ପକୋଡ଼ା

ପକୋଡ଼ା
ଅନ୍ୟ ନାମ	ପକୋଡ଼ା, ପକଡ଼ି, ପୋନାକୋ
ପରଷା	କ୍ଷୁଧା ବର୍ଧକ ଏବଂ ଜଳଖିଆ
ମୂଳ ସ୍ଥାନ	ଭାରତ
ଅଞ୍ଚଳ ବା ରାଜ୍ୟ	ଭାରତୀୟ ଉପ-ମହାଦ୍ୱୀପ
ମୁଖ୍ୟ ଉପାଦାନ	ବେସନ, ଲୁଣ, ପାଣି ଏବଂ ଛାଣିବା ପାଇଁ ତେଲ
ପ୍ରକାର ଭେଦ	ଆଳୁ, ପିଆଜ, ଲଙ୍କା, ଫୁଲ କୋବି, ମିଶା ପରିବା, ପନିର, ଚିକେନ, ଅଣ୍ଡା ଇତ୍ୟାଦି
	Cookbook: ପକୋଡ଼ା; Media related to Media: ପକୋଡ଼ା at Wikimedia Commons; ;

ପକୋଡ଼ା (pronounced [pəˈkoːɽaː]), ଯେମିତି କି, ପକଡ଼ି, ପୋନାକୋ ମଧ୍ୟ କୁହାଯାଇଥାଏ । ଏହା ଏକ ତେଲରେ ଛଣା ହୋଇଥିବା ଜଳଖିଆ ଅଟେ । ମୂଳ ରୂପେ ଭାରତର^[୪]^[୫] ଉପ-ମହାଦ୍ୱୀପରେ ଏହା ଦେଖା ଦେଇଥାଏ, ଖାସ କରି ଭାରତ, ବଙ୍ଗଳାଦେଶ, ନେପାଳ ଏବଂ ପାକିସ୍ତାନରେ ଏହା ପ୍ରସିଦ୍ଧ ଅଟେ । ^[୬]

ତିଆରି

ପକୋଡ଼ା ଏକ ଖାଦ୍ୟ ପଦାର୍ଥ ଯାହା, ପିଆଜ, ବାଇଗଣ, ଆଳୁ, ପନିର, ଫୁଲ କୋବି, ଲଙ୍କା, ଟମାଟୋ କିମ୍ବା କେବେ କେବେ ବ୍ରେଡ଼ ସହିତ ତିଆରି ହୋଇଥାଏ ।^[୭] ଏହା ମୁଖ୍ୟତଃ ବେସନରୁ ପ୍ରସ୍ତୁତ ହୋଇଥାଏ । ବେସନରେ ଲୁଣ, ବେକିଂ ପାଉଡର, ପାଣି ସହିତ ପ୍ରସ୍ତୁତ କରାଯାଉଥିବା ଆବଶ୍ୟକୀୟ ପରିବା ମିଶାଇ ତିଆରି କରାଯାଇଥାଏ । ପରେ ଏହାକୁ ତେଲରେ ଛୋଟ ଛୋଟ ଆକାରରେ ଗଢ଼ି ଛଣା ଯାଇଥାଏ । ସବୁଠାରୁ ଲୋକପ୍ରିୟ ପକୋଡ଼ା ଭିତରେ ପିଆଜ ପକୋଡ଼ା, ଆଳୁ ପକୋଡ଼ା, ପନିର ପକୋଡ଼ା, ଚିକେନ ପକୋଡ଼ା, ବାଇଗଣ ପକୋଡ଼ା ଇତ୍ୟାଦି ରହିଥାଏ ।

ପ୍ରସ୍ତୁତି

ପକୋଡ଼ା ସାଧାରଣତଃ ଜଳଖିଆ କିମ୍ବା କ୍ଷୁଧାବର୍ଧକ ରୂପେ ପ୍ରସ୍ତୁତ କରାଯାଇଥାଏ । ଗ୍ରେଟ ବ୍ରିଟେନରେ ଏହା ଏକ ଫାଷ୍ଟ ଫୁଡ଼ ରୂପେ ଲୋକପ୍ରିୟ ଅଟେ, ଯାହା ମୁଖ୍ୟତଃ ଭାରତ ଏବଂ ପାକିସ୍ତାନ ରେଷ୍ଟୁରାଣ୍ଟରେ ଉପଲବ୍ଧ ହୋଇଥାଏ । ମୁଖ୍ୟତଃ ଭାରତୀୟମାନେ ଏହାକୁ ବିଭିନ୍ନ ସମାରୋହରେ କୁଣିଆମାନଙ୍କ ପାଇଁ ଚାହା ସହିତ ପକୋଡ଼ାର ମଧ୍ୟ ବ୍ୟବସ୍ଥା କରିଥାନ୍ତି । ତା ସହିତ ପକୋଡ଼ା ପାଇଁ ବିଭିନ୍ନ ଚଟଣି ମଧ୍ୟ ଦେଇଥାନ୍ତି ।