ଉଇକିପିଡ଼ିଆ:ଜନ୍ମତିଥି/୧୦/ପୁସ୍ତିକା/ପୃଷ୍ଠା୨

ଓଡ଼ିଆ ଉଇକିପିଡ଼ିଆ ଲୋଗୋ

ବିଶ୍ୱବ୍ୟାପୀ ୨୮୬ରୁ ଅଧିକ ଭାଷାରେ ଉପଲବ୍ଧ ଥିବା ଉଇକିପିଡ଼ିଆ ପ୍ରଥମେ ୨୦୦୧ ମସିହାରେ ଇଂରାଜୀରେ ଆରମ୍ଭ ହୋଇ ପରେ ବିଭିନ୍ନ ଭାଷାରେ ଆରମ୍ଭ ହୋଇଥିଲା । ଉଇକିପିଡ଼ିଆରେ ଥିବା ପ୍ରସଙ୍ଗ (Articles) ସମୂହ ଆପଣ ଓ ଆମମାନଙ୍କ ଭଳି ସ୍ୱେଚ୍ଛାସେବୀମାନଙ୍କ ଦ୍ୱାରା ଲେଖାଯାଇଥାଏ । ଜ୍ଞାନର କରମୁକ୍ତ ଓ ଖୋଲା ବିତରଣ ନିମନ୍ତେ ଉଇକିପିଡ଼ିଆର ଲେଖାସବୁରେ କପିରାଇଟ ବା ସ୍ୱତ୍ୱ ରଖା ଯାଇନ ଥାଏ ଯାହା ଫଳରେ ସମସ୍ତେ ମାଗଣାରେ ଏହାକୁ ପଢ଼ିପାରିବେ, ଏଥିରେ ଥିବା ଲେଖାର ନ କଲ କରି ତାହାକୁ ବ୍ୟବ ହାର କରିପାରିବେ ଓ ଲେଖାରେ ଭୁଲ ଥିଲେ ତାହାକୁ ସୁଧାରି ପାରିବେ । ବିଶ୍ୱବ୍ୟାପୀ ୭୦,୦୦୦ରୁ ଅଧିକ ପାଠକ ଭିନ୍ନ ଭିନ୍ନ ଭାଷାରେ ଉଇକିପିଡ଼ିଆରେ ପ୍ରସଙ୍ଗମାନ ଲେଖି, ତାହାକୁ ସମ୍ପାଦନା କରୁଥିଲେ ହେଁ ଭାରତୀୟ ଭାଷାମାନଙ୍କରେ ଲେଖୁଥିବା ସ୍ୱେଚ୍ଛାସେବୀ ସମ୍ପାଦକମାନଙ୍କ ସଂଖ୍ୟା ଖୁବ କମ ଯାହା ଏହି ବର୍ଷ ସୁଦ୍ଧା ୭୦୦-୧୦୦୦ ରୁ ବେଶୀ ହେବ ନାହିଁ ।

ଓଡ଼ିଆ ଉଇକିପିଡ଼ିଆ ଇଣ୍ଟରନେଟରେ ଉପଲବ୍ଧ ଥିବା ଏକ ଅନଲାଇନ ଜ୍ଞାନ କୋଷ ଯେଉଁଥିରେ ସମସ୍ତେ ଲେଖିପାରିବେ ଓ ସମ୍ପାଦନା କରି ଭୁଲ ଥିବା ଲେଖାକୁ ସୁଧାରିପାରିବେ । ଓଡ଼ିଆ ଉଇକିପିଡ଼ିଆରେ ପ୍ରଥମ ସମ୍ପାଦନା ହୋଇଥିଲା ୨୦୦୪ ମସିହା ଜାନୁଆରୀ ୨୯ ତାରିଖରେ ଯାହାକୁ ଓଡ଼ିଆ ଉଇକିପିଡ଼ିଆର ଜନ୍ମତିଥି ଭାବରେ ପାଳନ କରାଯାଇଥାଏ । ଓଡ଼ିଆ ଉଇକିପିଡ଼ିଆର ଦଶମ ଜନ୍ମତିଥି ଜାନୁଆରୀ ୨୮ ଓ ୨୯ ତାରିଖରେ ଦୁଇ ଦିନ ଧରି ପାଳିତ ହେଉଛି ।

ଆମର ଲକ୍ଷ:

ଇଣ୍ଟରନେଟରେ ଓଡ଼ିଆର ବ୍ୟବ ହାର ସମ୍ବନ୍ଧରେ ଜନ ସଚେତନତା
ଉପାଦେୟ ଓଡ଼ିଆ ବହିମାନଙ୍କର ଡିଜିଟାଲକରଣ
ଓଡ଼ିଆ ଭାଷା, ଓଡ଼ିଶାର ବହୁବିଧ ଭାଷା ଓ ଜନଜାତିଙ୍କର ଭାଷା ତଥା ରାଜ୍ୟର ଅଧିବାସୀଙ୍କର ସଂସ୍କୃତି, ଜନଜୀବନ ଶୈଳୀ, ନିର୍ମାଣ, ବିଜ୍ଞାନ, କାରିଗରୀ, ଇତିହାସ, ଭୂଗୋଳ ଆଦି ବିଷୟରେ ବିଶ୍ୱବାସୀଙ୍କୁ ଅବଗତ କରାଇବା
ବିଦ୍ୟାଳୟ ସ୍ତରର ପାଠ୍ୟଖସଡ଼ାରେ ଓଡ଼ିଆ ଉଇକିପିଡ଼ିଆରେ ସମ୍ପାଦନା ବାବଦରେ ଶିକ୍ଷା
ଓଡ଼ିଆ ଭାଷାର ପ୍ରମୁଖ ବିଭାଗମାନଙ୍କରେ ଓଡ଼ିଆ ଉଇକିପିଡ଼ିଆ ମାଧ୍ୟମରେ ଉଚ୍ଚଶିକ୍ଷାର ବିକାଶ ନିମନ୍ତେ ଯୋଜନା