ଶଲାବୁଢ଼ା

ଶଲାବୁଢ଼ା ୨୦୧୨ରେ ମୁକ୍ତିଲାଭ କରିଥିବା ଏକ ଓଡ଼ିଆ କଳାଧଳା ସିନେମା । ଏହା ସବ୍ୟସାଚୀ ମହାପାତ୍ରଙ୍କ ନିର୍ଦ୍ଦେଶନାରେ ନିର୍ମିତ ହୋଇଥିଲା ।

ଶଲାବୁଢ଼ା
ନିର୍ଦ୍ଦେଶକ	ସବ୍ୟସାଚୀ ମହାପାତ୍ର
ପ୍ରଯୋଜକ	ସୁଶାନ୍ତ ମହାପାତ୍ର
ସଂଳାପ	କପିଳେଶ୍ୱର ପ୍ରସାଦ ମହାପାତ୍ର
କାହାଣୀ	କପିଳେଶ୍ୱର ପ୍ରସାଦ ମହାପାତ୍ର
କଳାକାର	ଅଟଳ ବିହାରୀ ପଣ୍ଡା,ରତନ ମେହେର,ପୃଥ୍ୱୀରାଜ
ସଙ୍ଗୀତ	ପଙ୍କଜ ଜାଲ, ଘାସିରାମ ମିଶ୍ର
ଚିତ୍ରଗ୍ରହଣ	ଓମପ୍ରକାଶ ମହାପାତ୍ର
ସମ୍ପାଦକ	ରାଜେନ୍ଦ୍ର ମହାପାତ୍ର
ମୁକ୍ତିଲାଭ ତାରିଖ	୨୦୧୨
କଥାଚିତ୍ରର ସମୟ	୯୦ ମିନିଟ
ଦେଶ	ଭାରତ
ଭାଷା	ଓଡ଼ିଆ

ଗ୍ରାମୀଣ ପୃଷ୍ଠଭୂମି ଉପରେ ପର୍ଯ୍ୟବସିତ ଏହି ଚଳଚ୍ଚିତ୍ରଟିର ନାୟକ ଜଣେ ଉଦାର ବୟସ୍କ ବ୍ୟକ୍ତି । ଦୁର୍ଭିକ୍ଷ ଭଳି ପ୍ରତିକୂଳ ପରିସ୍ଥିତିରେ ମଧ୍ୟ ସେ କିପରି ଗ୍ରାମବାସୀମାନଙ୍କୁ ସାହାଯ୍ୟ କରିବା ଜାରୀ ରଖିପାରିଛନ୍ତି ତାହା ଏହି ଚଳଚ୍ଚିତ୍ରରେ ଦର୍ଶାଯାଇଛି ।

କଥାଚିତ୍ରଟିର କାହାଣୀ ସବ୍ୟସାଚୀଙ୍କ ପିତା କପିଳେଶ୍ୱର ପ୍ରସାଦ ମହାପାତ୍ରଙ୍କଦ୍ୱାରା ଲିଖିତ । ଏହାର ପ୍ରଯୋଜନା କରିଛନ୍ତି ତାଙ୍କ ଭାଇ ସୁଶାନ୍ତ ମହାପାତ୍ର । ଭାଇ ଓମପ୍ରକାଶ ଓ ରାଜେନ୍ଦ୍ର ଯଥାକ୍ରମେ କ୍ୟାମେରା ପରିଚାଳନା ଓ ସମ୍ପାଦନା ଦାୟିତ୍ୱରେ ଅଛନ୍ତି । ସବ୍ୟସାଚୀଙ୍କ ପୁତ୍ର ଚୋଡ଼ଗଙ୍ଗ ମହାପାତ୍ର ଏହି ଚଳଚ୍ଚିତ୍ରର ସହନିର୍ଦ୍ଦେଶକ ଅଟନ୍ତି । ଚଳଚ୍ଚିତ୍ରରେ ସ୍ୱର ସଂଯୋଜନା କରିଛନ୍ତି ପଙ୍କଜ ଜାଲ ଓ ଘାସିରାମ ମିଶ୍ର । ମୁଖ୍ୟ ନାୟକ ଭୂମିକାରେ ଅବତୀର୍ଣ୍ଣ ହୋଇଛନ୍ତି ୮୩ ବର୍ଷ ବୟସ୍କ ନାଟ୍ୟକର୍ମୀ ଅଟଳ ବିହାରୀ ପଣ୍ଡା । ଚଳଚ୍ଚିତ୍ରଟିରେ ଅଟଳ ବିହାରୀଙ୍କ ସମେତ ଅନେକ ନୂଆ କଳାକାରମାନଙ୍କୁ ସୁଯୋଗ ଦିଆଯାଇଛି ।

ଅଭିନୟରେ

‘ଶଲାବୁଢ଼ା’ କଥାଚିତ୍ରରେ ଅଭିନୟ କରିଥିବା ପ୍ରମୁଖ କଳାକାରବୃନ୍ଦ  :

• ଅଟଳ ବିହାରୀ ପଣ୍ଡା
• ରତନ ମେହେର
• ପୃଥ୍ୱୀରାଜ
• ତପସ୍ୱିନୀ ଗୁରୁ
• ପୁରୁଷୋତ୍ତମ ମିଶ୍ର
• ପ୍ରଦ୍ୟୁମ୍ନ ସାହୁ
• ରୋଜାଲିନ ଷଢ଼ଙ୍ଗୀ
• ବିନୋଦ ପାତ୍ର
• ଗୋପାଳ ପ୍ରଧାନ
• ବିଜୟ ତ୍ରିପାଠୀ
• ଗଦାଧର ବାରିକ
• ବାଞ୍ଛାନିଧି ପଟ୍ଟନାୟକ

ପୁରସ୍କାର ଏବଂ ସମ୍ମାନ

• ଭାରତୀୟ ପାନୋରାମା ଓ କଲିକତା ଇଣ୍ଟରନେସନାଲ ଫିଲ୍ମ ଫେଷ୍ଟିଭାଲରେ ପ୍ରଦର୍ଶିତ ।
• ଜାକର୍ତ୍ତା ଇଣ୍ଟରନେସନାଲ ଫିଲ୍ମ ଫେଷ୍ଟିଭାଲ ଫର ସ୍ପିରିଚୁଆଲିଟି, ରିଲିଜିୟନ ଆଣ୍ଡ ଭିଜିଓନାରୀ-୨୦୧୩ରେ 'ଆୱର୍ଡ ଅଫ ଏକ୍ସଲେନ୍ସି' ସମ୍ମାନ ।

ଅଧିକ ତଥ୍ୟ

• ଇଣ୍ଟରନେଟ ମୁଭି ଡାଟାବେସରେ ଶଲାବୁଢ଼ା