ଦେବପ୍ରସାଦ ଦାଶ

ଦେବପ୍ରସାଦ ଦାଶ, (ଜନ୍ମ: ୨୪ ଫେବୃଆରୀ ୧୯୬୬) ଓଡ଼ିଶାର ଜଣେ ଜଣାଶୁଣା ଲେଖକ, ଅଭିନେତା ଓ ସମ୍ବାଦ ପାଠକ । କ୍ଷୁଦ୍ରଗଳ୍ପ, ପ୍ରବନ୍ଧ ଓ ଅନୁବାଦ ସାହିତ୍ୟ ଆଦିରେ ସେ ନିଜ ଲେଖନି ଚାଳନା କରିଥାନ୍ତି । ବିଭିନ୍ନ ପତ୍ରପତ୍ରିକାରେ ତାଙ୍କର ଲେଖା ବରାବର ଦେଖିବାକୁ ମିଳିଥାଏ । ଦୂରଦର୍ଶନର ଜଣେ ସମ୍ବାଦ ପାଠକ ଭାବରେ ସେ ଖୁବ ପରିଚିତ । ସେ, ବିଭିନ୍ନ ସାଂସ୍କୃତିକ ଓ ସାହିତ୍ୟିକ କାର୍ଯ୍ୟକ୍ରମ ପଚିଚାଳନା ମଧ୍ୟ କରିଥାଆନ୍ତି । ଇନ୍ଦ୍ରଧନୁର ଛାଇ ଓ କଥାନ୍ତର ଚଳଚ୍ଚିତ୍ର ମାଧ୍ୟମରେ, ସେ ନିଜର ଅଭିନୟ ପରାକାଷ୍ଠା ମଧ୍ୟ ପ୍ରଦର୍ଶନ କରିଛନ୍ତି ।

ବୃତ୍ତି	ସାହିତ୍ୟିକ, ଅଭିନେତା ଓ ସମ୍ବାଦ ପାଠକ
ଜାତୀୟତା	ଭାରତୀୟ
ଶିକ୍ଷା	ସ୍ନାତକୋତ୍ତର(ରାଜନୈତିକ ବିଜ୍ଞାନ)
ଶିକ୍ଷାନୁଷ୍ଠାନ	ଉତ୍କଳ ବିଶ୍ୱବିଦ୍ୟାଳୟ, ବିଜେବି କଲେଜ
ସାହିତ୍ୟ କୃତି	ଭୋର
ପୁରସ୍କାର	ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର

ଦେବପ୍ରସାଦ ଓଡ଼ିଶା ପ୍ରଶାସନିକ ସେବାର ଜଣେ ଅଫିସର ଭାବରେ ମଧ୍ୟ କାର୍ଯ୍ୟରତ । ଓଡ଼ିଶା ସରକାରଙ୍କ ବିଭିନ୍ନ ବିଭାଗରେ କାମକରି ସେ ବହୁବାର ବିବାଦ ମଧ୍ୟରେ ରହି ଆସିଛନ୍ତି । ୨୦୧୮ ମେ ମାସରେ ସେ ସରକାରଙ୍କଦ୍ୱାରା ନିଲମ୍ବିତ ମଧ୍ୟ ହୋଇଥିଲେ । ୨୦୨୪ ମସିହା ଜୁଲାଇ ମାସରେ ଦେବପ୍ରସାଦଙ୍କର ନିଲମ୍ବନ ଆଦେଶ ପ୍ରତ୍ୟାହୃତ ହୋଇଥିଲା ଓ ସେ ଓଡ଼ିଆ ଭାଷା, ସାହିତ୍ୟ, ସଂସ୍କୃତି ବିଭାଗର ଯୁଗ୍ମ ସଚିବ ଭାବରେ ପୁନଃସ୍ଥାପିତ ହୋଇଥିଲେ ।

ରଚନାବଳୀ

ଗଳ୍ପ ସଂକଳନ

• ଶ୍ରେଷ୍ଠ ଗଳ୍ପ (୨୦୧୯)
• ଶିଳାଲେଖ (୨୦୨୧)
• ଗଳ୍ପ ସମଗ୍ର’ ପ୍ରଥମ ଭାଗ (୨୦୨୩)
• ଇନ୍ଦ୍ରଧନୁର ରଙ୍ଗ
• ଗଜପତି
• ଦଙ୍ଗା
• ମୁହଁ
• କାନ୍ଥ
• ଭୋର

ପ୍ରବନ୍ଧ ସଂକଳନ

• ମୁକ୍ତ ଯାଯାବର (୨୦୨୩)
• ଆମ ସମୟ
• ଦୁଃଖର ଇଲାକା ଓ ଅନ୍ୟାନ୍ୟ ପ୍ରବନ୍ଧ
• ଆତଙ୍କବାଦ
• ଓସାମା ବିନ୍ ଲାଦେନ ଓ ସହସ୍ରାଦ୍ଧର ପ୍ରଥମ ଯୁଦ୍ଧ

ସମ୍ପାଦନା

• ଝିଅ

ଅନୁବାଦ

• ଦିବ୍ୟଜିତ ସାହୁ, ଆକାଂକ୍ଷା : ଭିନ୍ନ ଏକ ପ୍ରେମ କାହାଣୀ (୨୦୨୨)
• କମଳେଶ୍ୱର, ଦେଶ ପରଦେଶ

ଇଂରାଜୀ

• ଇଣ୍ଡିଆ ଷ୍ଟୋରି (ନିରଞ୍ଜନ ପତି ଓ ସନ୍ଧ୍ୟାରାଣୀ ନାୟକଙ୍କ ସହ ଲିଖିତ)

ସମ୍ମାନ ଓ ପୁରସ୍କାର

• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ଭୋର ପାଇଁ), ୨୦୦୯
• ଭୁବନେଶ୍ୱର ପୁସ୍ତକ ମେଳା ପୁରସ୍କାର - ୨୦୦୪
• ସମ୍ମା ସମ୍ମାନ - ୨୦୧୨
• ଏକାମ୍ର ସଂସ୍କୃତି ସମ୍ମାନ - ୨୦୧୦
• କଥା ନବପ୍ରତିଭା ସମ୍ମାନ
• କିଶୋରୀ ଚରଣ ଦାସ ଗଳ୍ପ ପୁରସ୍କାର
• ଅମୃତାୟନ ଗଳ୍ପ ପୁରସ୍କାର
• ସୁଧନ୍ୟା ଗଳ୍ପ ପୁରସ୍କାର
• କଥା (ନୂଆ ଦିଲ୍ଲୀ) ସମ୍ମାନ
• ସାତକଡ଼ି ହୋତା ସ୍ମୃତି ସମ୍ମାନ ୨୦୨୪