ହଜରତ ବେଗମ
ହଜରତ ବେଗମ (Persian: حضرت بیگم; Pashto: حضرت بېګم; ଜନ୍ମ-୧୭୪୦), (ଅନ୍ୟନାମ: ହଜରତ ମହଲ[୧][୨] ଏବଂ ସାହିବା ବେଗମ)[୩] ଜଣେ ମୋଗଲ ସାମ୍ରାଜ୍ୟର ରାଜକୁମାରୀ ଥିଲେ । ସେ ମୋଗଲ ସମ୍ରାଟ ମହମ୍ମଦ ଶାହାଙ୍କ ଝିଅ ଥିଲେ । ସେ ଦୁରାନୀ ସାମ୍ରାଜ୍ୟର ପ୍ରଥମ ଏମିର ଅହମ୍ମଦ ଶାହା ଦୁରାନୀଙ୍କ ପତ୍ନୀ ଥିଲେ ।
| ହଜରତ ବେଗମ | |
|---|---|
| ମୋଗଲ ସାମ୍ରାଜ୍ୟର ରାଜକୁମାରୀ
| |
| ଜୀବନସାଥୀ | ଅହମ୍ମଦ ଶାହା ଦୁରାନୀ |
| ବଂଶ | ତିମୁରିଦ ରାଜବଂଶ (ଜନ୍ମ ଅନୁଯାୟୀ) ଦୁରାନୀ (ବିବାହ ପରେ) |
| ବାପା | ମହମ୍ମଦ ଶାହା |
| ମାଆ | ସାହିବା ମହଲ |
| ଜନ୍ମ | c. ୧୭୪୦ ଦିଲ୍ଲୀ, ମୋଗଲ ସାମ୍ରାଜ୍ୟ |
| ଧର୍ମ | ଇସଲାମ ଧର୍ମ |
ଜୀବନୀ
ସମ୍ପାଦନାହଜରତ ବେଗମ ଜଣେ ମୋଗଲ ରାଜକୁମାରୀ ଭାବରେ ଜନ୍ମଗ୍ରହଣ କରିଥିଲେ ଏବଂ ସେ ମୋଗଲ ସମ୍ରାଟ ମହମ୍ମଦ ଶାହା ଏବଂ ତାଙ୍କ ପତ୍ନୀ ସାହିବା ମହଲଙ୍କ ଝିଅ ଥିଲେ ।[୪] ଏପ୍ରିଲ ୧୭୪୮ ମସିହାରେ, ତାଙ୍କ ପିତା ମହମ୍ମଦ ଶାହାଙ୍କର ମୃତ୍ୟୁ ପରେ ତାଙ୍କ ଭାଇ ଅହମ୍ମଦ ଶାହା ବାହାଦୂର ସିଂହାସନ ଆରୋହଣ କରିଥିଲେ ।[୫] ତାଙ୍କ ମାତା କୁଦସିଆ ବେଗମ ସ୍ୱର୍ଗତ ସମ୍ରାଟଙ୍କ ଧର୍ମପତ୍ନୀ ଏବଂ ପିଲାମାନଙ୍କୁ କେବଳ ସରକାରଙ୍କ ଖର୍ଚ୍ଚରେ ନୁହେଁ ବରଂ ନିଜ ପାଣ୍ଠିରୁ ମଧ୍ୟ ଭରଣପୋଷଣ କରିଥିଲେ ।[୬]
୨୬ ମଇ ୧୭୫୪ ମସିହାରେ, ମଲହର ରାଓ ହୋଲକରଙ୍କ ନେତୃତ୍ୱରେ ମରାଠାଙ୍କର ଏକ ସୈନ୍ୟବାହିନୀ ଅହମ୍ମଦ ଶାହାଙ୍କୁ ଆକ୍ରମଣ କରିଥିଲେ ।[୭]
ଏପ୍ରିଲ ୧୭୫୭ ମସିହାରେ, ସାମ୍ରାଜ୍ୟର ରାଜଧାନୀ ଦିଲ୍ଲୀରୁ ଲୁଟିବା ପରେ ଦୁରାନି ରାଜା ଅହମ୍ମଦ ଶାହା ଅବଦାଲୀ ମୃତ ସମ୍ରାଟ ମହମ୍ମଦ ଶାହାଙ୍କ ୧୬ ବର୍ଷର ଝିଅକୁ ବିବାହ କରିବାକୁ ଇଚ୍ଛା କରିଥିଲେ ।[୮] ତାଙ୍କୁ ମାତ୍ର ୧୬ ବର୍ଷ ହୋଇଥିବାରୁ ବାଦଶାହ ବେଗମ ତାଙ୍କୁ ୩୫ ବର୍ଷ ବୟସ୍କ ଆଫଗାନିସ୍ତାନ ରାଜାଙ୍କୁ ହସ୍ତାନ୍ତର କରିବାକୁ ପ୍ରତିରୋଧ କରିଥିଲେ, କିନ୍ତୁ ଶାହା ତାଙ୍କୁ ୫ ଏପ୍ରିଲ ୧୭୫୭ ମସିହାରେ ଦିଲ୍ଲୀରେ ବିବାହ କରିଥିଲେ ।[୯] ବିବାହ ସମାରୋହ ପରେ ଅହମ୍ମଦ ଶାହା ତାଙ୍କ ସାନ ପତ୍ନୀଙ୍କୁ ନିଜ ଦେଶ ଆଫଗାନିସ୍ତାନକୁ ନେଇ ଯାଇଥିଲେ । ନବବଧୂଙ୍କ ସହିତ ବାଦଶାହ ବେଗମ୍, ସାହିବା ମହଲ ଏବଂ ରାଜ ମୋଗଲ ହରେମର କିଛି ପ୍ରତିଷ୍ଠିତ ମହିଳା ଥିଲେ ।
ଆଧାର
ସମ୍ପାଦନା- ↑ Sir Jadunath Sarkar (1964). 1771-1788. 3d ed. 1964. Orient Longman. p. 307.
- ↑ Dr. B. P. Saha (1997). Begams, Concubines, and Memsahibs. Vikas Publishing House. p. 29. ISBN 9788125902850.
- ↑ Sarkar, Jadunath (1964). "Fall Of The Mughal Empire, Volume 1". Internet Archive. p. 334. Retrieved 2021-11-01.
- ↑ Sarkar, Jadunath (1999). Fall of the Mughal Empire (4th ed.). Hyderabad: Orient Longman. p. 268. ISBN 9788125017615.
- ↑ Edwards, Michael (1960). The Orchid House: Splendours and Miseries of the Kingdom of Oudh, 1827-1857 (in ଇଂରାଜୀ). Cassell. p. 7.
- ↑ Kumari, Savita. Udham Bai: A Glimpse into the Aplendid Life of a Later Mughal Queen. p. 51.
- ↑ Bilkees I. Latif (2010). Forgotten. Penguin Books India. p. 50. ISBN 978-0-14-306454-1.
- ↑ A Comprehensive History of India: 1712-1772 (in ଇଂରାଜୀ). Orient Longmans. 1978.
- ↑ Sarkar, Sir Jadunath (1971). 1754-1771 (Panipat). 3d ed. 1966, 1971 printing (in ଇଂରାଜୀ). Orient Longman. p. 89.