ରମଣ ଗୁପ୍ତା

ରମଣ ଗୁପ୍ତା (ଜନ୍ମ: ୨୮ ଜୁନ ୧୯୭୭) ଜଣେ ଭାରତୀୟ ଅଭିନେତା, ନୃତ୍ୟଶିଳ୍ପୀ ଏବଂ ଗାୟକ । ସେ ମୁଖ୍ୟତଃ ନାଗପୁରୀ କଥାଚିତ୍ର, ନାଗପୁରୀ ଆଲବମ୍ ଏବଂ ଖୋର୍ଠା କଥାଚିତ୍ର ଆଦିରେ କାମ କରନ୍ତି । ସେ ହିନ୍ଦୀ କଥାଚିତ୍ର ଜଗତରେ ମଧ୍ୟ କାମ କରିଛନ୍ତି । ସେ ନାଗପୁରୀ କଥାଚିତ୍ର ସୂନ୍ ସଜନା, ଦେବ ରିକ୍ସାବାଲା ଏବଂ ଗଙ୍ଗୱା ପାଇଁ ଜଣାଶୁଣା । ତାଙ୍କୁ ୨୦୧୮ ମସିହାରେ ଝାଡ଼ଖଣ୍ଡ ଆନ୍ତର୍ଜାତୀୟ ଚଳଚ୍ଚିତ୍ର ପୁରସ୍କାର ଉତ୍ସବରେ ଶ୍ରେଷ୍ଠ ଆଞ୍ଚଳିକ ଅଭିନେତା ଭାବରେ ସମ୍ମାନିତ କରାଯାଇଥିଲା । ୨୦୨୨ ମସିହାରେ ତାଙ୍କୁ ଝଲିଉଡ଼ ପୁରସ୍କାର ଉତ୍ସବରେ ଶ୍ରେଷ୍ଠ ଚିରସବୁଜ ଅଭିନେତା ଭାବରେ ସମ୍ମାନିତ କରାଯାଇଥିଲା ।

ରମଣ ଗୁପ୍ତା
ଜନ୍ମ	ବୁନ୍ଦୁ, ରାଞ୍ଜି, ଝାଡ଼ଖଣ୍ଡ
ଜାତୀୟତା	ଭାରତୀୟ
ବୃତ୍ତିସମୂହ	ଅଭିନେତା ନୃତ୍ୟଶିଳ୍ପୀ ଗାୟକ

ଅଭିନୟ ଜୀବନ

୨୦୦୫ ମସିହାରେ ସେ ନାଗପୁରୀ କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ କଥାଚିତ୍ର ଥିଲା ରାଜୀବ ସିହ୍ନାଙ୍କ ନିର୍ଦ୍ଦେଶିତ ସୁନ୍ ସାଜନ୍, ଯେଉଁଥିରେ ସେ ଅଭିନେତ୍ରୀ କାଞ୍ଚନ ରୟଙ୍କ ସହିତ ନାୟକ ଭାବରେ ଅଭିନୟ କରିଥିଲେ । ୨୦୧୯ ମସିହାରେ ସେ ଦେବ୍ ରିକ୍ସାବାଲା କଥାଚିତ୍ରରେ କାମ କରିଥିଲେ । ସେହି ବର୍ଷ ସେ ଖୋର୍ଠା କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ । ମାଟି ଶିର୍ଷକରେ ନିର୍ମିତ ଏହି କଥାଚିତ୍ରଟିରେ ସେ ବର୍ଷା ଋତୁ ଲାକ୍ରାଙ୍କ ନାୟକ ଭାବରେ କାମ କରିଥିଲେ, ଯାହାକି ୨୦୧୯ ଝାଡ଼ଖଣ୍ଡ ଆନ୍ତର୍ଜାତୀୟ ଚଳଚ୍ଚିତ୍ର ପୁରସ୍କାର ଉତ୍ସବରେ ଶ୍ରେଷ୍ଠ ଖୋର୍ଠା କଥାଚିତ୍ର ଭାବରେ ସମ୍ମାନିତ ହୋଇଥିଲା । ୨୦୨୦ ମସିହାରେ ତାଙ୍କ ଅଭିନୀତ କଥାଚିତ୍ର ଗଙ୍ଗୱା ମୁକ୍ତିଲାଭ କରିଥିଲା । ପୂର୍ବତନ ଭାରତୀୟ ପୁରୁଷ କ୍ରିକେଟ ଦଳର ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ଉପର ନିର୍ମିତ କଥାଚିତ୍ର ଏମ୍.ଏସ୍. ଧୋନି: ଦି ଅନ୍‌ଟୋଲ୍ଡ ଷ୍ଟୋରୀରେ ସେ କାମ କରିଥିଲେ ।

ଅଭିନୀତ କଥାଚିତ୍ର

ବର୍ଷ	କଥାଚିତ୍ର	ଭୂମିକା	ଭାଷା	ମନ୍ତବ୍ୟ
୨୦୦୫	ସୁନ୍ ସଜନା		ନାଗପୁରୀ
୨୦୧୪	କୋୟେଲାଞ୍ଜଲ		ହିନ୍ଦୀ
୨୦୧୬	ଏମ୍.ଏସ୍. ଧୋନି: ଦି ଅନ୍‌ଟୋଲ୍ଡ ଷ୍ଟୋରୀ
୨୦୧୯	ମାଟି		ଖୋର୍ଠା	୨୦୧୯ ଝାଡ଼ଖଣ୍ଡ ଆନ୍ତର୍ଜାତୀୟ ଚଳଚ୍ଚିତ୍ର ପୁରସ୍କାର ଉତ୍ସବରେ ଶ୍ରେଷ୍ଠ ଖୋର୍ଠା କଥାଚିତ୍ର
	ୱାନ୍ ଡେ: ଜଷ୍ଟିସ୍ ଡେଲିଭର୍‌ଡ୍	ଅତିଥି କଳାକାର	ହିନ୍ଦୀ
	ଦେବ୍ ରିକ୍ସାବାଲା		ନାଗପୁରୀ
୨୦୨୦	ଗଙ୍ଗୱା

ପୁରସ୍କାର

ପୁରସ୍କାର	ବର୍ଗ	ବର୍ଷ	ଫଳାଫଳ	ଆଧାର
ଝାଡ଼ଖଣ୍ଡ ଆନ୍ତର୍ଜାତୀୟ ଚଳଚ୍ଚିତ୍ର ପୁରସ୍କାର	ଶ୍ରେଷ୍ଠ ଆଞ୍ଚଳିକ ଅଭିନେତା	୨୦୧୮	ବିଜେତା
ଝଲିଉଡ଼ ପୁରସ୍କାର ଉତ୍ସବ	ସର୍ବଶ୍ରେଷ୍ଠ ଚିରସବୁଜ ଅଭିନେତା	୨୦୨୨

ବାହାର ଲିଙ୍କ୍

• ଇଣ୍ଟରନେଟ ମୁଭି ଡାଟାବେସରେ ରମଣ ଗୁପ୍ତା