ଇନ୍ଦ୍ରାଣୀ ମିଶ୍ର
ଇନ୍ଦ୍ରାଣୀ ମିଶ୍ର, ବାରିପଦାରେ ଜନ୍ମିତ ଜଣେ ଓଡ଼ିଆ କଣ୍ଠଶିଳ୍ପୀ ।[୧]
ଇନ୍ଦ୍ରାଣୀ ମିଶ୍ର | |
|---|---|
.jpg) | |
| ଜନ୍ମ | ୮ ନଭେମ୍ବର ୧୯୫୧ |
| ଜାତୀୟତା | ଭାରତୀୟ |
| ଶିକ୍ଷା | ସ୍ନାତକୋତ୍ତର (ଇଂରାଜୀ), ସ୍ନାତକ (ହିନ୍ଦୁସ୍ତାନୀ ଶାସ୍ତ୍ରୀୟ ସଙ୍ଗୀତ) |
| ପ୍ରସିଦ୍ଧି | ଓଡ଼ିଆ ଗାୟିକା |
| ଶୈଳୀ | ଓଡ଼ିଶୀ ସଙ୍ଗୀତ, ହିନ୍ଦୁସ୍ତାନୀ ସଙ୍ଗୀତ |
| ବୈବାହିକ-ସାଥୀ | ପ୍ରଫୁଲ୍ଲ କୁମାର ମିଶ୍ର |
| ସନ୍ତାନ | ସମ୍ୟକ ମିଶ୍ର, ଅଭିଷେକ ମିଶ୍ର |
| ପିତାମାତା | ସୁରେଶ ଚନ୍ଦ୍ର ମିଶ୍ର |
| ପୁରସ୍କାର | ସଂଗୀତ ନାଟକ ଏକାଡେମୀ ପୁରସ୍କାର |
ବାଲ୍ୟ ଜୀବନ ଓ ଶିକ୍ଷା
ସମ୍ପାଦନାପିଲାଟି ଦିନରୁ ସଂଗୀତ ପ୍ରତି ଆକର୍ଷିତ ହୋଇ, ଇନ୍ଦ୍ରାଣୀ ମିଶ୍ର ମାତ୍ର ୫ ବର୍ଷ ବୟସରୁ ସଂଗୀତ ଶିକ୍ଷା ଆରମ୍ଭ କରିଥିଲେ । ପିତା ସୁରେଶ ଚନ୍ଦ୍ର ମିଶ୍ରଙ୍କର ଚାକିରିରେ ବଦଳି କାରଣରୁ, ତାଙ୍କ ପିଲାଦିନ ବାରିପଦା, ଭୁବନେଶ୍ୱର ଓ କଲିକତା ଆଦି ସ୍ଥାନରେ କଟିଥିଲା । ପଣ୍ଡିତ କାଶୀନାଥ ପୂଜାପଣ୍ଡାଙ୍କଠାରୁ ସେ ଓଡ଼ିଶୀ ସଙ୍ଗୀତ ଶିକ୍ଷା ଗ୍ରହଣ କରିଥିଲେ । ପଣ୍ଡିତ ଜେ.ଭି.ଏସ୍. ରାଓ, ଶ୍ରୀ ମାମିନୀ ଗାଙ୍ଗୁଲି[୨] ଆଦି ଗୁରୁଙ୍କଠାରୁ ମଧ୍ୟ ସେ ସଂଗୀତ ଶିକ୍ଷା ଲାଭ କରିଥିଲେ । ସଂଗୀତ ଶିକ୍ଷା ସହ ସମତାଳରେ, ଶ୍ରୀମତୀ ମିଶ୍ର କଲିକତାରୁ ସ୍ନାତକ ଓ ଭୁବନେଶ୍ୱରର ରମାଦେବୀ ମହିଳା ମହାବିଦ୍ୟାଳୟରୁ ଇଂରାଜୀରେ ସ୍ନାତକୋତ୍ତର ଶିକ୍ଷା ଲାଭ କରିଛନ୍ତି ।
କର୍ମ ଜୀବନ
ସମ୍ପାଦନା୧୯୭୧ ମସିହାରେ ଆକାଶବାଣୀ ତରଫରୁ ଅନୁଷ୍ଠିତ ସର୍ବଭାରତୀୟ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରି, ଇନ୍ଦ୍ରାଣୀ ମିଶ୍ର ପ୍ରଥମେ ଲୋକଲୋଚନକୁ ଆସିଥିଲେ । ସେହି ବର୍ଷ ତାଙ୍କୁ ଆକାଶବାଣୀ କଟକର ସ୍ୱୀକୃତି ପ୍ରାପ୍ତ କଳାକାରର ମାନ୍ୟତା ମଧ୍ୟ ହାସଲ ହୋଇଥିଲା । ୧୯୭୨ ମସିହାରୁ ସେ ଆକାଶବାଣୀ କଟକରେ ଜଣେ ନିୟମିତ କଣ୍ଠଶିଳ୍ପୀ ଭାବରେ ସଂଗୀତ ପରିବେଷଣ କରି ଆସୁଛନ୍ତି । ଆକାଶବାଣୀ ଓ ଦୂରଦର୍ଶନ ବ୍ୟତିତ ସେ ଓଡ଼ିଆ କଥାଚିତ୍ର ଓ ଟେଲିଫିଲ୍ମରେ ମଧ୍ୟ ପ୍ରଚ୍ଛଦପଟ ଗାୟିକା ଭାବରେ କାମ କରିଛନ୍ତି । ସେ ଓଡ଼ିଶୀ ସଙ୍ଗୀତର ବିଭିନ୍ନ ପର୍ଯ୍ୟାୟ ଯଥା ଓଡ଼ିଶୀ, ଛାନ୍ଦ, ଚମ୍ପୂ, ଭଜନ, ଜଣାଣ, ଗୀତଗୋବିନ୍ଦ ଓ ହିନ୍ଦୁସ୍ଥାନୀ ସଂଗୀତ, ଗଜଲ, ସୁଗମ ସଙ୍ଗୀତ, ଲୋକସଙ୍ଗୀତ, ଆଧୁନିକ, ନଜରୁଲ ଗୀତ ଆଦି ସଂଗୀତ ପରିବେଷଣ କରନ୍ତି ।
ଶିକ୍ଷାଦାନକୁ ଇନ୍ଦ୍ରାଣୀ ବୃତ୍ତି ଭାବରେ ଗ୍ରହଣ କରିଥିଲେ । ୧୯୮୧ ମସିହାରୁ ଉତ୍କଳ ସଙ୍ଗୀତ ମହାବିଦ୍ୟାଳୟରେ ଇଂରାଜୀ ବିଭାଗରେ ଅଧ୍ୟାପକ ରୂପେ କାର୍ଯ୍ୟ କରି ସେ ଅବସର ଗ୍ରହଣ କରିସାରିଛନ୍ତି ।[୩]
ଓଡ଼ିଆ କଥାଚିତ୍ରରେ ଅବଦାନ
ସମ୍ପାଦନା| କଥାଚିତ୍ର | ମୁକ୍ତିଲାଭ ବର୍ଷ | ସଙ୍ଗୀତ ନିର୍ଦ୍ଦେଶକ |
|---|---|---|
| ଚିଲିକା ତୀରେ | ୧୯୭୭ | ଶାନ୍ତନୁ ମହାପାତ୍ର[୪] |
| ପରାଗ ପରେ | ରିଲିଜ ହୋଇ ପାରି ନାହିଁ | |
| ଧାରେ ଆଲୁଅ | ୧୯୮୩ | ହରିହର ପଣ୍ଡା |
| କେଦାର ଗୌରୀ ଟେଲି ଫିଲ୍ମ | ||
| ବର୍ଷା ଟେଲି ଫିଲ୍ମ | ||
| ମାଁ ତାରିଣୀ ଚଳଚ୍ଚିତ୍ର | ||
| ୟହ କାହାଣୀ ନେହିଁ (ହିନ୍ଦୀ) |
ପୁରସ୍କାର ଓ ସମ୍ମାନ
ସମ୍ପାଦନାଭାରତର ବହୁସ୍ଥାନ ତଥା ଫ୍ରାନ୍ସ, ଜର୍ମାନୀ ଓ ଇଂଲଣ୍ଡ ଆଦି ଦେଶରେ ସେ ସଂଗୀତ ପରିବେଷଣ କରିସାରିଥିବା, ଶ୍ରୀମତି ମିଶ୍ର ବହୁ ଯଶ ସମ୍ମାନ ଓ ପୁରସ୍କାର ଲାଭ କରିଛନ୍ତି ।
- ପ୍ରଣବ ପରମ୍ପରା ସମ୍ମାନ - ୨୦୨୨ ( ସମ୍ଭାବନା ଟ୍ରଷ୍ଟ ପ୍ରଦତ୍ତ)[୫][୬]
- ଓଡ଼ିଶା ସଂଗୀତ ନାଟକ ଏକାଡେମୀ ପୁରସ୍କାର - ୨୦୦୯[୭]
- ରାଜ୍ୟ କଥାଚିତ୍ର ପୁରସ୍କାର: ଶ୍ରେଷ୍ଠ ଗାୟିକା - ଧାରେ ଆଲୁଅ (୧୯୮୩)[୮][୯][୧୦]
- ଆକାଶବାଣୀ ଲଘୁ ସଙ୍ଗୀତ ପୁରସ୍କାର ବିଜେତା - ୧୯୭୧
- ଓଡ଼ିଶା ସଂଗୀତ ନାଟକ ଏକାଡେମୀ ଯୁବ ଶାସ୍ତ୍ରୀୟ ଗାୟକ ପୁରସ୍କାର ବିଜେତା - ୧୯୭୭
- ଶ୍ରୀକ୍ଷେତ୍ର କଳା ପ୍ରକାଶକଙ୍କ ତରଫରୁ 'କଳାରଞ୍ଜନୀ ସମ୍ମାନ' ପୁରସ୍କାର - ୧୯୮୮
- ରୋଟାରୀ କ୍ଳବ ସମ୍ମାନ - ୨୦୦୩
ଗ୍ୟାଲେରି
ସମ୍ପାଦନା-
ଓଡ଼ିଶା ସଂଗୀତ ନାଟକ ଏକାଡେମୀ ପୁରସ୍କାର - ୨୦୦୯ -
ରାଜ୍ୟ ଚଳଚ୍ଚିତ୍ର ପୁରସ୍କାର -
ଅଭିମନ୍ୟୁ ସ୍ମୃତି ସଂସଦ ସମ୍ବର୍ଧନା -
ଉତ୍କଳ ସଂଗୀତ ମହାବିଦ୍ୟାଳୟ -
ରାଜ୍ୟ ଚଳଚ୍ଚିତ୍ର ପୁରସ୍କାର -
କଳାରଞ୍ଜନୀ ସମ୍ମାନ
ଆଧାର
ସମ୍ପାଦନା- ↑ Ram Awatar Agnihotri (1 January 1991). Modern Indian Films on Rural Background: Social and Political Perspectives With Survey Study. Commonwealth Publishers. ISBN 978-81-7169-101-2. Retrieved 26 March 2013.
- ↑ http://www.newindianexpress.com/states/odisha/article53629.ece?service=print[permanent dead link]
- ↑ ସମ୍ବାଦ ୦୬/୦୨/୨୦୦୪
- ↑ "ଆର୍କାଇଭ୍ କପି". Archived from the original on 2013-01-24. Retrieved 2013-03-26.
{{cite web}}: Cite has empty unknown parameter:|1=(help) - ↑ "ଇନ୍ଦ୍ରାଣୀ ମିଶ୍ରଙ୍କୁ ଚତୁର୍ଦ୍ଦଶ ପ୍ରଣବ ପରମ୍ପରା ସମ୍ମାନ". www.etvbharat.com. etv bharat. Archived from the original on 10 June 2022. Retrieved 10 June 2022.
- ↑ "ସଂଭାବନା ପକ୍ଷରୁ 'ପ୍ରଣବ ପ୍ରଣାମ'". www.sambad.in. ଇଷ୍ଟର୍ଣ୍ଣ ମିଡ଼ିଆ. Archived from the original on 10 June 2022. Retrieved 10 June 2022.
- ↑ http://odisha.360.batoi.com/2012/03/18/orissa-sangeet-natak-akademi-awards-from-the-year-2008-to-2011-announced/
- ↑ "ଆର୍କାଇଭ୍ କପି". Archived from the original on 2013-03-11. Retrieved 2013-03-26.
{{cite web}}: Cite has empty unknown parameter:|1=(help) - ↑ http://dff.nic.in/synopsis.asp
- ↑ http://www.orissacinema.com/history/orissa-state-film-award.html