ଦମନ (୨୦୨୨ର କଥାଚିତ୍ର)

ଏହି ପ୍ରସଙ୍ଗଟି ୨୦୨୨ ମସିହାରେ ମୁକ୍ତିଲାଭ କରିଥିବା ଓଡ଼ିଆ କଥାଚିତ୍ର ବାବଦରେ । ବାକିସବୁ ପାଇଁ, ଦମନ ପ୍ରସଙ୍ଗଟି ଦେଖନ୍ତୁ ।

ଦମନ ୨୦୨୨ ମସିହା ନଭେମ୍ବର ୪ ତାରିଖରେ ମୁକ୍ତିଲାଭ କରିଥିବା ଏକ ଓଡ଼ିଆ କଥାଚିତ୍ର । ଏଥିରେ ମୁଖ୍ୟ ଭୂମିକାରେ ବାବୁଶାନ ମହାନ୍ତି ଓ ଦୀପନ୍ୱିତ ଦାଶମହାପାତ୍ର ପ୍ରମୁଖ ଅଭିନୟ କରିଥିଲେ । ବିଶାଳ ମୌର୍ଯ୍ୟ ଏବଂ ଦେବୀ ପ୍ରସାଦ ଲେଙ୍କା ଏହି କଥାଚିତ୍ରର କାହାଣୀ, ଚିତ୍ରନାଟ୍ୟ ଏବଂ ନିର୍ଦ୍ଦେଶନା ଦେଇଥିଲେ ଏବଂ ଦିପେନ୍ଦ୍ର ସାମଲ ଏହାର ପ୍ରଯୋଜକ ଥିଲେ ।

ଦମନ
ଦମନ କଥାଚିତ୍ର ପୋଷ୍ଟର
ନିର୍ଦ୍ଦେଶକ	ବିଶାଲ ମୌର୍ଯ୍ୟା ଏବଂ ଦେବୀ ପ୍ରସାଦ ଲେଙ୍କା
ପ୍ରଯୋଜକ	ଦିପେନ୍ଦ୍ର ସାମଲ
ଚିତ୍ରନାଟ୍ୟ	ବିଶାଲ ମୌର୍ଯ୍ୟା ଏବଂ ଦେବୀ ପ୍ରସାଦ ଲେଙ୍କା
କାହାଣୀ	ବିଶାଲ ମୌର୍ଯ୍ୟା ଏବଂ ଦେବୀ ପ୍ରସାଦ ଲେଙ୍କା
କଳାକାର	ବାବୁଶାନ୍ ଦୀପନ୍ୱିତ ଦାଶମହାପାତ୍ର
ସଙ୍ଗୀତ	ଗୌରବ ଆନନ୍ଦ
ସମ୍ପାଦକ	ଦେବୀ ପ୍ରସାଦ ଲେଙ୍କା
Production company	ଜେ ପି ମୋସନ ପିକ୍ଚର୍ସ
ମୁକ୍ତିଲାଭ ତାରିଖ	୪ ନଭେମ୍ବର ୨୦୨୨
ଦେଶ	ଭାରତ
ଭାଷା	ଓଡ଼ିଆ

ଅଭିନୟ

• ବାବୁଶାନ ମହାନ୍ତି
• ଦୀପନ୍ୱିତ ଦାଶମହାପାତ୍ର

କାହାଣୀ

ମାଲକାନାଗିରିର ଚିତ୍ରକୋଣ୍ଡା ପାଖ ବିଚ୍ଛିନ୍ନାଞ୍ଚଳରେ ମ୍ୟାଲେରିଆ ରୋଗ ଦମନ ପାଇଁ ଏକ ଯୁବ ଡାକ୍ତରଙ୍କର ପ୍ରୟାସକୁ ଏହି କଥାଚିତ୍ରରେ ଦର୍ଶାଯାଇଥିଲା ।

ନାମକରଣ

ଓଡ଼ିଶା ସରକାରଙ୍କର ମ୍ୟାଲେରିଆ ରୋଗ ନିରାକରଣ କରିବା ଲକ୍ଷ୍ୟରେ "ଦୁର୍ଗମ ଅଞ୍ଚଳରେ ମ୍ୟାଲେରିଆ ନିରାକରଣ" (Durgama Anchalare Malaria Nirakaran) ନାମକ ଯୋଜନା କରାଯାଇଥିଲା । ଏହି ଯୋଜନାର ନାମ ଅନୁସାରେ କଥାଚିତ୍ରଟିର ନାଁ, ଦମନ (DAMaN) ରଖାଯାଇଥିଲା ।

ଗୀତ ଏବଂ ସଙ୍ଗୀତ

ଏହି କଥାଚିତ୍ରଟିର ସଙ୍ଗୀତ ନିର୍ଦ୍ଦେଶନା ଦେଇଥିଲେ ଗୌରବ ଆନନ୍ଦ । ଜେପି ୱାର୍ଡ଼ସ୍ମିଥ ଓ ବାପୁ ଗୋସ୍ୱାମୀ ଭଳି ଗୀତିକାର ଏହି କଥାଚିତ୍ରଟିର ଗୀତ ରଚନା କରିଥିଲେ । ଋତୁରାଜ ମହାନ୍ତି, ବାବୁଶାନ୍, ଅନୁରାଗ ଦାସ, ଗୌରବ ଆନନ୍ଦ ଆଦି କଣ୍ଠଶିଳ୍ପୀମାନେ ଏହି କଥାଚିତ୍ରଟିରେ କଣ୍ଠଦାନ କରିଥିଲେ ।

ଗୀତ

କ୍ରମ	ଗୀତ	କବି	ଗାୟକ	ସମୟ
1.	"ଦମନ ମୁଖ୍ୟ ଗୀତ"	ଜେପି ୱାର୍ଡ଼ସ୍ମିଥ	ଋତୁରାଜ ମହାନ୍ତି	୦୩:୫୨
2.	"ନିଛାଟିଆ ମନ"	ଜେପି ୱାର୍ଡ଼ସ୍ମିଥ	ବାବୁଶାନ ମହାନ୍ତି	୦୫:୩୧
3.	"ଢେମସା"	ଜେପି ୱାର୍ଡ଼ସ୍ମିଥ	ଅନୁରାଗ ଦାସ, ଗୌରବ ଆନନ୍ଦ	୦୪:୦୯
4.	"ଏକଲା ଚାଲରେ"	ବାପୁ ଗୋସ୍ୱାମୀ	ଗୌରବ ଆନନ୍ଦ	୦୩:୩୩

ବିବାଦ

ଦମନ ମୁକ୍ତିଲାଭ କରିବାର କିଛି ଘଣ୍ଟା ପରେ ୟୁଟ୍ୟୁବରେ ଏହାର ଭିଡିଓ ପ୍ରଚାରିତ ହେବାରୁ ଚଳଚ୍ଚିତ୍ରର ପ୍ରଯୋଜନା ଦଳ ଥାନାରେ ଅଭିଯୋଗ କରିଥିଲେ ।

ବାହାର ଲିଙ୍କ

• ଦମନ ଟ୍ରେଲର
• ଇଣ୍ଟରନେଟ ମୁଭି ଡାଟାବେସରେ ଦମନ