ପ୍ରଣତି ମିଶ୍ର
ପ୍ରଣତି ମିଶ୍ର (ଜନ୍ମ : ୧୨ ମଇ ୧୯୭୦) ଜଣେ ଭାରତୀୟ ଧାବିକା । ୧୯୯୦ ଏସୀୟ କ୍ରୀଡ଼ାର ୪*୪୦୦ମି ରିଲେ ପ୍ରତିଯୋଗିତାରେ ସେ ଭାରତ ପାଇଁ ରୌପ୍ୟପଦକ ଜିତିଥିଲେ ।[୧][୨][୩] ପ୍ରଣତିଙ୍କ ସହିତ ଏହି ରିଲେ ଦୌଡ଼ରେ ପି.ଟି. ଉଷା, କୁଟ୍ଟୀ ସାରମ୍ମା ଓ ଶାନ୍ତିମଲ ଫିଲିପ୍ସ ଦୌଡ଼ିଥିଲେ ।[୪]
.jpg) ୨୦୨୦ ମସିହାରେ ପ୍ରଣତି ମିଶ୍ର | ||||||||||||
| ବ୍ୟକ୍ତିଗତ ତଥ୍ୟ | ||||||||||||
|---|---|---|---|---|---|---|---|---|---|---|---|---|
| ଜନ୍ମ | ୧୨ ମଇ ୧୯୭୦ ବଲାଙ୍ଗୀର, ଓଡ଼ିଶା, ଭାରତ | |||||||||||
| ଶିକ୍ଷାଳୟ | ରାଜେନ୍ଦ୍ର କଲେଜ, ବଲାଙ୍ଗୀର | |||||||||||
| ପତି/ପତ୍ନୀ | ସଚ୍ଚିକାନ୍ତ ପତି | |||||||||||
| Sport | ||||||||||||
| ଦେଶ | ଭାରତ | |||||||||||
| କ୍ରୀଡ଼ା | ଦୌଡ଼କୁଦ | |||||||||||
| Event(s) | ୧୦୦ମି, ୨୦୦ମି, ୪୦୦ମି, ୪*୧୦୦ମି ରିଲେ, ୪*୨୦୦ମି ରିଲେ, ୪*୪୦୦ମି ରିଲେ | |||||||||||
| Coached by | ସୁବାସ ଚନ୍ଦ୍ର ଦାସମହାପାତ୍ର | |||||||||||
| Retired | ୧୯୯୨ | |||||||||||
Medal record
| ||||||||||||
ପ୍ରଣତି ବର୍ତ୍ତମାନ ଭୁବନେଶ୍ୱରରେ ଭାରତୀୟ ଖାଦ୍ୟ ପ୍ରାଧିକରଣ ଅନୁଷ୍ଠାନରେ କାର୍ଯ୍ୟରତ ।
ଖେଳ ଜୀବନ
ସମ୍ପାଦନାପ୍ରଣତି ସ୍କୁଲରେ ପଢ଼ିବାବେଳଠୁ ଦୌଡ଼କୁଦ, କବାଡ଼ି, ଖୋଖୋ ଆଦି ଖେଳ ଖେଳୁଥିଲେ । ଭାରତୀୟ କ୍ରୀଡ଼ା ପ୍ରାଧିକରଣର କଟକ ଶାଖାରେ ସେ ଦୌଡ଼କୁଦ ଖେଳର ବିଧିବଦ୍ଧ କୋଚିଂ ନେବା ଆରମ୍ଭ କରିଥିଲେ । ୧୯୮୫ରୁ ୧୯୮୭ ମଧ୍ୟରେ ରାଜ୍ୟ ସ୍କୁଲ ଆଥଲେଟିକ ମିଟରେ ସେ ଲଗାତାର ୩ ବର୍ଷ ଶ୍ରେଷ୍ଠ ଧାବିକା ବିବେଚିତ ହୋଇଥିଲେ । ୧୯୮୫ରୁ ୧୯୯୦ ମଧ୍ୟରେ ରାଜ୍ୟ ଆଥଲେଟିକ ମିଟରେ ସେ ୧୦୦ମି, ୨୦୦ମି, ୪୦୦ମି ଆଦି ପ୍ରତିଯୋଗିତା ବହୁବାର ଜିତିଥିଲେ ।
ତାଙ୍କର ବ୍ୟବସାୟିକ ଖେଳୁଆଡ଼ ଜୀବନ ୧୯୮୫ ମସିହାରୁ ଆରମ୍ଭ ହୋଇ ୧୯୯୨ ମସିହା ପର୍ଯ୍ୟନ୍ତ ଚାଲିଥିଲା । ଏହି ସମୟ ଭିତରେ ସେ ଜିତିଥିବା କିଛି ପଦକ :
- ୧୯୮୫ରେ ଥିରୁଅନନ୍ତପୁରମରେ ଅନୁଷ୍ଠିତ ଜାତୀୟ ସ୍କୁଲ ଆଥଲେଟିକ ମିଟରେ ୨୦୦ମି ପ୍ରତିଯୋଗିତାରେ ରୌପ୍ୟ
- ୧୯୮୬-୧୯୮୭ ବର୍ଷରେ ଜୁନିୟର ନେସନାଲ ଆଥଲେଟିକ ମିଟର ୨୦୦ମି ଓ ୪୦୦ମି ପ୍ରତିଯୋଗିତାରେ ସ୍ୱର୍ଣ୍ଣପଦକ
- ୧୯୮୮-୮୯ବର୍ଷରେ ଜୁନିୟର ନେସନାଲ ଆଥଲେଟିକ ମିଟର ୨୦୦ମି,୪୦୦ମି ଓ ୮୦୦ମି ପ୍ରତିଯୋଗିତାରେ ରୌପ୍ୟ ପଦକ
- ୧୯୮୮-୮୯ବର୍ଷରେ ସିନିୟର ନେସନାଲ ଆଥଲେଟିକ ମିଟର ୪୦୦ମି ପ୍ରତିଯୋଗିତାରେ ସ୍ୱର୍ଣ୍ଣ ଓ ୨୦୦ମି ପ୍ରତିଯୋଗିତାରେ ରୌପ୍ୟ ପଦକ
- ୧୯୮୯-୯୦ବର୍ଷରେ ସିନିୟର ନେସନାଲ ଆଥଲେଟିକ ମିଟର ୪୦୦ମି ପ୍ରତିଯୋଗିତାରେ ସ୍ୱର୍ଣ୍ଣ ଓ ୨୦୦ମି ପ୍ରତିଯୋଗିତାରେ ରୌପ୍ୟ ପଦକ
- ୧୯୮୭-୮୮ବର୍ଷରେ ଚେନ୍ନାଇରେ ଆଥଲେଟିକ ପରମିଟ ମିଟରେ ୪*୪୦୦ ରିଲେ ପ୍ରତିଯୋଗିତାରେ ସ୍ୱର୍ଣ୍ଣ ପଦକ
- ୧୯୮୮-୮୯ବର୍ଷରେ ଆଥଲେଟିକ ପରମିଟ ମିଟରେ ୪*୪୦୦ ରିଲେ ଓ ୪୦୦ମି ପ୍ରତିଯୋଗିତାରେ ରୌପ୍ୟ ପଦକ
- ୧୯୯୦ ବିଜିଂ ଏସୀୟ କ୍ରୀଡ଼ାରେ ୪*୪୦୦ ରିଲେ ସ୍ପର୍ଦ୍ଧାରେ ପି.ଟି. ଉଷା, କୁଟ୍ଟୀ ସାରମ୍ମା ଓ ଶାନ୍ତିମଲ ଫିଲିପ୍ସଙ୍କ ସହିତ ରୌପ୍ୟ ପଦକ । ସେମାଙ୍କର ଟାଇମିଂ ଥିଲା ୩:୩୮.୪୫
ବ୍ୟକ୍ତିଗତ ଜୀବନ
ସମ୍ପାଦନାପ୍ରଣତି, ବଲାଙ୍ଗୀରରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଲମ୍ବୋଦର ମିଶ୍ର ଓ ମାତାଙ୍କ ନାମ କୁମୁଦିନୀ ମିଶ୍ର । ୪ ଭାଇ ଓ ୩ ଭଉଣୀଙ୍କ ମଧ୍ୟରେ ପ୍ରଣତିଙ୍କ ସ୍ଥାନ ଥିଲା ପଞ୍ଚମ । ୩ ଭଉଣୀ ସମସ୍ତେ ଖେଳାଳି । ସେ ସରକାରୀ ହାଇସ୍କୁଲ ବଲାଙ୍ଗୀର ଓ ରାଜେନ୍ଦ୍ର କଲେଜ, ବଲାଙ୍ଗୀରରେ ପାଠ ପଢ଼ିଥିଲେ ।[୫]
ପ୍ରଣତି ୧୯୯୯ ମସିହାରେ ସଚ୍ଚିକାନ୍ତ ପତିଙ୍କୁ ବିବାହ କରିଥିଲେ । ସଚ୍ଚିକାନ୍ତ ଭାରତୀୟ ଷ୍ଟେଟବ୍ୟାଙ୍କରେ କାମ କରନ୍ତି । ସେମାନଙ୍କର ଗୋଟିଏ ପୁଅ ଅଛି । ପ୍ରଣତି ବର୍ତ୍ତମାନ ସପରିବାର ଭୁବନେଶରରେ ବାସ କରନ୍ତି ।
ଆଧାର
ସମ୍ପାଦନା- ↑ "Medal Winners of Asian Games". Athletics Federation of India. Archived from the original on 5 ମଇ 2018. Retrieved 5 ମଇ 2018.
- ↑ "Brand-new track for Asian Athletics Championships unveiled". The Times of India. 1 ଜୁଲାଇ 2017. Retrieved 6 ମଇ 2018.
- ↑ "Women's relay medallists". www.incheon2014ag.org. Archived from the original on 17 ନଭେମ୍ବର 2015. Retrieved 6 ମଇ 2018.
- ↑ S. P. Agrawal (1993). Development Digression Diary Of India : 3d Companion Volume To Information India 1991–92. Concept Publishing Company. pp. 31–. ISBN 978-81-7022-305-4.
- ↑ "Orisports.com". orisports.com. Retrieved 9 ମଇ 2021.