ରାଧାନାଥ ରଥ (ମନସ୍ତତ୍ତ୍ୱବିଦ)

ମନସ୍ତତ୍ତ୍ୱବିଦ


ରାଧାନାଥ ରଥ (୮ ଫେବୃଆରୀ ୧୯୨୦ - ୨୯ ଅକ୍ଟୋବର ୨୦୧୪[୨]) ଓଡ଼ିଶାର ଜଣେ ମନସ୍ତତ୍ତ୍ୱବିଦ । ସେ ରେଭେନ୍ସା କଲେଜରେ ଅଧ୍ୟାପକଭାବେ ଚାକିରି ଜୀବନ ଆରମ୍ଭ କରିଥିଲେ । ତାଙ୍କ ଉଦ୍ୟମକ୍ରମେ ସେଠାରେ ମନସ୍ତତ୍ତ୍ୱ ବିଭାଗ ଓ ଉତ୍କଳ ବିଶ୍ୱବିଦ୍ୟାଳୟରେ ସ୍ନାତକୋତ୍ତର ବିଭାଗ ଖୋଲାଯାଇଥିଲା । ୧୯୪୯ ମସିହାରେ ପ୍ରଥମ ଓଡ଼ିଆ ଭାବେ ସେ ଲଣ୍ଡନ ବିଶ୍ୱବିଦ୍ୟାଳୟରୁ ମନସ୍ତତ୍ତ୍ୱରେ ଡକ୍ଟରେଟ ଡିଗ୍ରୀ ଲାଭ କରିଥିଲେ । ୧୯୮୪ ମସିହାରେ ତାଙ୍କ ଉଦ୍ୟମରେ ଉତ୍କଳ ବିଶ୍ୱବିଦ୍ୟାଳୟରେ ଆନ୍ତର୍ଜାତୀୟ ମନସ୍ତତ୍ତ୍ୱବିତ ସମ୍ମିଳନୀ, ଭୁବନେଶ୍ୱର ଅନୁଷ୍ଠିତ ହୋଇଥିଲା । ସେ ବିଶ୍ୱବିଦ୍ୟାଳୟ ଆୟୋଗର ମନୋବିଜ୍ଞାନ ପ୍ୟାନେଲର ଅଧ୍ୟକ୍ଷ, ଚୟନ ଏବଂ ପରିଦର୍ଶନ କମିଟିର ସଦସ୍ୟ, ଆଇସିଏସଏସଆରର ସଦସ୍ୟ, ଏନ୍ସିଇଆରଟିର ସଭ୍ୟ, ଓଡ଼ିଶା ଚାଇଲଡ଼ କେୟାର ଅରଗାନାଇଜେସନର ଅଧ୍ୟକ୍ଷ ରୂପେ ଅବସ୍ଥାପିତ ଥିଲେ । ୨୦୧୪ ମସିହା ସେପ୍ଟେମ୍ବର ୨୯ ତାରିଖ ଦିନ ଭୁବନେଶ୍ୱରଠାରେ ତାଙ୍କର ଦେହାନ୍ତ ହୋଇଥିଲା ।[୧][୩]

ରାଧାନାଥ ରଥ
ଜନ୍ମ ଓ ଜନ୍ମସ୍ଥାନ
ରାଧାନାଥ ରଥ

୮ ଫେବୃଆରୀ ୧୯୨୦(1920-02-08)
ମୃତ୍ୟୁ୨୯ ଅକ୍ଟୋବର ୨୦୧୪(2014-10-29) (ବୟସ ୯୪)
ଭୁବନେଶ୍ୱର
ମୃତ୍ୟୁର କାରଣସେପ୍ଟିସେମିଆ ରୋଗରେ[୧]
ସମାଧି  ସ୍ଥଳସାଆନ୍ତସାହି, ଭୁବନେଶ୍ୱର
ଜାତୀୟତାଭାରତୀୟ
ଜୀବନସାଥିଶାନ୍ତିଦେବୀ ରଥ
ବାପା ବୋଉସକଳେଶ୍ୱର ରଥ
ତିଳୋତ୍ତମା ରଥ
ପୁରସ୍କାରଓଡ଼ିଶା ସାହିତ୍ୟ ଏକାଡେମୀ ପୁରସ୍କାର

ଜୀବନୀସମ୍ପାଦନ କରନ୍ତୁ

ପାରିବାରିକ ଜୀବନସମ୍ପାଦନ କରନ୍ତୁ

ରାଧାନାଥ ରଥ ୧୯୨୦ ମସିହା, ଫେବୃଆରୀ ୮ତାରିଖରେ ଗଞ୍ଜାମ ଜିଲ୍ଲାର ତଳରାମପଲ୍ଲୀ ଗ୍ରାମରେ ବାପା ସକଳେଶ୍ୱର ରଥଙ୍କ ଔରସ୍ୟରୁ ଓ ମାତା ତିଳୋତ୍ତମା ରଥଙ୍କ ଠାରୁ ଜନ୍ମ ନେଇଥିଲେ ।[୩]

ଶିକ୍ଷାସମ୍ପାଦନ କରନ୍ତୁ

ସେ ମନସ୍ତତ୍ତ୍ୱ ବିଜ୍ଞାନରେ ସ୍ନାତକୋତ୍ତର ଶିକ୍ଷା ଲାଭ କରିଥିଲେ । ୧୯୪୯ ମସିହାରେ ପ୍ରଥମ ଓଡ଼ିଆଭାବେ ସେ ଲଣ୍ଡନ ବିଶ୍ୱବିଦ୍ୟାଳୟରୁ ମନସ୍ତତ୍ତ୍ୱରେ ଡକ୍ଟରେଟ ଡିଗ୍ରୀ ହାସଲ କରିଥିଲେ ।[୩]

ଚାକିରିସମ୍ପାଦନ କରନ୍ତୁ

ସ୍ନାତକୋତ୍ତର ଶିକ୍ଷା ସମାପନ ପରେ ସେ ରଥ ୧୯୪୪ ମସିହାରେ ରେଭେନ୍ସା କଲେଜରେ ଜଣେ ମନସ୍ତତ୍ତ୍ୱ ଅଧ୍ୟାପକଭାବେ ଚାକିରି ଆରମ୍ଭ କରିଥିଲେ । ସେ ଅଧ୍ୟାପକ ଥିବା ସମୟରେ ସେଠାରେ ୧୯୫୩ ମସିହାରେ ମନସ୍ତତ୍ତ୍ୱ ବିଭାଗ ଖୋଲାଇବା ପାଇଁ ଉଦ୍ୟମ କରିଥିଲେ ଓ ଖୋଲାଇଥିଲେ । ଏହା ପରେ ସେ ଉତ୍କଳ ବିଶ୍ୱବିଦ୍ୟାଳୟରେ ମନସ୍ତତ୍ତ୍ୱ ବିଭାଗରେ ଯୋଗ ଦେଇଥିଲେ । ସେଠାରେ ତାଙ୍କ ଉଦ୍ୟମରେ ୧୯୫୮ମସିହାରେ ମନସ୍ତତ୍ତ୍ୱରେ ସ୍ନାତକୋତ୍ତର ଶିକ୍ଷା ଆରମ୍ଭ କରାଯାଇଥିଲା । [୩] ସେ୧୯୮୧ ମସିହାରେ ସରକାରୀ ଚାକିରିରୁ ଅବସର ନେଇଥିଲେ । ଏକାଧିକ ବିଶ୍ୱବିଦ୍ୟାଳୟରେ ଭିଜିଟିଂ ପ୍ରଫେସର ଭାବେ ପାଠ ପଢ଼ାଇଛନ୍ତି । ୧୯୮୧ରୁ ୧୯୮୩ ମସିହା ଯାଏଁ ଆଇସିଏସଏସଆର ପକ୍ଷରୁ ତାଙ୍କୁ "ନ୍ୟାସନାଲ ଫେଲୋ' ସମ୍ମାନ ପ୍ରଦାନ କରାଯାଇଥିଲା ।[୧]

ରଚନାସମ୍ପାଦନ କରନ୍ତୁ

ରାଧାନାଥ ରଥ ୨୮ଟି ଉପନ୍ୟାସ ଲେଖିଥିବା ବେଳେ ନିଜର ଭ୍ରମଣ ଅନୁଭୂତିକୁ ନେଇ ବହି, ନିଜର ଆତ୍ମଜୀବନୀ, ମନସ୍ତତ୍ତ୍ୱ ସମ୍ବନ୍ଧିତ ପୁସ୍ତକମାନ ରଚନା କରିଛନ୍ତି ।[୧]

ତାଙ୍କର କିଛି ରଚନାବଳୀ[୪] :-

ଉପନ୍ୟାସ

  • ପାଇ ନ ପାଇବାର ସ୍ୱପ୍ନ
  • ଭଲ ପାଇବାର ଆଦିକଥା
  • ସାଗର ସେପାରେ
  • ହଜିଲା ହଜିଲା ଛାଇ

ଆତ୍ମ ଜୀବନୀ

  • ମୋ ସ୍ୱପ୍ନ ମୋ ଜୀବନ

ଭ୍ରମଣ କାହାଣୀ

  • ଇଂଲଣ୍ଡ ଅନୁଭୂତି
  • ଆମେରିକା ଡାଏରୀ
  • ସୋଭିଏତ୍ ରୁଷ ଅନୁଭୂତି
  • ନାନା ଦେଶ ନାନା କଥା

ପୁରସ୍କାର ଓ ସମ୍ମାନସମ୍ପାଦନ କରନ୍ତୁ

ରାଧାନାଥଙ୍କୁ ତାଙ୍କର ଆତ୍ମ ଜୀବନୀ "ମୋ ସ୍ୱପ୍ନ ମୋ ଜୀବନ" ପାଇଁ ୧୯୯୧ ମସିହାରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ମିଳିଥିଲା ।[୫]

ଆଧାରସମ୍ପାଦନ କରନ୍ତୁ

  1. ୧.୦ ୧.୧ ୧.୨ ୧.୩ "ପ୍ରଫେସର ରାଧାନାଥ ରଥଙ୍କ ପରଲୋକ" (PDF). ସମ୍ବାଦ. ୩୦ ସେପ୍ଟେମ୍ବର ୨୦୧୪. Retrieved ୧ ଅକ୍ଟୋବର ୨୦୧୪. Check date values in: |accessdate=, |date= (help)
  2. "Father of Odisha Psychology studies Prof Radhanath Rath dies". ଓଡ଼ିଶା ସନ୍ ଟାଇମସ୍. ୨୯-୦୯=୨୦୧୪. Retrieved 3 December 2016. Check date values in: |date= (help)
  3. ୩.୦ ୩.୧ ୩.୨ ୩.୩ "ବିଶିଷ୍ଟ ମନସ୍ତତ୍ତ୍ୱବିତ ପ୍ରଫେସର ରାଧାନାଥ ରଥଙ୍କ ପରଲୋକ". ସମାଜ. ୨୯ ସେପ୍ଟେମ୍ବର ୨୦୧୪. Check date values in: |accessdate=, |date= (help); |access-date= requires |url= (help)
  4. ସିଂହ, ସମ୍ପାଦନା: ବିଜୟାନନ୍ଦ (2015). ଓଡ଼ିଆ ଭ୍ରମଣ କାହାଣୀ. ନୂଆ ଦିଲ୍ଲୀ: ନ୍ୟାସନାଲ ବୁକ ଟ୍ରଷ୍ଟ ଇଣ୍ଡିଆ. p. ୪୪୪. ISBN 978-81-237-7388-9.
  5. "ଓଡ଼ିଶା ସାହିତ୍ୟ ଏକାଡେମୀ ପୁରସ୍କୃତ ପୁସ୍ତକ ଓ ଲେଖକ". ଓଡ଼ିଶା ସାହିତ୍ୟ ଏକାଡେମୀ. Retrieved 8 March 2017.