ମେକେଲଙ୍କ ଡାଇଭର୍ଟିକୁଲମ
ମେକେଲଙ୍କ ଡାଇଭର୍ଟିକୁଲମ ହେଉଛି ଏକ ଆଜନ୍ମ ତୃଟି ଯେଉଁଥିରେ କ୍ଷୁଦ୍ର ଅନ୍ତନଳୀରେ ଥିବା ଏକ ଗୋଲାକାର ଫୁଲା ।[୧] ଅଧିକାଂଶ ଲୋକଙ୍କର କୌଣସି ଲକ୍ଷଣ ବିକଶିତ ହୁଏ ନାହିଁ ।[୪] ଲକ୍ଷଣ ପ୍ରକାଶିତ ହେଲେ ଯନ୍ତ୍ରଣା ବିହୀନ ମଳଦ୍ୱାର ରକ୍ତସ୍ରାବ ହୁଏ ।[୩] ଏହି ରକ୍ତର ରଙ୍ଗ ସାଧାରଣତଃ ପିଲାମାନଙ୍କରେ ଏକ ପ୍ରକାର ଜେଲି ଭଳି ଲାଲ ରଙ୍ଗର ଓ ବୟସ୍କମାନଙ୍କଠାରେ କଳା ରଙ୍ଗର ହୋଇଥାଏ ।[୩] ଅନ୍ୟାନ୍ୟ ଉପସ୍ଥାପନାରେ ଭଲଭ୍ୟୁଲସ, ଇଣ୍ଟସସେପସନ, ପ୍ରଦାହ, ଅର୍ବୁଦ କିମ୍ବା ଜଠରାନ୍ତ୍ର ଛିଦ୍ର ଅନ୍ତର୍ଭୁକ୍ତ ହୋଇପାରେ ।[୧] [୨] ଲକ୍ଷଣ ବିକଶିତ ହେଉଥିବା ଲୋକଙ୍କର ଜୀବନର ପ୍ରଥମ କିଛି ବର୍ଷରେ ହେଉଥିବା ଦେଖାଯାଏ ।[୩]
| ମେକେଲଙ୍କ ଡାଇଭର୍ଟିକୁଲମ | |
|---|---|
| ମେକେଲ ଡାଇଭର୍ଟିକୁଲମ | |
 Schematic drawing of a Meckel's diverticulum with a part of the small intestine. | |
| ବିଭାଗ | ଶିଶୁ ରୋଗ, ସାଧାରଣ ଅସ୍ତ୍ରୋପଚାର |
| ଲକ୍ଷଣ | None, rectal bleeding, volvulus, intussusception, inflammation, tumors, intestinal perforation[୧][୨] |
| ଆକ୍ରାନ୍ତ ସମୟ | Present at birth[୧] |
| କାରଣ | Unclear[୧] |
| ରୋଗ ନିର୍ଣ୍ଣୟ ପଦ୍ଧତି | CT scan, radionuclide scan[୩] |
| ସଠିକ ରୋଗ ନିର୍ଣ୍ଣୟ | Swallowed maternal blood, milk protein allergy, intussusception, anal fissure, appendicitis[୩][୨] |
| ଚିକିତ୍ସା | Watchful waiting, surgery[୩] |
| ପୁନଃପୌନିକ | ~2%[୪] |
| Patient UK | ମେକେଲଙ୍କ ଡାଇଭର୍ଟିକୁଲମ |
ଏହାର କାରଣ ଅସ୍ପଷ୍ଟ ରହିଛି ।[୧] ଏହା ଅନ୍ୟାନ୍ୟ ଜନ୍ମ ଦୋଷ ସହିତ ଜଡ଼ିତ ହୋଇପାରେ ।[୩] ଏହା ଏକ ପ୍ରକୃତ ଡାଇଭର୍ଟିକୁଲମ୍ ଯାହା ଓମ୍ଫାଲୋମେସେଣ୍ଟେରିକ୍ ନଳୀର (ଭିଟେଲାଇନ୍ ଡକ୍ଟ)ର ଅବଶିଷ୍ଟାଂଶ ।[୨] ଏହା କ୍ଷୁଦ୍ର ଅନ୍ତନଳୀରେ ଘଟିଥାଏ ଯାହା ଇଲିୟମ୍ ଭାବରେ ଜଣାଶୁଣା ।[୩] ଏଥିରେ ପାକସ୍ଥଳୀ କିମ୍ବା ଅଗ୍ନାଶୟ ତନ୍ତୁ ରହିପାରେ ।[୨] ସିଟି ସ୍କାନ୍ କିମ୍ବା ରେଡିଓନ୍ୟୁକ୍ଲାଇଡ ସ୍କାନ୍ଦ୍ୱାରା ରୋଗ ନିର୍ଣ୍ଣୟ ହୋଇପାରେ। [୩]
ଲକ୍ଷଣ ନଥିବା ଲୋକଙ୍କର ପରିଚାଳନା ଅସ୍ପଷ୍ଟ ଅଟେ ।[୩] ଲକ୍ଷଣ ବିକଶିତ ହୋଇଥିବା ଲୋକଙ୍କର ଅସ୍ତ୍ରୋପଚାର ହେଉଛି ଏକ ମାତ୍ର ଚିକିତ୍ସା ।[୩] ଏହି ଅସ୍ତ୍ରୋପଚାର ଖୋଲା କିମ୍ବା ଲାପାରୋସ୍କୋପିକ୍ ପଦ୍ଧତିରେ କରାଯାଇପାରେ ।[୩] ଯେଉଁମାନେ ବହୁ ପରିମାଣର ରକ୍ତ ହରାଇଛନ୍ତି, ସେମାନଙ୍କୁ ରକ୍ତଦାନ ଆବଶ୍ୟକ ହୋଇପାରେ ।[୩]
ମେକେଲଙ୍କ ଡାଇଭର୍ଟିକୁଲମ୍ ପ୍ରାୟ ୨% ଲୋକଙ୍କଠାରେ ଥାଏ, ଯାହାକୁ ପାକଅନ୍ତନଳୀର ସବୁଠାରୁ ସାଧାରଣ ବିକୃତି କୁହାଯାଏ ।[୪] ନାରୀମାନଙ୍କ ଅପେକ୍ଷା ପୁରୁଷମାନେ ଅଧିକ ପ୍ରଭାବିତ ହୁଅନ୍ତି ।[୩] ଏହା ପ୍ରଥମେ ୧୬୯୯ ମସିହାରେ ଲାଭାଟର ଏବଂ ପରେ ୧୮୦୯ ମସିହାରେ ଜୋହାନ ଫ୍ରିଡ୍ରିକ ମେକେଲଙ୍କଦ୍ୱାରା ଉଲ୍ଲେଖ କରାଯାଇଥିଲା ଯାହାଙ୍କ ନାମାନୁସାରେ ନାମକରଣ ହୋଇଥିଲା ।[୫] [୬]
ଆଧାର
ସମ୍ପାଦନା- ↑ ୧.୦ ୧.୧ ୧.୨ ୧.୩ ୧.୪ ୧.୫ "Meckel's diverticulum". GOSH Hospital site. Archived from the original on 27 February 2021. Retrieved 10 May 2022.
- ↑ ୨.୦ ୨.୧ ୨.୨ ୨.୩ ୨.୪ "Meckel Diverticulum - Gastrointestinal Disorders". Merck Manuals Professional Edition (in କାନାଡିୟ ଇଂରାଜୀ). Archived from the original on 22 March 2022. Retrieved 10 May 2022.
- ↑ ୩.୦୦ ୩.୦୧ ୩.୦୨ ୩.୦୩ ୩.୦୪ ୩.୦୫ ୩.୦୬ ୩.୦୭ ୩.୦୮ ୩.୦୯ ୩.୧୦ ୩.୧୧ ୩.୧୨ ୩.୧୩ An, J; Zabbo, CP (January 2022). "Meckel Diverticulum". PMID 29763135.
{{cite journal}}: Cite journal requires|journal=(help) - ↑ ୪.୦ ୪.୧ ୪.୨ Elsayes KM, Menias CO, Harvin HJ, Francis IR (July 2007). "Imaging manifestations of Meckel's diverticulum". AJR Am J Roentgenol. 189 (1): 81–8. doi:10.2214/AJR.06.1257. PMID 17579156.
- ↑ "Meckel's diverticulum". www.whonamedit.com. Archived from the original on 3 February 2022. Retrieved 10 May 2022.
- ↑ Meckel, JF (1809). "Über die Divertikel am Darmkanal". Archiv für die Physiologie. 9: 421-453.