କୁମୁଦିନୀ ଦେବୀ

ଭାରତୀୟ କବି ଓ ଗାୟିକା

କୁମୁଦିନୀ ଦେବୀ ଜଣେ ଭାରତୀୟ କବି ଓ ଓଡ଼ିଶୀ ଗାୟିକା ଥିଲେ, ଓ ସେ ଓଡ଼ିଶାର ପ୍ରଥମ ରେକର୍ଡ଼ ହୋଇଥିବା ମହିଳା କଣ୍ଠଶିଳ୍ପୀ । ୧୯୦୬ ମସିହାରେ ସେ ବୋଲିଥିବା ଏକ ଗୀତ ଗ୍ରାମୋଫୋନ ଜରିଆରେ ରେକର୍ଡ଼ ହୋଇଥିଲା । ସେ ଆକାଶବାଣୀ କଟକର ଜଣେ ସ୍ୱୀକୃତିପ୍ରାପ୍ତ କଣ୍ଠଶିଳ୍ପୀ ଥିଲେ ଓ ସେଠାରେ ଓଡ଼ିଶୀ ସଙ୍ଗୀତ ପରିବେଷଣ କରୁଥିଲେ ।[୧] ଓଡ଼ିଶାରେ ମଞ୍ଚ ନାଟକର ପ୍ରାରମ୍ଭରେ ପୁରୁଷପ୍ରଧାନ ପରିବେଶରେ କଣ୍ଠସଂଗୀତ ଗାନ କରିବାରେ ଅଳ୍ପ କେତେଜଣ ନାରୀ କଣ୍ଠଶିଳ୍ପୀଙ୍କ ମଧ୍ୟରୁ ସେ ଅନ୍ୟତମ ।[୨] ଲକ୍ଷ୍ମୀକାନ୍ତ ମହାପାତ୍ର ତାଙ୍କର ବଡ଼ ଭାଇ ଥିଲେ ।[୩]

କୁମୁଦିନୀ ଦେବୀ
ବୃତ୍ତିକବି, ଗାୟକ Edit this on Wikidata
ସନ୍ତାନଶିବବ୍ରତ ଦାସ Edit this on Wikidata
ପରିବାରଲକ୍ଷ୍ମୀକାନ୍ତ ମହାପାତ୍ର Edit this on Wikidata

ଜୀବନୀ ସମ୍ପାଦନା

କୁମୁଦିନୀ ଦେବୀ ଶଚିନ୍ଦ୍ର ଦାସଙ୍କୁ ବିବାହ କରିଥିଲେ । ଏହି ଦମ୍ପତିଙ୍କର ଦୁଇ ପୁଅଙ୍କ ନାମ ଶିବବ୍ରତପୁଣ୍ୟବ୍ରତ[୩]

ବୃତ୍ତି ସମ୍ପାଦନା

ଓଡ଼ିଶାରେ ମଞ୍ଚ ନାଟକ ପ୍ରାରମ୍ଭିକ କାଳରେ ପୁରୁଷପ୍ରଧାନ ଥିଲା । ତେବେ କୁମୁଦିନୀ ଦେବୀଙ୍କ ସମେତ ସୁମତୀ ଦେବୀ, ଲକ୍ଷ୍ମୀପ୍ରିୟା ଦେବୀ, ଇନ୍ଦୁମତୀ ଦେବୀମଦନ ସୁନ୍ଦରୀ ଆଦି ଅଳ୍ପ କେତେଜଣ କଣ୍ଠଶିଳ୍ପୀ ମଧ୍ୟ କଣ୍ଠସଂଗୀତ ପରିବେଷଣ କରୁଥିଲେ ।[୨]

ଆଧାର ସମ୍ପାଦନା

  1. Delhi, A.I.R.N.; Ghosh, S.N. (1948). THE INDIAN LISTENER: Vol. XIII. No. 13. (7th JULY 1948). 22 Indian Listener (June-Dec) 1948 (in ଜର୍ମାନ). All India Radio (AIR),New Delhi. p. 51. Retrieved 2023-09-21.
  2. ୨.୦ ୨.୧ Sarangi, S.T. (1998). Role of Women in the History of Modern Orissa, 1900-1947. Jagannath Ratha Publishers & Book-sellers. Retrieved 2023-09-21.
  3. ୩.୦ ୩.୧ ଦାସ, ପୂଣ୍ୟବ୍ରତ (2023). ଭାରତ ତୀର୍ଥ (୧ ed.). ଭୁବନେଶ୍ୱର: ପେନ୍ ଇନ୍. ISBN 978-9395150255.