ମହାରାଷ୍ଟ୍ର ଦିବସ

ମହାରାଷ୍ଟ୍ର ଦିବସ (ସାଧାରଣତଃ ମହାରାଷ୍ଟ୍ର ଦିନ ଭାବରେ ଜଣା; ମରାଠୀ: महाराष्ट्र दिन) ଭାରତର ମହାରାଷ୍ଟ୍ର ରାଜ୍ୟର ପ୍ରତିଷ୍ଠା ଦିବସ ପାଳନ କରିବା ପାଇଁ ଏକ ଦିନ । ୧୯୬୦ ମସିହାର ମଇ ୧ ତାରିଖରେ ବମ୍ବେ ପ୍ରେସିଡେନ୍ସିରୁ ଅଲଗା ହୋଇ ମହାରାଷ୍ଟ୍ର ରାଜ୍ୟ ଗଠନ କରାଯାଇଥିଲା । ଏହି ଦିନଟି ରାଜ୍ୟରେ ପାଳନ ହେଉଥିବା ଏକ ଛୁଟିଦିନ ଭାବରେ ପାଳିତ ହେଉ ଆସୁଛି । ମହାରାଷ୍ଟ୍ର ଦିବସରେ ସାଧାରଣତଃ ପ୍ୟାରେଡ୍ ଏବଂ ରାଜନୈତିକ ଭାଷଣ ଆୟୋଜନ କରାଯିବା ସହିତ ମହାରାଷ୍ଟ୍ରର ଇତିହାସ ତଥା ପରମ୍ପରାକୁ ପାଳନ କରାଯାଏ ।

ମହାରାଷ୍ଟ୍ର ଦିବସ
ଫାଇଲ:Maharashtra State map.jpg ୧ ମଇ ୧୯୬୦ରେ ଜବାହାରଲାଲ ନେହେରୁ, ଯଶବନ୍ତରାଓ ଚୌହାନ ଏବଂ ଶ୍ରୀ ପ୍ରକାଶ ମହାରାଷ୍ଟ୍ର ରାଜ୍ୟର ମାନଚିତ୍ର ଉନ୍ମୋଚନ କରିବାର ଦୃଶ୍ୟ ।
ଅନ୍ୟ ନାମ	ମହାରାଷ୍ଟ୍ର ଦିନ
ପାଳନକାରୀ	ମହାରାଷ୍ଟ୍ର, ଭାରତ
ପାଳନ	ପ୍ୟାରେଡ୍
ତାରିଖ	୧ ମଇ
ପୁନଃପୌନିକତା	ବାର୍ଷିକ

ପୃଷ୍ଠଭୂମି

୧୯୫୬ ମସିହାର ରାଜ୍ୟ ଅଧିନିୟମ ଅନୁସାରେ ସମାନ ଭାଷାଭାଷୀର ଲୋକମାନଙ୍କୁ ନେଇ ସୀମା ନିର୍ଦ୍ଧାରଣ ସହିତ ରାଜ୍ୟ ଗଠନ କରିବା ଆରମ୍ଭ ହେଲା । ବମ୍ବେ ପ୍ରେସିଡେନ୍ସିରେ ମୁଖ୍ୟତଃ ମରାଠୀ, ଗୁଜରାଟୀ, କୁଚି ଓ କୋଙ୍କଣୀ ଭାଷାଭାଷୀର ଲୋକମାନେ ବସବାସ କରୁଥିଲେ । ମରାଠୀ ଓ କୋଙ୍କଣୀ ଭାଷା କହୁଥିବା ଲୋକମାନଙ୍କୁ ନେଇ ମହାରାଷ୍ଟ୍ର ରାଜ୍ୟ ଗଠନ କରାଯାଇଥିଲା । କୁଚି ଓ ଗୁଜରାଟୀ ଭାଷାଭାଷୀର ଲୋକମାନଙ୍କୁ ନେଇ ଗୁଜରାଟ ଗଠନ କରାଯାଇଥିଲା । ୧ ମଇ ୧୯୬୦ରେ ଏହି ଦୁଇ ରାଜ୍ୟକୁ ଭାରତର ସଂସଦରେ ଅନୁମୋଦନ ମିଳିଥିଲା ।

ପାଳନ

ମହାରାଷ୍ଟ୍ର ରାଜ୍ୟ ଗଠନ ହେବା ପରେ ମହାରାଷ୍ଟ୍ର ସରକାର ମଇ ୧ ତାରିଖକୁ ମହାରାଷ୍ଟ୍ର ଦିବସ ପାଳନ କରିବାକୁ ଏକ ବିଜ୍ଞପ୍ତି ଜାରି କରି ଘୋଷଣା କରିଥିଲେ । ଏହି ଦିନ ସାରା ରାଜ୍ୟରେ ସରକାରୀ ତଥା ବେସରକାରୀ କାର୍ଯ୍ୟଳୟରେ ସମୂହ ଛୁଟି ହେବା ସହିତ ମହାରାଷ୍ଟ୍ର ଦିବନ ପାଳନ କରାଯାଉଛି ।