ହୁମାଇମା ମଲିକ
ହୁମାଇମା ମଲିକ (ଉର୍ଦ୍ଦୁ: حمایمہ ملک; ଜନ୍ମ: ୧୮ ନଭେମ୍ବର ୧୯୮୭) ଜଣେ ପାକିସ୍ତାନୀ ମଡେଲ ଯିଏକି ପାକିସ୍ତାନୀ ଚଳଚ୍ଚିତ୍ର ସହ ଭାରତୀୟ ହିନ୍ଦୀ କଥାଚିତ୍ର ଏବଂ ଦୂରଦର୍ଶନ ଧାରାବାହିକରେ ଅଭିନୟ କରିଛନ୍ତି । ପାକିସ୍ତାନର ବେଲୁଚିସ୍ତାନରେ ଜନ୍ମଗ୍ରହଣ କରିଥିବା ହୁମା ସ୍ଥାନୀୟ ସରକାରୀ ମହାବିଦ୍ୟାଳୟରୁ ସ୍ନାତକ ହାସଲ କରିଥିଲେ । ପରେ ତାଙ୍କର ବାପାଙ୍କର ଅବସର ପରେ ସେମାନେ କରାଚୀକୁ ସ୍ଥାନାନ୍ତର ହୋଇଯାଇଥିଲେ । ତାଙ୍କର ଦୁଇ ଭାଇ ଏବଂ ତିନି ଭଉଣୀ ଅଛନ୍ତି ।[୨] ୨୦୦୮ରେ ପାକିସ୍ତାନୀ ଦୂରଦର୍ଶନର ଧାରାବାହିକରେ ଅଭିନୟ କରିଥିବା ହୁମା ୨୦୧୧ରେ ପାକିସ୍ତାନୀ କଥାଚିତ୍ରରେ ଅଭିନୟ ଆରମ୍ଭ କରିଥିଲେ । ପରେ ସେ ୨୦୧୪ରେ ହିନ୍ଦୀ କଥାଚିତ୍ର ରାଜା ନଟବରଲାଲ ଜରିଆରେ ହିନ୍ଦୀ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।
ହୁମାଇମା ମଲିକ | |
|---|---|
.jpg) ସୀଡିନୀ, ଅଷ୍ଟ୍ରେଲିଆରେ ହୁମା | |
| ଜନ୍ମ | ହୁମାଇମା ମଲିକ ୧୮ ନଭେମ୍ବର ୧୯୮୭[୧] ବେଲୁଚିସ୍ତାନ, ପାକିସ୍ତାନ |
| ଜାତୀୟତା | ପାକିସ୍ତାନୀ |
| ବୃତ୍ତି(ସମୂହ) | ମଡେଲ, ଅଭିନେତ୍ରୀ |
| ସକ୍ରିୟ ବର୍ଷ | ୨୦୦୯ – ଏବେଯାଏଁ |
| ସମ୍ପର୍କୀୟ | ଫିରୋଜ ଖାନ (ଭାଇ) |
ପ୍ରାରମ୍ଭିକ ଜୀବନ
ସମ୍ପାଦନାହୁମାଇମା ମିଲକ ୧୮ ନଭେମ୍ବର ୧୯୮୭ରେ ପାକିସ୍ତାନର ବେଲୁଚିସ୍ତାନର କୋଟାଠାରେ ଜନ୍ମଗ୍ରହଣ କରିଥିଲେ ।[୧]
ସେ ସେହି କୋଟର ଏକ ସ୍ଥାନୀୟ ବିଦ୍ୟାଳୟରୁ ତାଙ୍କର ବିଦ୍ୟାଳୟ ଶିକ୍ଷା ଶେଷ କରିବା ପରେ କୋଟାର ଏକ ସରକାରୀ ମହିଳା ମହାବିଦ୍ୟାଳୟରୁ ସ୍ନାତକ ହାସଲ କରିଥିଲେ । ହୁମାଙ୍କର ଦୁଇ ଭାଇ ଏବଂ ତିନି ଭଉଣୀ ଅଛନ୍ତି । ହୁମାଙ୍କର ଭାଇ ଫିରୋଜ ଖାନ ମଧ୍ୟ ଜଣେ ଅଭିନେତା । ହୁମାଙ୍କର ବାପାଙ୍କର ଅବସର ପରେ ସେମାନେ କରାଚୀକୁ ସ୍ଥାନାନ୍ତରିତ ହୋଇଯାଇଥିଲେ ।
ଅଭିନୟ ଜୀବନ
ସମ୍ପାଦନା୧୪ ବର୍ଷ ବୟସରେ ହୁମା ଜଣେ ମଡେଲ ଭାବରେ କାମ କରିବା ଆରମ୍ଭ କରିଥିଲେ । ଇଉନିଲିଭ ପାକିସ୍ତାନ କାର୍ଯ୍ୟକ୍ରମ ଜରିଆରେ ସେ ମଡେଲିଂରେ ପ୍ରବେଶ କରିଥିଲେ । ଏହି କାର୍ଯ୍ୟକ୍ରମରେ ସେ ରାମ୍ପରେ ପ୍ରଥମଥର ପାଇଁ ଚାଲିଥିଲେ ଏବଂ ଏହାପରଠାରୁ ସେ ବିଭିନ୍ନ ଫ୍ୟାସନ ସୋ'ରେ ଭାଗନେଇଥିଲେ । ୨୦୦୮ରେ ସେ ଏକ ଦୂରଦର୍ଶନ ଧାରାବାହିକରେ ଅଭିନୟ କରିଥିଲେ । ପରେ ପରେ ସେ କିଛି ଦୂରଦର୍ଶନ ଧାରାବାହିକରେ ଅଭିନୟ କରିଥିଲେ ।
୨୦୧୧ରେ ସେ ପାକିସ୍ତାନୀ କଥାଚିତ୍ର ବୋଲ୍ ଜରିଆରେ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ୨୦୧୪ରେ ସେ ହିନ୍ଦୀ କଥାଚିତ୍ର ରାଜା ନଟବରଲାଲ ଜରିଆରେ ହିନ୍ଦୀ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହି କଥାଚିତ୍ରରେ ହୁମାଙ୍କ ସହ ଅଭିନେତା ଇମ୍ରାନ ହାସିମ ଏବଂ ପରେଶ ରାୱଲ ମଧ୍ୟ ଅଭିନୟ କରିଥିଲେ ।[୩]
ଅଭିନୀତ କଥାଚିତ୍ର
ସମ୍ପାଦନା- ୨୦୧୧: ବୋଲ୍
- ୨୦୧୩: ଇସ୍କ ଖୁଦା
- ୨୦୧୪: ରାଜା ନଟବରଲାଲ
- ୨୦୧୫: ଦେଖ୍ ମଗର୍ ପ୍ୟାର୍ ସେ
- ୨୦୧୭: ଆର୍ଥ ୨
ଦୂରଦର୍ଶନ
ସମ୍ପାଦନା- ୨୦୦୮: ମିଲି ଅଲି କୋ ମିଲି
- ୨୦୦୯: ଇସ୍କ ଜୁନୁନ୍ ଦିବାଙ୍ଗି
- ୨୦୦୯: ବାରିଶ କାଏ ଅନସୋ
- ୨୦୧୦: ତୟାର-ଏ-ଲହୋତି
- ୨୦୧୦: ଆଜ୍ ମୈ ତେନୁ ପ୍ୟାର୍ କରା
- ୨୦୧୦: ତଲାକ୍
- ୨୦୧୧: ଆକବରି ଆସଘରି
ଆଧାର
ସମ୍ପାଦନା- ↑ ୧.୦ ୧.୧ "Humaima Malik signs bollywood film opposite Emran Hashmi". 13 August 2013. Archived from the original on 25 December 2018. Retrieved 15 May 2017 – via Aaj TV.
- ↑ "Humaima Malick and brother Feroze Khan set out on spiritual journey to holy land". The Express Tribune. 16 June 2016.
- ↑ "Humaima Malick lands triple film deal in Bollywood". Dawn (newspaper). 27 August 2014.
ଅଧିକ ତଥ୍ୟ
ସମ୍ପାଦନା- ଇଣ୍ଟରନେଟ ମୁଭି ଡାଟାବେସରେ ହୁମାଇମା ମଲିକ