ଲୁଚକାଳି

ଏହି ଲେଖାଟି ଖେଳ ବାବଦରେ । ଚଳଚ୍ଚିତ୍ର ପାଇଁ, ଲୁଚକାଳି (ଓଡ଼ିଆ କଥାଚିତ୍ର) ପ୍ରସଙ୍ଗଟି ଦେଖନ୍ତୁ ।

ଲୁଚକାଳି (ବା ଲୁଚୁକାଳି/ଲୁଚ୍‌+କାଳି/ଲୁଚିକାଳି; ବା-ଲୁଚଲୁଚାଣି, ଲୁଚୁଲୁଚାଣି) ଖେଳରେ ଜଣେ କିମ୍ବା ତତୋଽଧିକ ଖେଳାଳିଙ୍କୁ ଲୁଚି ରହିଥିବା ଅନ୍ୟାନ୍ୟ ଖେଳାଳିଙ୍କୁ ଖୋଜିବାକୁ ପଡ଼ିଥାଏ । ଏହି ଖେଳକୁ ଭିନ୍ନ ଭିନ୍ନ ସ୍ଥାନରେ ଭିନ୍ନ ଭିନ୍ନ ପ୍ରକାରେ ଖେଳା ଯାଇଥାଏ ।

ଲୁଚକାଳି

Jan Verhas - À cache-cache
ଖେଳାଳି	2+
ବୟସ ସୀମା	କୌଣସି ନିର୍ଦ୍ଧିଷ୍ଟ ବୟସ ସୀମା ନାହିଁ
ବ୍ୟବସ୍ଥିତ ସମୟ	କିଛି ନିର୍ଦ୍ଧିଷ୍ଟ ନୁହେଁ
ଖେଳିବା ସମୟ	କିଛି ନିର୍ଦ୍ଧିଷ୍ଟ ନୁହେଁ
Random chance	Very Low
ଆବଶ୍ୟକୀୟ କୌଶଳ	Running, Tracking, Hiding, Observation

ନିୟମ

ପଥମେ ସମସ୍ତ ଖେଳାଳିଙ୍କ ଭିତରୁ ଚୋର ବଛାଯାଏ । ଏହି ଚୋରକୁ ଆଖି ବନ୍ଦକରି ନିର୍ଦ୍ଧିଷ୍ଟ ସଂଖ୍ୟା ପର୍ଯ୍ୟନ୍ତ ଗଣିବାକୁ କୁହାଯାଇଥାଏ ଓ ସେହି ସମୟ ଭିତରେ ଅନ୍ୟ ଖେଳାଳିମାନେ ଲୁଚିଯାଆନ୍ତି । ଗଣି ସାରିବାପରେ ଚୋର ଜଣକ ସମସ୍ତଙ୍କୁ ଖୋଜିବା ଆରମ୍ଭକରେ । ଯେଉଁ ଖେଳାଳି ପ୍ରଥମେ ଧରାପଡେ ସେ ପରବର୍ତ୍ତୀ ଚୋର ହୁଏ । ଜଣେ ଖେଳାଳି ଧରାପଡ଼ିଗଲେ ସମସ୍ତଙ୍କୁ ଏହି କଥା ଜଣେଇଦିଆଯାଏ ଯେ ଖେଳର ଦ୍ୱିତୀୟ ଭାଗ ଆରମ୍ଭ ହେଲା ଓ ନୂଆ ଚୋରକୁ ଚିହ୍ନେଇ ଦିଆଯାଏ । କେତେକ କ୍ଷେତ୍ରରେ କିନ୍ତୁ ସମସ୍ତ ଖେଳାଳି ଧରାପଡ଼ିବା ପର୍ଯ୍ୟନ୍ତ ଖେଳ ଚାଲେ । ଏହି ସମୟ ଭିତରେ ଯଦି କେହି ଧରାପଡ଼ିନଥିବା ଖେଳାଳି ପଛପଟୁ ଚୋରକୁ ଛୁଇଁଦିଏ ତେବେ ସେହି ଚୋରକୁ ପୁଣିଥରେ ଚୋର ହବାକୁ ପଡେ ।

ଅନ୍ୟ କେତେକ ଟିକିଏ ଅଲଗା ଖେଳନ୍ତି । ସେଥିରେ ଚୋର ସହ ଜଣେ "ବୁଢିଆଣୀ" ବା "ବୁଢ଼ୀ ମାଉସୀ" ବି ବଛାଯାଏ । ବୁଢ଼ୀ ମାଉସୀ ସମସ୍ତେ ଲୁଚିବା ଯାଏଁ ଚୋର ଆଖି ବନ୍ଦକରି ରଖେ ଓ ସମସ୍ତ ଖେଳାଳି ଲୁଚିଗଲା ପରେ ଛାଡେ । କେତେକ କ୍ଷେତ୍ରରେ ଆଖିବନ୍ଦ କରି ରଖିବା ପାଇଁ ନିର୍ଦ୍ଧିଷ୍ଟ ସମୟ ଧାର୍ଯ୍ୟ କରାଯାଇଥାଏ । ଖେଳାଳି ସବୁ ଚୋରଠୁଁ ଲୁଚିଲୁଚି ଆସି ବୁଢ଼ୀ ମାଉସିକୁ ଛୁଇଁ ଦେଇଯାଆନ୍ତି; ଯିଏ ବୁଢିଆଣୀକୁ ଛୁଇଁବା ପୂର୍ବରୁ ଚୋର ହାବୁଡରେ ପଡେ ତେବେ ସେ ପରବର୍ତ୍ତୀ ଚୋର ହୁଏ । ଏହି ଧାରା କ୍ରମାନ୍ୱୟରେ ଚାଲେ ।

A 19th century painting of three children playing hide and seek in a forest

ଆଧିକ ଦେଖନ୍ତୁ

• ଅନ୍ଧପୁଟୁଳି
• ଛୁଆଁଛୁଇଁ