ଦିଗମ୍ବର ମହାପାତ୍ର
ଦିଗମ୍ବର ମହାପାତ୍ର (ଜନ୍ମ: ୫ ଜାନୁଆରୀ ୧୯୨୮)[୧] ଜଣେ ଭାରତୀୟ ଓଡ଼ିଆ-ଭାଷୀ ସଂସ୍କୃତ କବି । ସେ ୧୯୮୯ ମସିହାରେ ସେ ନିଜ ସଂସ୍କୃତ କାବ୍ୟଗ୍ରନ୍ଥ ସୁରେନ୍ଦ୍ର ଚରିତ ମହାକାବ୍ୟମ୍ ପାଇଁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର[୨] ପାଇଥିଲେ ।
ଦିଗମ୍ବର ମହାପାତ୍ର | |
|---|---|
| ଜନ୍ମ ଓ ଜନ୍ମସ୍ଥାନ | ୫ ଜାନୁଆରୀ ୧୯୨୮ ପୁରୁଣାପାଣି, ବୈଦ୍ୟେଶ୍ୱର, କଟକ |
| ବୃତ୍ତି | ଶିକ୍ଷକ |
| ଜାତୀୟତା | ଭାରତୀୟ |
| ନାଗରିକତା | ଭାରତୀୟ |
| ସାହିତ୍ୟ କୃତି | ସୁରେନ୍ଦ୍ର ଚରିତ ମହାକାବ୍ୟମ୍ |
| ପୁରସ୍କାର | ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୧୯୮୯ |
ସଂକ୍ଷିପ୍ତ ଜୀବନୀ
ସମ୍ପାଦନାଦିଗମ୍ବର କଟକ ଜିଲ୍ଲାର ବୈଦ୍ୟେଶ୍ୱର ଅନ୍ତର୍ଗତ ପୁରୁଣାପାଣିଠାରେ ୧୯୨୮ ମସିହାରେ ଜନ୍ମଗ୍ରହଣ କରିଥିଲେ । ଉଚ୍ଚଶିକ୍ଷା ପରେ ସେ ଶିକ୍ଷକତା ଆରମ୍ଭ କରିଥିଲେ । ପ୍ରଥମେ କିଛିଦିନ ରାଉରକେଲା ଇସ୍ପାତ ହାଇସ୍କୁଲରେ ଶିକ୍ଷକ ରହିବା ପରେ ହାଇଦ୍ରାବାଦସ୍ଥିତ ଏମ୍ ଆଇ ଆର୍ ୟୁ ଅନୁଷ୍ଠାନରେ ସଂସ୍କତ ଅଧ୍ୟାପକ ଥିଲେ । ୧୯୭୬ରୁ ୧୯୭୯ ଉତ୍କଳୋଦୟ ପତ୍ରିକାର ସଂପାଦକ ଥିଲେ । ସେ ସଂସ୍କୃତରେ ବୀର ସୁରେନ୍ଦ୍ର ସାଏଙ୍କ ଜୀବନ ଚରିତ ଆଧାରିତ କାବ୍ୟ ସୁରେନ୍ଦ୍ର ଚରିତ ମହାକାବ୍ୟମ୍ ରଚନା କରିଥିଲେ । ଏହି ପୁସ୍ତକରେ ୫୯୭ ଶ୍ଳୋକ ହିନ୍ଦୀ ଅନୁବାଦ ସହିତ ରହିଛି । ସାମାଜିକ ଅନୀତି ସଂପର୍କରେ ସେ ଭବତେରୋଚତେ ଲେଖିଥିଲେ । ଏହାର ଏକ ପଙ୍କ୍ତି:
"କାନ୍ତୋଃସ୍ତି କେଳି ସଦନେ ଚମସଃ (ଚାମଚା) ପ୍ରିୟାୟାଃ
କାନ୍ତା କଦାପି କୁତୁକେନ କରୋତି ଚାଟମ୍
ଏଷା ପ୍ରଥା ଯଦି ଶୃହେଃସ୍ତି ତଥା କିମର୍ଥମ୍
ସ୍ୱାର୍ଥାୟ କୋ ବହିରହୋ ଚମସୋ ନ ବା ସ୍ୟାତ୍"[୩]
ରଚନାବଳୀ
ସମ୍ପାଦନା- ସୁରେନ୍ଦ୍ର ଚରିତ ମହାକାବ୍ୟମ୍
- ଋତୁଚକ୍ରମ୍
- ଭବତେରୋଚତେ
- ରଙ୍ଗରୁଚିରମ୍
- ବ୍ୟସ୍ତରାଗମ୍
ସମ୍ମାନ ଓ ପୁରସ୍କାର
ସମ୍ପାଦନା- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ସୁରେନ୍ଦ୍ର ଚରିତ ମହାକାବ୍ୟମ୍ ପାଇଁ) - ୧୯୮୯
- ଅଖିଳ ଭାରତୀୟ ପଣ୍ଡିତ ମହାପରିଷଦ ତରଫରୁ "ପଣ୍ଡିତରାଜ" ଉପାଧି
ଆଧାର
ସମ୍ପାଦନା- ↑ ସିଂହ, ବିଜୟାନନ୍ଦ (୨୦୦୪). ଓଡ଼ିଆ ଲେଖକ ପରିଚୟ. ଭୁବନେଶ୍ୱର: ଓଡ଼ିଶା ସାହିତ୍ୟ ଏକାଡ଼େମୀ. pp. ୧୨୩. ISBN 81-7400-331-2.
- ↑ http://odishasahityaakademi.org/English/sahitya-award5.php
- ↑ ମହାନ୍ତି, ନଗେନ୍ଦ୍ର ନାଥ (୨୦୧୨). ଓଡ଼ିଆ ଚରିତ କୋଷ, ୨ୟ ଭାଗ. ନୁଆଦିଲ୍ଲୀ: ପ୍ରତିମା ନାଥ ଟ୍ରଷ୍ଟ. pp. ୫୫୦-୫୧. ISBN 81-903352-2-7.