ନିଉରୋସିଫିଲିସ

ନିଉରୋସିଫିଲିସ ରୋଗରେ ସିଫିଲିସ ରୋଗର ଜୀବାଣୁଦ୍ୱାରା କେନ୍ଦ୍ରୀୟ ସ୍ନାୟୁ ମଣ୍ଡଳ ସଂକ୍ରମିତ ହୋଇଥାଏ । ଏହା ସଂକ୍ରମଣ ପରେ ଯେକୌଣସି ସମୟରେ ରୋଗ ଆରମ୍ଭ ହୋଇପାରେ। ଏହା ଲକ୍ଷଣ ବିହୀନ ହୋଇପାରେ, କିମ୍ବା ମେନିଞ୍ଜାଇଟିସ୍, ଷ୍ଟ୍ରୋକ୍ ଲକ୍ଷଣ, ପାରେସିସ କିମ୍ବା ଟେବିସ ଡର୍ସାଲିସ ହୋଇପାରେ । ମେନିଞ୍ଜାଇଟିସ ରୋଗରେ ମୁଣ୍ଡବିନ୍ଧା, କଠିନ ବେକ ଏବଂ ବାନ୍ତି ହୁଏ । ସାଧାରଣ ପାରେସିସ୍ ହୋଇଥିଲେ ବ୍ୟକ୍ତିତ୍ୱର ପରିବର୍ତ୍ତନ,ଭ୍ରାନ୍ତି ଏବଂ କମ୍ପନ ସୃଷ୍ଟି ହୋଇଥାଏ । ଟେବିସ ଡର୍ସାଲିସ ରୋଗରେ ଖରାପ ସମନ୍ୱୟ, ଅସ୍ଥିରତା, ମୂତ୍ରାଶୟ ସମସ୍ୟା ଏବଂ ଆଖିର ଅସ୍ୱାଭାବିକ ଚଳନ ହୋଇପାରେ ।

Section of human skull damaged by late stage neurosyphilis
ବିଭାଗ	Neurology, Infectious diseases
ଲକ୍ଷଣ	None, headache, stiff neck, numbness, loss of bladder control, personality changes
ଆକ୍ରାନ୍ତ ସମୟ	Anytime following infection
କାରଣ	Treponema pallidum
ବିପଦ କାରକ	HIV infection, unprotected sex
ରୋଗ ନିର୍ଣ୍ଣୟ ପଦ୍ଧତି	CSF testing (VDRL, FTA-ABS)
ଚିକିତ୍ସା	Antibiotics (penicillin G, ceftriaxone)
ପୁନଃପୌନିକ	Rare

ଟ୍ରେପୋନେମା ପାଲିଡମ୍ ଜୀବାଣୁ ସଂକ୍ରମଣ ଯୋଗୁ ଏହି ରୋଗ ହୁଏ । ଏଚ୍.ଆଇ.ଭି. ସଂକ୍ରମିତ ଲୋକର ଏହି ରୋଗ ସଂଭାବନା ଅଧିକ ଥାଏ । ଲମ୍ବର ପଙ୍କଚର କରି ସି.ଏସ୍.ଏଫ୍.ରେ ବିଶ୍ଳେଷଣ କରାଯାଏ । ସିଏସଏଫ ନେଇ ଭିଡିଆରଏଲ ପରୀକ୍ଷା ଫଳ ଯୁକ୍ତାତ୍ମକ ହେଲେ ଏହି ରୋଗ ନିଶ୍ଚିତ କରାଯାଇଥାଏ, ତଥାପି ଏକ ନକାରାତ୍ମକ ପରୀକ୍ଷା ଡୋଜ୍ ଏହାକୁ ଏଡ଼ାଇ ଦିଏ ନାହିଁ | ବେଳେ ବେଳେ ଫ୍ଲୋରିସେଣ୍ଟ ଟ୍ରେପୋନେମାଲ ଆଣ୍ଟିବଡି ଆବସର୍ପସନ (FTA-ABS) ପରୀକ୍ଷା କରାଯାଏ ।

ନ୍ୟୁରୋସାଇଫିଲିସର ଚିକିତ୍ସାରେ ସାଧାରଣତଃ ୩ରୁ ୪ନିୟୁତ ୟୁନିଟ ଶିରାଭ୍ୟନ୍ତର ପେନିସିଲିନ୍ ଜି ଦିଆଯାଏ ଓ ଏହା ପ୍ରତି ଚାରି ଘଣ୍ଟାରେ ଥରେ ୧୦ରୁ ୧୪ ଦିନ ପର୍ଯ୍ୟନ୍ତ ଦିଆଯାଏ | ଅନ୍ୟ ପକ୍ଷରେ ପ୍ରୋବେନେସିଡ ସ‌ହିତ ମାଂସପେଶୀରେ ପେନିସିଲିନ୍ ଇଞ୍ଜେକସନ ମଧ୍ୟ ପ୍ରତିଦିନ ଥରେ ଦିଆଯାଇପାରେ | ପେନିସିଲିନ୍ ପ୍ରତି ଆଲର୍ଜି ଥଲେ

ସେଫଟ୍ରାଇଆକ୍ସୋନ ବ୍ୟବହାର କରାଯାଇପାରେ | ଶିଘ୍ର ଚିକିତ୍ସା କଲେ ଫଳାଫଳ ସାଧାରଣତଃ ଭଲ ଅଟେ |

ନ୍ୟୁରୋସାଇଫିଲିସ୍ ଏକ ବିରଳ ରୋଗ । ଯୁକ୍ତରାଷ୍ଟ୍ରରେ ପ୍ରାୟ ୨% ଲୋକଙ୍କର ପ୍ରାରମ୍ଭିକ ସିଫିଲିସ୍ ଅବସ୍ଥାରେ ନ୍ୟୁରୋସିଫିଲିସ୍ ହୋଇଥାଏ । ଆଫ୍ରିକାର କିଛି ଭାଗରେ ସାଧାରଣ ଜନସଂଖ୍ୟାର ପ୍ରାୟ ୨% ପ୍ରଭାବିତ ହୋଇଥାଆନ୍ତି । ନାରୀମାନଙ୍କ ଅପେକ୍ଷା ପୁରୁଷମାନେ ଅଧିକ ପ୍ରଭାବିତ ହୁଅନ୍ତି | ଆଣ୍ଟିବାୟୋଟିକ୍ ଉପଲବ୍ଧ ହେବା ପୂର୍ବରୁ ସିଫିଲିସ୍ ରୋଗୀଙ୍କ ମଧ୍ୟରୁ ପ୍ରାୟ ୩୦% ନ୍ୟୁରୋସିଫିଲିସ୍ ରୋଗୀ ଥିଲେ।