ଶ୍ୟାମସୁନ୍ଦର ମହାପାତ୍ର (ଯାତ୍ରା କଳାକାର)

ଶ୍ୟାମସୁନ୍ଦର ମହାପାତ୍ର ଜଣେ ଓଡ଼ିଆ ଯାତ୍ରା ଅଭିନେତା, ନାଟ୍ୟକାର ଥିଲେ । ସେ କଳିଙ୍ଗ ନାଟ୍ୟ ପରିଷଦ ଓ ମଞ୍ଚପୁଷ୍ପ ଭଳି ଯାତ୍ରା ଅନୁଷ୍ଠାର ସ୍ଥାପନ କରିବା ସହିତ ଓଡ଼ିଶା ଅପେରା ଭଳି ଜଣାଶୁଣା ଯାତ୍ରାପାର୍ଟିରେ ଅଭିନୟ କରିଥିଲେ । ତାଙ୍କ ସ୍ମୃତିରେ ଶ୍ୟାମ-ଶକୁନ୍ତଳା ଟ୍ରଷ୍ଟ ପକ୍ଷରୁ ଯାତ୍ରା ସମ୍ରାଟ ଶ୍ୟାମସୁନ୍ଦର ମହାପାତ୍ର ସ୍ମୃତି ପୁରସ୍କାର ପ୍ରଦାନ କରାଯାଉଛି ।

ଶ୍ୟାମସୁନ୍ଦର ମହାପାତ୍ର
ଶ୍ୟାମସୁନ୍ଦର ମହାପାତ୍ର
ଜନ୍ମ ଓ ଜନ୍ମସ୍ଥାନ	୧୯୨୭ ଧାମନଗର, ଭଦ୍ରକ, ଓଡ଼ିଶା
ମୃତ୍ୟୁ	୫ ଅଗଷ୍ଟ ୧୯୮୧(1981-08-05) (ବୟସ ୫୩–୫୪) ଭଦ୍ରକ
ବୃତ୍ତି	(ଯାତ୍ରା) ଅଭିନେତା
ଭାଷା	ଓଡ଼ିଆ
ନାଗରିକତା	ଭାରତୀୟ

ଜନ୍ମ ଓ ପ୍ରାରମ୍ଭିକ ଜୀବନ

ଶ୍ୟାମସୁନ୍ଦର ୧୯୨୭ ମସିହାରେ, ଭଦ୍ରକ ଜିଲ୍ଲାର ଧାମନଗର ଠାରେ ଏକ ଜମିଦାର ପରିବାରରେ ଜନ୍ମଗ୍ରହଣ କରିଥିଲେ । ଆଇ.ଏ. ପଢ଼ା ଶେଷ କରି ସେ ଶିକ୍ଷକତା କରୁଥିବା ସମୟରେ ଯାତ୍ରା ଜଗତରେ କାମ କରିବା ଆରମ୍ଭ କରିଥିଲେ ।

ଅଭିନୟ ଜୀବନ

ଶିକ୍ଷକତା କରୁଥିବାବେଳେ ତାଙ୍କ ମାମୁଁ ଗଙ୍ଗାଧର ମହାପାତ୍ର ତାଙ୍କୁ ଯାତ୍ରାରେ କାମ କରିବାକୁ ଆହ୍ୱାନ ଦେଇଥିଲେ । ଗଙ୍ଗାଧର ବାବୁଙ୍କ ଦ୍ୱାରା ସାରୋରେ ଗଠିତ ଯାତ୍ରାଦଳର ଦାୟିତ ତାଙ୍କୁ ଦେଇଥିଲେ, ସେ ଯାହାର ନାମ ପରିବର୍ତ୍ତନ କରି କଳିଙ୍ଗ ନାଟ୍ୟ ପରିଷଦ ରଖିଥିଲେ । ନାଟ୍ୟକାର କୃଷ୍ଣପ୍ରସାଦ ବେହେରାଙ୍କ ରଚିତ ନାଟକ ରକ୍ତପୂଜା ଥିଲା ତାଙ୍କ ଅଭିନୀତ ପ୍ରଥମ ନାଟକ, ଯେଉଁଥିରେ ସେ ଅଧୀରଥ ଭୂମିକାରେ ଅଭିନୟ କରିଥିଲେ ।

କଳିଙ୍ଗ ନାଟ୍ୟ ପରିଷଦ ବନ୍ଦ ହୋଇଯିବା ପରେ, ସାରଦା କଳାକୁଞ୍ଜ (ନଗେଶପୁର) ଯାତ୍ରାଦଳରେ ଚାକିରୀ କରିଥିଲେ । ଏହାପରେ, ସେ ଓଡ଼ିଶା ଅପେରା ଓ ଜନନୀ ଗଣନାଟ୍ୟରେ ଚାକିରୀ କରିଥିଲେ । ସାରୋକୁ ଫେରି ସେ ପୁଣିଥରେ ଏକ ଯାତ୍ରାଦଳ, ମଞ୍ଚପୁଷ୍ପା ଗଢ଼ିଥିଲେ, ମାତ୍ର ଅର୍ଥ ଅଭାବରୁ ଏହା ଅଳ୍ପଦିନରେ ବନ୍ଦ ହୋଇଯାଇଥିଲା ।

ଅଭିନୀତ ଯାତ୍ରା

• ରକ୍ତପୂଜା (କଳିଙ୍ଗ ନାଟ୍ୟ ପରିଷଦ)
• ଅଷ୍ଟଧା
• ସାତ୍ତ୍ୱିକ
• ବ୍ୟଭିଚାର
• ଅଙ୍ଗ ପ୍ରତ୍ୟଙ୍ଗ
• ଉପାଙ୍ଗର ପ୍ରୟୋଗ
• ଚନ୍ଦ୍ର ଶେଖର - ମୀରାକାଶିମ୍ ଭୂମିକାରେ

ଅଭିନୀତ କଥାଚିତ୍ର

• ମଥୁରା ବିଜୟ (୧୯୭୯) - ଅକ୍ରୁର ଭୂମିକାରେ

ରଚିତ ନାଟକ

• ଜାତୀୟ ପତାକା
• ମହିୟସୀ ମହିଳା
• ବାଲ୍ୟ ବିଧବା
• ଲବକୁଶ
• ବୁନିୟାଦ୍
• ଚନ୍ଦ୍ରଶେଖର
• ଛତ୍ରଶାଳ
• ଖାରବେଳ
• ବେଇମାନ୍
• ପ୍ରତିଦାନ
• ସୁଲ୍‌ତାନ୍ ମାମୁଦ୍

ସମ୍ମାନ ଓ ପୁରସ୍କାର

• ସଙ୍ଗୀତ ନାଟକ ଏକାଡେମୀ (ଯାତ୍ରା), ୧୯୮୦

ବାହାର ଲିଙ୍କ୍

• ଇଣ୍ଟରନେଟ ମୁଭି ଡାଟାବେସରେ ଶ୍ୟାମସୁନ୍ଦର ମହାପାତ୍ର