ମୋଈନ ଖାନ

ମହମ୍ମଦ ମୋଈନ ଖାନ (ଉର୍ଦ୍ଦୁ: محمد معین خان (ଜନ୍ମ ୨୩ ସେପ୍ଟେମ୍ବର ୧୯୭୧), ପାକିସ୍ତାନ କ୍ରିକେଟ ଦଳର ପ୍ରାକ୍ତନ ଖେଳାଳୀ ଅଟନ୍ତି । "ମୋଇନ ଖାନ" ଭାବରେ ସେ ବେଶୀ ପରିଚିତ । ସେ ମୁଖ୍ୟତଃ ଜଣେ ୱିକେଟରକ୍ଷକ-ବ୍ୟାଟ୍ସମ୍ୟାନ ଥିଲେ । ସେ ୧୯୯୦ରୁ ୨୦୦୪ ପର୍ଯ୍ୟନ୍ତ ପାକିସ୍ତାନ ରାଷ୍ଟ୍ରୀୟ କ୍ରିକେଟ ଦଳ ପାଇଁ ଟେଷ୍ଟ କ୍ରିକେଟ ଏବଂ ଏକ ଦିବସୀୟ ଆନ୍ତର୍ଜାତୀୟ କ୍ରିକେଟ ଖେଳିଥିଲେ । ତାହା ସହ ସେ ପାକିସ୍ତାନୀ ଟୀମର ନେତୃତ୍ୱ ମଧ୍ୟ ନେଇଥିଲେ । ସେ ଟେଷ୍ଟ କ୍ରିକେଟରେ ୧୦୦ଟି କ୍ୟାଚ ନେଇଥିଲେ । ଏକ ଦିବସୀୟ କ୍ରିକେଟରେ ସେ ୩,୦୦୦ରୁ ଅଧିକ ଏକ ଦିବସୀୟ ରନ ବନେଇଥିଲେ ଏବଂ ୨୦୦ଟି କ୍ୟାଚ ନେଇଥିଲେ ।

ମୋଈନ ଖାନ
معین خان

ବ୍ୟକ୍ତିଗତ ତଥ୍ୟ
ନାମ	ମହମ୍ମଦ ମୋଈନ ଖାନ
ଜନ୍ମ	(1971-09-23) ୨୩ ସେପ୍ଟେମ୍ବର ୧୯୭୧ ରାବଳପିଣ୍ଡି, ପାକିସ୍ତାନ
ବ୍ୟାଟିଂ ପ୍ରକାର	ଡାହାଣହାତୀ
ବୋଲିଂ ପ୍ରକାର	ରାଇଟ ଆର୍ମ ଅଫ ବ୍ରେକ
ଭୂମିକା	ୱିକେଟରକ୍ଷକ-ବ୍ୟାଟ୍ସମ୍ୟାନ
ଅନ୍ତର୍ଜାତୀୟ ତଥ୍ୟ
National side	ପାକିସ୍ତାନ
ପ୍ରଥମ ଟେଷ୍ଟ (cap 119)	23–25 ନଭେମ୍ବର 1990 v ୱେଷ୍ଟିଇଣ୍ଡଜ
ଶେଷ ଟେଷ୍ଟ	20–24 ଅକ୍ଟୋବର 2004 v ଶ୍ରୀଲଙ୍କା
ପ୍ରଥମ ଦିନିକିଆ (cap 79)	10 November 1990 v ୱେଷ୍ଟିଇଣ୍ଡଜ
ଶେଷ ଦିନିକିଆ	16 ଅକ୍ଟୋବର 2004 v ଶ୍ରୀଲଙ୍କା
ଦିନିକିଆ ଜାମା ନମ୍ବର	05
Career statistics
ପ୍ରତିଯୋଗିତା ଟେଷ୍ଟ କ୍ରିକେଟ ଏକ ଦିବସୀୟ ଆନ୍ତର୍ଜାତୀୟ ମ୍ୟାଚ ସଂଖ୍ୟା 69 219 ମୋଟ ରନ 2741 3266 ବ୍ୟାଟିଂ ହାର 28.55 23.00 ଶତକ/ଅର୍ଦ୍ଧଶତକ 4/15 -/12 ସର୍ବାଧିକ ରନ 137 72* ବଲ ସଂଖ୍ୟା – – ଉଇକେଟ – – ବୋଲିଂ ହାର – – ଇନିଙ୍ଗସରେ ୫ଟି ଉଇକେଟ – – ମ୍ୟାଚରେ ୧୦ଟି ଉଇକେଟ – n/a ସବୁଠୁ ଭଲ ବୋଲିଂ – – କ୍ୟାଚ/ଷ୍ଟମ୍ପିଙ୍ଗ 128/20 214/73
Source: କ୍ରିକଇନ୍ଫୋ, ୦୫ ନଭେମ୍ବର ୨୦୧୭

ମୋଈନ ଖାନ, ମୁଲ୍ତାନରେ ୱେଷ୍ଟଇଣ୍ଡିଜ କ୍ରିକେଟ ଟୀମ ବିପକ୍ଷରେ ନିଜ ଅନ୍ତଃରାଷ୍ଟ୍ରିୟ କ୍ରିକେଟର ଜୀବନ ଆରମ୍ଭ କରିଥିଲେ । ସେ ଟେଷ୍ଟ କ୍ରିକେଟରେ ୬୯ଟି ମ୍ୟାଚ ଖେଳିଥିଲେ ଯେଉଁଥିରେ ୱିକେଟ ରକ୍ଷଣ କରି ୧୨୮ଟି କ୍ୟାଚ ମଧ୍ୟ ନେଇଥିଲେ । ସେ ମଧ୍ୟ ୨୧୯ ଏକ ଦିବସୀୟ ଅନ୍ତଃରାଷ୍ଟ୍ରିୟ କ୍ରିକେଟ ମ୍ୟାଚ ଖେଳିଛନ୍ତି, ଯେଉଁଥିରେ କ୍ରିକେଟ ଦଳର ମୁଖ୍ୟ ଚୟନ କର୍ତ୍ତା ରୂପେ "ଇକବାଲ କାସିମ"ଙ୍କ ଜାଗା ନେଇଥିଲେ ଏବଂ ୧୧ ଫେବୃୟାରୀ ୨୦୧୪ ମସିହାରେ ତାଙ୍କୁ ରାଷ୍ଟ୍ରୀୟ ଦଳର ମୁଖ୍ୟ କୋଚ ଋପେ ନିଯୁକ୍ତ କରାଯାଇଥିଲା ।

କୋଚିଙ୍ଗ କ୍ୟାରିୟର

ମୋଈନଙ୍କୁ ଅଗଷ୍ଟ ୨୦୧୩ ମସିହାରେ ଦଳର ପ୍ରବନ୍ଧକ ଋପେ ନିଯୁକ୍ତ କରାଯାଇଥିଲା । ୧୧ ଫେବୃୟାରୀ ୨୦୧୪ ମସିହାରେ ତାଙ୍କୁ ଡାଭ ହ୍ୱାଟମୋରଙ୍କ ଜାଗାରେ ରାଷ୍ଟ୍ରୀୟ ଦଳର ପ୍ରମୂଖ କୋଚ ଋପେ ନିଯୁକ୍ତ ଦିଆଗଲା । ତାଙ୍କୁ ୨୦୧୩ ମସିହାରେ ପାକିସ୍ତାନୀ ଟୀମର ମୂଖ୍ୟ ଚୟନକର୍ତ୍ତା ରୂପେ ନିଯୁକ୍ତ କରାଯାଇଥିଲା, କିନ୍ତୁ ୨୦୧୫ ମସିହାରେ "କ୍ରିକେଟ ବିଶ୍ୱକପ ୨୦୧୫"ରେ ଦଳର ଖରାପ ପ୍ରଦର୍ଶନ ପରେ ସେଥିରୁ ହଟେଇ ଦିଆଯାଇଥିଲା ।

ଅନ୍ତଃରାଷ୍ଟ୍ରୀୟ ଜୀବନ

ନିଜର ଅନ୍ତଃରାଷ୍ଟ୍ରୀୟ କ୍ୟାରୀୟର ଅନୁସାରେ ମୋଈନଙ୍କୁ ୱିକେଟ-କିପର, "ରସୀଦ ଲତିଫ"ଙ୍କ ସହିତ ପ୍ରତିସ୍ପର୍ଦ୍ଧା କରିବାକୁ ପଡିଥିଲା । ଟେଷ୍ଟ କ୍ରିକେଟରେ ବ୍ୟାଟିଙ୍ଗ ଆଭରେଜ ସମାନ ହେଲେ ମଧ୍ୟ, ଲତିଫଙ୍କ ତୁଳନାରେ ତାଙ୍କର ଉତ୍ତମ ଏକ ଦିବସୀୟ ଆଭରେଜ ରନ ଥିଲା ଏବଂ ଅନ୍ତଃରାଷ୍ଟ୍ରୀୟ କ୍ରିକେଟରେ ସେ ଲତିଫଙ୍କ ତୁଳନାରେ ଅଧିକ ରନ ମଧ୍ୟ କରିଥିଲେ । ମୋଈନ, ଲତିଫଙ୍କ ୩.୫୧ ପ୍ରତି ଟେଷ୍ଟ ବିରୁଦ୍ଧରେ ପ୍ରତି ଟେଷ୍ଟ ୨.୧୪ ୱିକେଟର ରେକର୍ଡ ରଖିଥିଲେ ।

ପେସାଦାର କ୍ରିକେଟ

୨୦୦୫ ମସିହାରେ, ମୋଈନ ପାକିସ୍ତାନ ପେସାଦାର ୨୦-୨୦ କ୍ରିକେଟରେ ପ୍ରଥମ ଶତକ ରନ କରି "କରାଚୀ ଡଲ୍ଫୀନ" ପାଇଁ ୫୯ ବଲରେ ୧୧୨ ରନ ବନେଇ "ଲାହୋର ଲାଇଅନ୍ସ" ବିରୁଦ୍ଧରେ "ଫୈସାଲ ବ୍ୟାଙ୍କ ଟି୨୦ କପ (ABN-AMRO)"ରେ ୨୦-୨୦ କପ ଖେଳିଥିଲେ । ସିଜିନ ଶେଷରେ, ହାଇଦ୍ରାବାଦ ତରଫରୁ ଖେଳି ସେ ନିଜ କ୍ରିକେଟ ଜୀବନର ଉଚ୍ଚତମ ପ୍ରଥମ ଶ୍ରେଣୀ ସ୍କୋର ୨୦୦ ରନ କରି ଅବସର ନେଇଥିଲେ । ୨୦୦୭ ମସିହାରେ, ମୋଈନ ଅନୌପଚାରିକ ଭାରତୀୟ କ୍ରିକେଟ ଲିଗ ସହିତ ହସ୍ତାକ୍ଷର କଲେ ଏବଂ ହାଇଦ୍ରାବାଦ ହିରୋଜକୁ ପ୍ରଶିକ୍ଷିତ କରିଥିଲେ । ପ୍ରତିଯୋଗିତାର ୨୦୦୮ର ସଂସ୍କରଣରେ, ସେ ଲାହୋର ବାଦଶାହା ଦଳକୁ ପ୍ରଶିକ୍ଷିତ କରିଥିଲେ ।

ପାକିସ୍ତାନ ସୁପର ଲିଗ ୨୦୧୬

ସେ ବର୍ତ୍ତମାନ ପିଏସଏଲ ୨୦୧୬ର ମୁଖ୍ୟ କୋଚ ଋପେ କ୍ୱାଟ୍ଟା ଗ୍ଲାଡିଏଟର୍ସ ସହିତ କାମ କରୁଛନ୍ତି ।