ବିଭୁ କାନୁନଗୋ

ବିଭୁ ପ୍ରସାଦ କାନୁନଗୋ ଓଡ଼ିଶା ଜନ୍ମିତ ଜଣେ ଆଇନଜ୍ଞ ଓ ଅର୍ଥନୀତିଜ୍ଞ ଅଟନ୍ତି । ରିଜର୍ଭ ବ୍ୟାଙ୍କର ଡେପୁଟି ଗଭର୍ଣ୍ଣର ଭାବେ ମାର୍ଚ୍ଚ ୨୦୧୭ରେ ଅବସ୍ଥାପିତ ହୋଇଥିଲେ । ଏହି ପଦବୀ ଅଳଙ୍କୃତ କରିବାରେ ସେ ହାରୁନ ରଶିଦ ଖାଁଙ୍କ ପରେ ଦ୍ୱିତୀୟ ଓଡ଼ିଆ ।

ବିଭୁ କାନୁନଗୋ
ଜନ୍ମ	ବାଲିଆ, କେନ୍ଦ୍ରାପଡ଼ା
ଶିକ୍ଷାନୁଷ୍ଠାନ	ଉତ୍କଳ ବିଶ୍ୱବିଦ୍ୟାଳୟ, ବିଜେବି କଲେଜ
ବୃତ୍ତି	ରିଜର୍ଭ ବ୍ୟାଙ୍କ ଡେପୁଟି ଗଭର୍ଣ୍ଣର

ବାଲ୍ୟଜୀବନ ଓ ଶିକ୍ଷା

ବିଭୁ ପ୍ରସାଦ, କେନ୍ଦ୍ରାପଡ଼ା ଜିଲ୍ଲା ଅନ୍ତର୍ଗତ ବାଲିଆ ଗ୍ରାମରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ଜଣେ ସରକାରୀ କର୍ମଚାରୀ ଥିଲେ । ଗାଁ ବିଦ୍ୟାଳୟ ପରେ, ସେ ଭୁବନେଶ୍ୱରର ୟୁନିଟ ୬ ସରକାରୀ ବାଳକ ବିଦ୍ୟାଳୟରୁ ହାଇସ୍କୁଲ ଓ କେନ୍ଦ୍ରାପଡ଼ାରେ ନିଜର ଇଣ୍ଟରମିଡିଏଟ ସମାପ୍ତ କରିଥିଲେ । ଭୁବନେଶ୍ୱରର ବିଜେବି କଲେଜରୁ ଇତିହାସରେ ସ୍ନାତକ ଡିଗ୍ରୀ ହାସଲ କରିଥିଲେ । ଏହାପରେ ସେ ୧୯୭୮ ମସିହାରେ ଉତ୍କଳ ବିଶ୍ୱବିଦ୍ୟାଳୟରେ ଇତିହାସରେ ସ୍ନାତକୋତ୍ତର ଡିଗ୍ରୀ କରିଥିଲେ । ପରେ ଉତ୍କଳ ବିଶ୍ୱବିଦ୍ୟାଳୟରୁ ଆଇନରେ ଡିଗ୍ରୀ ହାସଲ କରଥିଲେ ।

କର୍ମ ଜୀବନ

୧୯୭୯ରେ ସେ ବ୍ୟାଙ୍କ ସେବାରେ ଯୋଗ ଦେଇଥିଲେ । ୧୯୭୯ରେ ଓରିଏଣ୍ଟାଲ ବ୍ୟାଙ୍କରେ ଅଧିକାରୀ ଓ ୧୯୮୦ ମସିହାରେ ରିଜର୍ଭ ବ୍ୟାଙ୍କରେ ଅଧିକାରୀ ଭାବେ ଯୋଗଦେଇଥିଲେ । ୨୦୧୬ ମସିହାରେ ସେ ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆର କାର୍ଯ୍ୟନିର୍ବାହୀ ନିର୍ଦ୍ଦେଶକ (ଏକଜିକ୍ୟୁଟିଭ ଡାଇରେକ୍ଟର) ଭାବେ ନିଯୁକ୍ତି ପାଇଥିଲେ । ଏହା ପୂର୍ବରୁ ସେ ବିଦେଶ ବିନିମୟ (ଫରେନ ଏକ୍ସଚେଞ୍ଜ) ବିଭାବରେ କାମ କରିଥିଲେ ।