ବିଶ୍ଵ କମ୍ପ୍ୟୁଟର ସାକ୍ଷରତା ଦିବସ

ବିଶ୍ୱ କମ୍ପ୍ୟୁଟର ସାକ୍ଷରତା ଦିବସ ଭାରତୀୟ କମ୍ପ୍ୟୁଟର କମ୍ପାନୀ National Institute of Information Technology (NIIT)ଦ୍ୱାରା ଏହାର ୨୦ତମ ବାର୍ଷିକୀ ପାଳନ କରିବା ଅବସରରେ ୨୦୦୧ରେ ଆରମ୍ଭ କରାଯାଇଥିଲା । ପ୍ରତିବର୍ଷ ଡିସେମ୍ବର ୨ ତାରିଖରେ ଏହି ଦିବସ ପାଳନ କରାଯାଏ ।

ଇତିହାସ

ଏକ ଅଧ୍ୟୟନରୁ ଜଣାଗଲା ଯେ ବିଶ୍ୱର ଅଧିକାଂଶ କମ୍ପ୍ୟୁଟର ବ୍ୟବହାରକାରୀ ଥିଲେ ପୁରୁଷ । ଏହି ଦିବସ ପାଳନର ମୁଖ୍ୟ ଉଦ୍ଦେଶ୍ୟ ଥିଲା ବୈଷୟିକ ଜ୍ଞାନକୌଶଳର ବିକାଶକୁ ଉତ୍ସାହିତ କରିବା ତଥା ବିଶେଷକରି ଶିଶୁ ତଥା ମହିଳାମାନଙ୍କ ମଧ୍ୟରେ କମ୍ପ୍ୟୁଟର ଜ୍ଞାନକୌଶଳ ବ୍ୟବହାର ପାଇଁ "ସଚେତନତା ସୃଷ୍ଟି କରିବା । ଏହି ଆନ୍ଦୋଳନ ମୂଳତଃ NIITଦ୍ୱାରା ପ୍ରତିଷ୍ଠିତ ଏବଂ ଏହା ସୂଚନା ପ୍ରଯୁକ୍ତିବିଦ୍ୟାର ଶିକ୍ଷାଦାନରେ ଉନ୍ନତି ଆଣିବା ପାଇଁ ଉଦ୍ଦିଷ୍ଟ ।