ଲାରିଞ୍ଜାଇଟିସ
ଲାରିଞ୍ଜାଇଟିସ (ଇଂରାଜୀ ଭାଷାରେ Laryngitis) ଏକ ଇଂରାଜୀ ଶବ୍ଦ ଯାହାର ଅର୍ଥ ସ୍ୱରପେଟିକାର larynx ପ୍ରଦାହ (inflammation) ରୋଗ । [୧] ଏହି ରୋଗରେ କର୍କଶ ସ୍ୱର (hoarse voice) ହୁଏ ଓ ଜ୍ୱର, କାଶ, ବେକ ସାମନା ପାର୍ଶ୍ୱରେ ଯନ୍ତ୍ରଣା ଓ ଖାଦ୍ୟ ଗିଳିବାରେ (trouble swallowing) ଅସୁବିଧା ଇତ୍ୟାଦି ଲକ୍ଷଣ ଦେଖାଯାଏ । [୧][୨] ଏହି ଲକ୍ଷଣମାନ ୨ ସପ୍ତାହ ପର୍ଯ୍ୟନ୍ତ ରହେ । [୧]
| ଲାରିଞ୍ଜାଇଟିସ | |
|---|---|
 ଏସିଡ ରିଫ୍ଲକ୍ସ (acid reflux) ଯୋଗୁ ସ୍ୱରପେଟିକାରେ ହୋଇଥିବା ପ୍ରଦାହର ଏଣ୍ଡୋସ୍କୋପିକ ଚିତ୍ର । | |
| ଉଚ୍ଚାରଣ | |
| ବିଭାଗ | କର୍ଣ୍ଣ ନାସା ଗଳା ରୋଗ ବିଜ୍ଞାନ otorhinolaryngology |
| ଲକ୍ଷଣ | କର୍କଶ ସ୍ୱର (hoarse voice, ଜ୍ୱର, ଯନ୍ତ୍ରଣା[୧][୨] |
| ଅବଧି | ସାଧାରଣତଃ ୨ ସପ୍ତାହରୁ କମ୍ । [୧] |
| କାରଣ | ଭୁତାଣ, ଆଘାତ ଓ ଜୀବାଣୁ[୧] |
| ସଠିକ ରୋଗ ନିର୍ଣ୍ଣୟ | ଏପିଗ୍ଲଟାଇଟିସ, ସ୍ୱରପେଟିକା କର୍କଟ ରୋଗ (en:laryngeal cancer[୧] |
| ଚିକିତ୍ସା | ସ୍ୱର ବିଶ୍ରାମ, ତରଳ ପଦାର୍ଥ[୧] |
| ପୁନଃପୌନିକ | ସାଧାରଣ[୧] |
ତିନି ସପ୍ତାହରୁ କମ ସମୟ ରହିଲେ ଏହି ରୋଗକୁ ଆକ୍ୟୁଟ ଲାରିଞ୍ଜାଇଟିସ, ଓ ତିନି ସପ୍ତାହରୁ ଅଧିକ ସମୟ ରହିଲେ କ୍ରନିକ ଲାରିଞ୍ଜାଇଟିସ ନାମ ଦିଆଯାଏ । ଭୁତାଣୁ ଜନିତ ଉର୍ଦ୍ଧ୍ୱଶ୍ୱାସନଳୀ ସଂକ୍ରମଣର (viral upper respiratory tract infection) ଅଂଶ ରୂପେ ଆକ୍ୟୁଟ ଲାରିଞ୍ଜାଇଟିସ ହୁଏ । ଆଘାତ ଓ ଅନ୍ୟାନ୍ୟ ସଂକ୍ରମଣ ମଧ୍ୟ ଏହାର କାରଣ ହୋଇପାରେ ।[୧] ଧୂମ୍ରପାନ, ଯକ୍ଷ୍ମା, ଆଲର୍ଜି, ଏସିଡ ରିଫ୍ଲକ୍ସ, ରିଉମାଟଏଡ ଆର୍ଥ୍ରାଇଟିସ ଓ ସାର୍କଏଡୋସିସ (sarcoidosis) ଇତ୍ୟାଦି ଅବସ୍ଥାରେ କ୍ରନିକ ଲାରିଞ୍ଜାଇଟିସ ରୋଗ ହୁଏ । [୧][୩] ସ୍ୱର ଯନ୍ତ୍ରର (vocal cords) ବିଦାହ ବା ଇରିଟେସନ ଏହି ରୋଗର ଅନ୍ତର୍ନିହିତ କାର୍ଯ୍ୟପ୍ରଣାଳୀ । [୨]
ରୋଗୀର ଶ୍ୱାସକ୍ରିୟା ସମୟରେ ସ୍ଟ୍ରାଇଡର ବା ହୁଇସିଲ (stridor) ଶବ୍ଦ ଆସୁଥିଲେ, ବେକରେ ରାଡିଏସନ ଥେରାପିର ଇତିହାସ ଥିଲେ, ଗିଳିବାରେ ଅସୁବିଧା ହେଉଥିଲେ, ୩ ସପ୍ତାହରୁ ଅଧିକ ରୋଗ ସମୟ ଥିଲେ ଓ ଧୂମ୍ରପାନ କରୁଥିଲେ ଅଧିକ ଅନୁଶୀଳନ ଆବଶ୍ୟକ ହୁଏ । ଏହି ଅନୁଶୀଳନରେ ସ୍ୱରତନ୍ତୁର ଲାରିଙ୍ଗୋସ୍କୋପି (laryngoscopy) ପରୀକ୍ଷା କରାଯାଏ । ଲାରିଞ୍ଜାଇଟିସ ଲକ୍ଷଣ ଭଳି ଲକ୍ଷଣ ଥିବା ଅନ୍ୟାନ୍ୟ ରୋଗମାନଙ୍କ ନାମ ଯଥାକ୍ରମେ:- ଏପିଗ୍ଲଟାଇଟିସ, ଉର୍ଦ୍ଧ୍ୱଶ୍ୱାସନଳୀ ପ୍ରଦାହ (croup), ବାହ୍ୟ ପଦାର୍ଥ ଥିଲେ ଓ ସ୍ୱରପେଟିକାରେ କର୍କଟ ରୋଗ ଥିଲେ ସମ ଧରଣର ଲକ୍ଷଣ ପ୍ରକାଶ ପାଏ । [୧][୪]
ଆକ୍ୟୁଟ ଲାରିଞ୍ଜାଇଟିସ ରୋଗ ଆପେ ଭଲ ହୋଇଯାଏ । କଥାବାର୍ତ୍ତା ବନ୍ଦ କରି ସ୍ୱର ଯନ୍ତ୍ରକୁ ବିଶ୍ରାମ ଦେଲେ ଓ ପ୍ରଚୁର ତରଳ ପଦାର୍ଥ ପାନ କଲେ ଯଥେଷ୍ଟ ହୁଏ ।[୧] ଆଣ୍ଟିବାୟୋଟିକ (Antibiotic) ସାଧାରଣତଃ ଆକ୍ୟୁଟ ରୋଗରେ ଉପକାରୀ ହୁଏନାହିଁ । [୫] କ୍ରନିକ ଅପେକ୍ଷା ଆକ୍ୟୁଟ ରୋଗ ସାଧାରଣ ଭାବେ ଅଧିକ ଦେଖାଯାଏ ।[୧] ମଧ୍ୟ ବୟସରେ କ୍ରନିକ ରୋଗ ଅଧିକ ହୁଏ ଓ ମହିଳାଙ୍କ ଅପେକ୍ଷା ପୁରୁଷଙ୍କର ଅଧିକ ହୁଏ । [୬]
ଆଧାର
ସମ୍ପାଦନା- ↑ ୧.୦୦ ୧.୦୧ ୧.୦୨ ୧.୦୩ ୧.୦୪ ୧.୦୫ ୧.୦୬ ୧.୦୭ ୧.୦୮ ୧.୦୯ ୧.୧୦ ୧.୧୧ ୧.୧୨ ୧.୧୩ Wood, John M.; Athanasiadis, Theodore; Allen, Jacqui (9 October 2014). "Laryngitis". BMJ. The BMJ. 349: g5827. doi:10.1136/bmj.g5827. ISSN 1756-1833. PMID 25300640. Retrieved 21 November 2016.
- ↑ ୨.୦ ୨.୧ ୨.୨ "Laryngitis - National Library of Medicine". PubMed Health. Retrieved 9 November 2016.
- ↑ Dworkin, James Paul (April 2008). "Laryngitis: Types, Causes, and Treatments". Otolaryngologic Clinics of North America. 41 (2): 419–436. doi:10.1016/j.otc.2007.11.011. PMID 18328379.
- ↑ Ferri, Fred F. (2016). Ferri's Clinical Advisor 2017: 5 Books in 1 (in ଇଂରାଜୀ). Elsevier Health Sciences. p. 709. ISBN 9780323448383.
- ↑ Reveiz, L; Cardona, AF (23 May 2015). "Antibiotics for acute laryngitis in adults". The Cochrane database of systematic reviews. 5: CD004783. doi:10.1002/14651858.CD004783.pub5. PMID 26002823.
- ↑ Dhingra, P. L.; Dhingra, Shruti (2014). Diseases of Ear, Nose and Throat (in ଇଂରାଜୀ) (6 ed.). Elsevier Health Sciences. p. 292. ISBN 9788131236932.
ଅଧିକ ତଥ୍ୟ
ସମ୍ପାଦନା- ଲାରିଞ୍ଜାଇଟିସ at Curlie
- Mayo Clinic
| ଶ୍ରେଣୀବିଭାଗ | |
|---|---|
| ବାହାର ଉତ୍ସ |