ଡମ୍ବରୁଧର ପାଠକ
ଡମ୍ବରୁଧର ପାଠକ (୧ ମାର୍ଚ୍ଚ ୧୯୨୪ – ୧୦ ଅଗଷ୍ଟ ୨୦୦୫) ଜଣେ ଭାରତୀୟ ବିଚାରପତି ଥିଲେ, ଯିଏ ଓଡିଶା ଉଚ୍ଚ ନ୍ୟାୟାଳୟ ର ୧୧ତମ ମୁଖ୍ୟ ନ୍ୟାୟାଧୀଶ ଭାବେ କାର୍ଯ୍ୟ କରିଥିଲେ ।[୧]
Justice ଡମ୍ବରୁଧର ପାଠକ | |
|---|---|
| 11th Chief justice of ଓଡ଼ିଶା ଉଚ୍ଚ ନ୍ୟାୟାଳୟ | |
| କାର୍ଯ୍ୟକାଳ 11 August 1983 – 28 February 1986 | |
| ପୂର୍ବ ଅଧିକାରୀ | Ranganath Misra |
| ପର ଅଧିକାରୀ | ହରିଲାଲ ଅଗ୍ରୱାଲ |
| ବ୍ୟକ୍ତିଗତ ସବିଶେଷ | |
| ଜନ୍ମ | ୧ ମାର୍ଚ୍ଚ ୧୯୨୪ |
| ମୃତ୍ୟୁ | ୧୦ ଅଗଷ୍ଟ ୨୦୦୫ (ବୟସ ୮୧) Guwahati, India |
ସଂକ୍ଷିପ୍ତ ଜୀବନ
ସମ୍ପାଦନାଡମ୍ବରୁଧର ପାଠକଙ୍କ ଜନ୍ମ ୧ ମାର୍ଚ୍ଚ ୧୯୨୪ରେ ହୋଇଥିଲା । ସେ ୧୯୪୬ରେ କୋଲକାତା ବିଶ୍ୱବିଦ୍ୟାଳୟରୁ ସ୍ନାତକ (ବି.ଏ.) ଏବଂ ୧୯୫୩ରେ ଗୁଆହାଟି ବିଶ୍ୱବିଦ୍ୟାଳୟରୁ ଏଲଏଲବି ଡିଗ୍ରୀ ଲାଭ କରିଥିଲେ । ଆଗକୁ ଆଇନରେ ଅଧ୍ୟୟନ କରିବା ପାଇଁ ସେ ବ୍ରିଟେନ ଯାଇଥିଲେ । ଲଣ୍ଡନ ବିଶ୍ୱବିଦ୍ୟାଳୟରୁ ସେ ୧୯୫୭ରେ ଏଲଏଲଏମ ଡିଗ୍ରୀ ଲାଭ କଲେ । ସେ ଏହାର ପୂର୍ବରୁ, ୧୯୫୬ରେ ଲିଙ୍କନ୍ସ ଇନ୍ ଅନୁଷ୍ଠାନରୁ ବାର୍ ଆଟ୍ ଲ ଡିଗ୍ରୀ ହାସଲ କରିଥିଲେ ଏବଂ ଉଚ୍ଚତର ଶିକ୍ଷା ସମାପ୍ତ କରି ଭାରତକୁ ଫେରିଲେ । ସେ ଏପ୍ରିଲ୍ ୧୯୫୮ରେ ଗୁଆହାଟି ଉଚ୍ଚ ନ୍ୟାୟାଳୟରେ ଏକ ଅଧିବକ୍ତା ଭାବେ ନିଯୁକ୍ତି ହୋଇଥିଲେ । ୧୯୬୧ରୁ ସେ ଭାରତୀୟ ସୁପ୍ରିମ୍ କୋର୍ଟରେ ମଧ୍ୟ ଓକିଲାତି କରି ମାମଲାରେ ପ୍ରତିନିଧିତ୍ୱ କରିବା ଆରମ୍ଭ କଲେ ।[୨]
ପାଠକ ୧୯୫୮ରୁ ଗୁଆହାଟି ବିଶ୍ୱବିଦ୍ୟାଳୟର ଆଇନ କଲେଜର ସାମୟିକ ଅଧ୍ୟାପକ ଥିଲେ ଏବଂ ତାହାର ତିନି ବର୍ଷ ପର୍ଯ୍ୟନ୍ତ ସାମୟିକ ଅଧ୍ୟକ୍ଷ ଭାବେ ମଧ୍ୟ କାର୍ଯ୍ୟ କଲେ । ସେ ଆଇନ ବିଷୟକ ପ୍ରବନ୍ଧ ଏବଂ ପୁସ୍ତକ ଲେଖି ଏହି ବିଭାଗରେ ଗୁରୁତ୍ୱପୂର୍ଣ୍ଣ ଅବଦାନ ଦେଇଥିଲେ । ନିଜ କାର୍ଯ୍ୟକାଳ ସମୟରେ, ସେ ୮ ଅଗଷ୍ଟ ୧୯୭୩ରେ ଗୁଆହାଟି ଉଚ୍ଚ ନ୍ୟାୟାଳୟର ବେଞ୍ଚରେ ବିଚାରପତି ଭାବେ ନିଯୁକ୍ତ ହୋଇଥିଲେ । ସେ ଏପ୍ରିଲ୍ ୧୮, ୧୯୮୩ରୁ ଅଗଷ୍ଟ ୧୦, ୧୯୮୩ ପର୍ଯ୍ୟନ୍ତ ଗୁଆହାଟି ଉଚ୍ଚ ନ୍ୟାୟାଳୟର ମୁଖ୍ୟ ନ୍ୟାୟାଧୀଶ ଥିଲେ ଏବଂ ଓଡିଶା ଉଚ୍ଚ ନ୍ୟାୟାଳୟର ମୁଖ୍ୟ ନ୍ୟାୟାଧୀଶ ଭାବେ ୧୧ ଅଗଷ୍ଟ ୧୯୮୩ରୁ ୨୮ ଫେବୃଆରୀ ୧୯୮୬ ପର୍ଯ୍ୟନ୍ତ କାର୍ଯ୍ୟ କଲେ ।[୩]
୮୧ ବର୍ଷ ବୟସରେ ୧୦ ଅଗଷ୍ଟ ୨୦୦୫ରେ ପାଠକଙ୍କ ଦେହାନ୍ତ ଗୁଆହାଟିରେ ତାଙ୍କ ନିଜ ଗୃହରେ ହୋଇଥିଲା ।[୪]
ଆଧାର
ସମ୍ପାଦନା- ↑ "Supreme Court accuses Government of packing judiciary with 'sycophant judges'". India Today (in ଇଂରାଜୀ). 2013-12-17. Retrieved 2024-12-19.
- ↑ "Former Hon'ble Chief Justices of Gauhati High Court – THE GAUHATI HIGH COURT". ghconline.gov.in. Retrieved 2024-12-19.
- ↑ "Former Chief Justice | Orissa High Court, Cuttack". www.orissahighcourt.nic.in. Retrieved 2024-12-19.
- ↑ "Northeast Diary 11-08-2005". telegraphindia. Retrieved 19 December 2024.