳୀ
ସମ୍ପାଦନାପ୍ରବନ୍ଧ/ଆଲୋଚନା
ସମ୍ପାଦନା- ପ୍ରାଚୀନ ଓଡ଼ିଆ ଗଦ୍ୟ ସାହିତ୍ୟର ସ୍ୱରୂପ
- ଆଲୋଚନା ଓ ଆଲୋଚନା
- ପାଠକୀୟ ମନ୍ତବ୍ୟ[୪]
- ଆଲୋଚନା ସମାଲୋଚନା
- ପଶ୍ଚିମ ଓଡ଼ିଶାର ଲୋକକଥା
- ପଶ୍ଚିମ ଓଡ଼ିଶାର ଲୋକଗୀତ
- ସାମ୍ପ୍ରତିକ ଓଡ଼ିଆ କାବ୍ୟରେ ମିଥର ପୁନର୍ଗଠନ
- ଲୋକଧାରା ଲୋକସଂସ୍କୃତି ଓ ଲୋକସାହିତ୍ୟ
- କୋଶଲାଞ୍ଚଲର ଲୋକକଥା (୩ଭାଗ)
ଗଳ୍ପ
ସମ୍ପାଦନା- ତଥାପି ସାରଥି
- ଅପେକ୍ଷା
ପୁରସ୍କାର ଓ ସମ୍ମାନ
ସମ୍ପାଦନା- ଓଡ଼ିଶା ସାହିତ୍ୟ ଏକାଡେମୀ ସମ୍ବର୍ଦ୍ଧନା, ୨୦୧୬
- ବିଷୁବ ମିଳନ ପୁରସ୍କାର, ୧୯୮୧
- ସହକାର ପୁରସ୍କାର, ୧୯୯୦
ଆଧାର
ସମ୍ପାଦନା- ↑ http://odishasahityaakademi.org/English/ovation7.php
- ↑ ମହାରଣା, ସୁରେନ୍ଦ୍ର କୁମାର (୨୦୧୫). ଓଡ଼ିଆ ସାହିତ୍ୟର ଇତିହାସ. କଟକ: ଓଡ଼ିଶା ବୁକ୍ ଷ୍ଟୋର. pp. ୧୨୧, ୧୨୭, ୧୩୩, ୬୪୭, ୭୦୨. ISBN 81-7400-331-2.
- ↑ ମହାନ୍ତି, ନଗେନ୍ଦ୍ର ନାଥ (୨୦୦୫). ଓଡ଼ିଆ ଚରିତ କୋଷ, ୧ମ ଭାଗ. ନୂଆଦିଲ୍ଲୀ: ପ୍ରତିମା ନାଥ ଟ୍ରଷ୍ଟ. pp. ୨୦୧. ISBN 81-903352-1-9.
- ↑ https://opac.cuo.ac.in/cgi-bin/koha/opac-detail.pl?biblionumber=5851