ଡଲି ଗୁଲେରିଆ

ଡଲି ଗୁଲେରିଆ (ଜନ୍ମ: ୧୪ ଅପ୍ରେଲ ୧୯୪୯) ଜଣେ ଭାରତୀୟ କଣ୍ଠଶିଳ୍ପୀ ଯିଏକି ମୁଖ୍ୟତଃ ପଞ୍ଜାବର ଲୋକଗୀତ କ୍ଷେତ୍ରରେ ସକ୍ରିୟ ଅଛନ୍ତି । ସେ ପଞ୍ଜାବୀ ଗୀତ ବ୍ୟତୀତ ଶବ୍ଦ ଗୁରବନି, ସୁଫି ଏବଂ ଗଜଲ ଆଦି ଗାଇଥାନ୍ତି ।

ଡଲି ଗୁଲେରିଆ
Background information
ଜନ୍ମ ସମୟରେ ନାମ	ରୁପିନି ସୋଢ଼ି
ଜନ୍ମ	(1949-04-14)୧୪ ଅପ୍ରେଲ ୧୯୪୯ ବମ୍ବେ, ଭାରତ
ଶୈଳୀ	ଲକଗୀତ ସୁଫି ଗଜଲ ଗୁରବନି ଚଳଚ୍ଚିତ୍ର
ପେଷା	କଣ୍ଠଶିଳ୍ପୀ ଗୀତିକାର ପ୍ରଚ୍ଛଦପଟ ଗାୟିକା
କାର୍ଯ୍ୟକାଳ	୧୯୬୬-ଏବେଯାଏଁ
ଲେବଲ	ଡୋରେ ମେ କ୍ରିଏସନ୍
ଅନ୍ୟ ଅଂଶଗ୍ରହଣ	ସୁରିନ୍ଦର କୌର (ମାଆ), ପ୍ରକାଶ କୌର (ସମ୍ପର୍କୀୟ)
ୱେବସାଇଟ	dollyguleria.com

ଜନ୍ମ, ପରିବାର ଓ ଶିକ୍ଷା

ଡଲି ୧୯୪୯ ମସିହାର ଅପ୍ରେଲ ୧୪ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପା ଜୋଗିନ୍ଦର ସିଂହ ଜଣେ ଅଧ୍ୟାପକ ଥିଲେ ଏବଂ ତାଙ୍କା ମାଆ ସୁରିନ୍ଦର କୌର ଥିଲେ ଜଣେ ଜଣାଶୁଣା ଲୋକଗୀତ ଗାୟିକା । ୧୯୭୦ ମସିହାରେ ସେ ସେନା ଅଧିକାରୀ କର୍ଣ୍ଣେଲ୍ ଏସ୍.ଏସ୍. ଗୁଲେରିଆଙ୍କୁ ବିବାହ କରିଥିଲେ ।

ପେଷା

ବିବାହ ପରେ ମାତୃତ୍ୱ ଲାଭ କରିସାରିବା ପରେ ତାଙ୍କ ପତିଙ୍କ ପ୍ରେରଣାରେ ସେ ସଙ୍ଗୀତ ଶିକ୍ଷା ଆରମ୍ଭ କରିଥିଲେ ଏବଂ ପଟିଆଲା ଘରାନାର ସଙ୍ଗୀତ ଗୁରୁ ଉସ୍ତାଦ ଅବଦୁଲ ରେହମାନ ଖାନ୍ ତାଙ୍କୁ ଶାସ୍ତ୍ରୀୟ ସଙ୍ଗୀତ ଶିକ୍ଷା ଦେଇଥିଲେ । ପ୍ରଥମେ ସେ ଶାସ୍ତ୍ରୀୟ ସଙ୍ଗୀତ ସହିତ ପଞ୍ଜାବୀ ଲୋକଗୀତ ଗାଇଥିଲେ ।

ପିଲାଦିନରୁ ଧାର୍ମିକ ଚିନ୍ତାଧାରାରେ ବଢ଼ିବା ତାଙ୍କୁ ଗୁରୁଙ୍କ ପ୍ରଶିକ୍ଷଣରେ ସେ ତାଙ୍କର ପ୍ରଥମ ଆଲବମ୍‌ରେ ଗୀତ ଗାଇଥିଲେ । ପରେ ତାଙ୍କର କିଛି ଗୀତ ତାଙ୍କ ମାଆଙ୍କ ସହିତ ମୁକ୍ତିଲାଭ କରିଥିଲା । ଶିବ କୁମାର ବତଲବି, ଭାଇ ବୀର ସିଂହଙ୍କ ଭଳି ଜଣାଶୁଣା କବିମାନଙ୍କର କବିତାଗୁଡ଼ିକୁ ତାଙ୍କ କଣ୍ଠରେ ମୁକ୍ତିଲାଭ କରିଥିଲା ।

ସେ ରବ୍ ଦିଆଁ ରଖାଁ, ଦେଶଁ ପରଦେଶ ଏବଂ ମେଁ ମା' ପଞ୍ଜବ ଦି ଭଳି କିଛି ପଞ୍ଜାବୀ କଥାଚିତ୍ରରେ ପ୍ରଚ୍ଛପଟ ଗାୟିକା ଭାବରେ ମଧ୍ୟ କାର୍ଯ୍ୟ କରିଛନ୍ତି ।

ସେ ମଞ୍ଚରେ ସଙ୍ଗୀତ ପରିବେଷଣ କରିବାରେ ଅଧିକ ରୁଚି ରଖନ୍ତି ଏବଂ ପଞ୍ଜାବୀ ଲୋକଗୀତ ଗୁଡ଼ିକର ବିଭିନ୍ନ କାର୍ଯ୍ୟକ୍ରମରେ ସେ କଣ୍ଠଶିଳ୍ପୀ ଭାବରେ ମଞ୍ଚରେ ଗାୟନ କରନ୍ତି ।