ସାର୍କ କୋଭିଡ-୧୯ ଆପାତକାଳୀନ କୋଷ

ସାର୍କ କୋଭିଡ-୧୯ ଆପାତକାଳୀନ କୋଷ କରୋନାଭୂତାଣୁ ରୋଗ ୨୦୧୯ର ସାମ୍ଭାବ୍ୟ ମହାମାରୀ ସ୍ଥିତିର ମୁକାବିଲା ପାଇଁ ଗଠନ କରାଯାଇଛି । ୨୦୨୦ ମସିହା ମାର୍ଚ୍ଚ ୧୫ ତାରିଖରେ ସାର୍କ (SAARC) ସଂଘ ଅନ୍ତର୍ଭୂକ୍ତ ଦେଶପ୍ରମୁଖଙ୍କ ସହ ଭିଡ଼ିଓ କନଫରେନସିଂ ସମୟରେ ଭାରତୀୟ ପ୍ରଧାନମନ୍ତ୍ରୀ ଏହି ଫଣ୍ଡ ଗଠନର ପ୍ରସ୍ତାବ ଦେଇଥିଲେ । ଦକ୍ଷିଣ ଏସୀୟ ରାଷ୍ଟ୍ରମାନଙ୍କର କରୋନା ମହାମାରୀ ସମ୍ପର୍କିତ ସଙ୍କଟ ପାଇଁ ଏହି କୋଷ ଉଦ୍ଧିଷ୍ଟ । ସାର୍କର ଅନ୍ୟାନ୍ୟ ସଦସ୍ୟମାନେ ମଧ୍ୟ ଏହି ପ୍ରସ୍ତାବରେ ସହମତି ପ୍ରକାଶ କରିଥିଲେ ।

ସହଭାଗିତା

ଭାରତ ପ୍ରାରମ୍ଭିକ ଭାବେ ୧ କୋଟି ଡ଼ଲାର ଏହି କୋଷକୁ ଦାନ କରିଥିଲା । ଭାରତୀୟ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି କହିଥିଲେ ଯେ ସଦସ୍ୟ ରାଷ୍ଟ୍ରଙ୍କ ଏଥିରେ ଯୋଗଦାନ ସ୍ୱତଃପ୍ରବୃତ୍ତ ହେବା ଉଚିତ । ୨୦୨୦ ମସିହା ଅପ୍ରେଲ ୧୦ ତାରିଖ ସୁଦ୍ଧା ସାତୋଟି ସଦସ୍ୟ ରାଷ୍ଟ୍ମାନଙ୍କଦ୍ୱାରା ଏଥିରେ ୨.୧୮ କୋଟି ଡ଼ଲାର ସଂଗୃହୀତ ହୋଇସାରିଥିଲା ।

ମାର୍ଚ୍ଚ ୨୧ ତାରିଖରେ ମାଳଦ୍ୱୀପ ୨ ଲକ୍ଷ ଡ଼ଲାର ଏବଂ ଭୁଟାନ ୧ଲକ୍ଷ ଡ଼ଲାର ଦାନ କରିବାର ଘୋଷଣା କରିଥିଲା । ମାର୍ଚ୍ଚ ୨୨ ତାରିଖରେ ବାଂଲାଦେଶ ୧୫ ଲକ୍ଷ ଡ଼ଲାର, ନେପାଳ ଏବଂ ଆଫଗାନିସ୍ତାନ ପ୍ରତ୍ୟେକ ୧୦ ଲକ୍ଷ ଡ଼ଲାର ଦେବାକୁ ପ୍ରତିଶ୍ରୁତି ଦେଇଥିଲେ । ମାର୍ଚ୍ଚ ୨୩ ତାରିଖରେ ଶ୍ରୀଲଙ୍କା ୫୦ ଲକ୍ଷ ଡ଼ଲାର ଦେବାର ଘୋଷଣା କରିଥିଲା । ପାକିସ୍ଥାନ ମଧ୍ୟ ଅପ୍ରେଲ ୩୦ ଲକ୍ଷ ଡ଼ଲାର ସହାୟତା ଘୋଷଣା କରିଥିଲା ।

ସହାୟତା ରାଶିର ବିବରଣୀ

ଦେଶ	ନିୟୁତ ୟୁ.ଏସ ଡ଼ଲାରରେ
ଭାରତ	୧୦
ଶ୍ରୀଲଙ୍କା	୫
ପାକିସ୍ଥାନ	୩
ବାଂଲାଦେଶ	୧.୫
ନେପାଳ	୧
ଆଫଗାନିସ୍ତାନ	୧
ଛାଞ୍ଚ:Country data MDV ମାଳଦ୍ୱୀପ	୦.୨
ଛାଞ୍ଚ:Country data BHU ଭୁଟାନ	୦.୧
ସମୂଳ	୨୧୮