କୃଷ୍ଣଚନ୍ଦ୍ର ପାତ୍ର (ନାଟ୍ୟକାର)
କୃଷ୍ଣଚନ୍ଦ୍ର ପାତ୍ର ଜଣେ ଓଡ଼ିଆ ନାଟ୍ୟକାର ଓ ଅଧ୍ୟାପକ, ଯିଏକି ଅନେକ ଯାତ୍ରା ନାଟକ ରଚନା କରିଛନ୍ତି । ୨୦୧୧ ମସିହାରୁ ସେ ପ୍ରଥମ ଥର ପାଇଁ ଯାତ୍ରାନାଟକ ରଚନା କରିବା ଆରମ୍ଭ କରିଥିଲେ । ପରବର୍ତ୍ତୀ ସମୟରେ ସେ କୋଣାର୍କ ଗଣନାଟ୍ୟ, ତ୍ରିନାଥ, ଯାତ୍ରା ସିଂହବାହିନୀ, ଯାତ୍ରା ଦର୍ଶକ ମହଲ, ତୁଳସୀ ଗଣନାଟ୍ୟ ବାଘାଯତୀନ ଆଦି ଯାତ୍ରା ଦଳ ପାଇଁ ନାଟକ ରଚନା କରିଥିଲେ ।
କୃଷ୍ଣଚନ୍ଦ୍ର ପାତ୍ର | |
|---|---|
| ଜନ୍ମ | |
| ଜାତୀୟତା | ଭାରତୀୟ |
| ବୃତ୍ତି | ନାଟ୍ୟକାର (ଯାତ୍ରା) |
| ସକ୍ରିୟ ବର୍ଷ | ୨୦୧୧ରୁ ଏପର୍ଯ୍ୟନ୍ତ |
| ପିତାମାତା(s) | ଶମ୍ଭୁନାଥ ପାତ୍ର (ପିତା), ଅନ୍ନପୂର୍ଣ୍ଣା ପାତ୍ର (ମାତା) |
ସଂକ୍ଷିପ୍ତ ଜୀବନୀ
ସମ୍ପାଦନାକୃଷ୍ଣଚନ୍ଦ୍ର ବାଲେଶ୍ୱର ଜିଲ୍ଲାର ବାଲିଆପାଳ ବ୍ଲକ ଅନ୍ତର୍ଗତ କଙ୍କଡ଼ାପାଳ ଗ୍ରାମରେ ସେ ଜନ୍ମଗ୍ରହଣ କରିଥିଲେ । ଓଡ଼ିଆ ଯାତ୍ରା ଜଗତରେ ସେ ଜଣେ ନାଟ୍ୟକାର ଭାବେ ସୁପରିଚିତ । ସେ ଫକୀରମୋହନ ମହାବିଦ୍ୟାଳୟରେ ପଢ଼ୁଥିଲା ବେଳେ କଲେଜ ଡ୍ରାମା ପାଇଁ ନାଟକ ଲେଖା ଆରମ୍ଭ କରିଥିଲେ । ପରେ ରେଭେନସାରେ ଅଧ୍ୟୟନ ସମୟରେ ମଞ୍ଚ ଓ ବେତାର ନାଟକ ରଚନାରେ ସକ୍ରିୟ ଯୋଗଦାନ କଲେ । ଅବଶ୍ୟ ତା' ଆଗରୁ ନିଜ ଗ୍ରାମର କ୍ଲବ୍ ପାଇଁ ଯାତ୍ରା ଲେଖୁଥିଲେ । ତେବେ ୨୦୧୧ରେ ସେ ବିଧିବଧ ଭାବେ ଉତ୍ତର ଓଡ଼ିଶାର ପାର୍ଥସାରଥି ଅପେରା ପାଇଁ 'ଫେରିଲେ ଦେବି ମୁଁ ଗୁରୁଦକ୍ଷିଣା' ନାଟକ ଲେଖି ଚର୍ଚ୍ଚାକୁ ଆସିଥିଲେ । କୃଷ୍ଣଚନ୍ଦ୍ର ଇଂରାଜୀ ଓ ଶିକ୍ଷାରେ ସ୍ନାତକୋତ୍ତର ଓ ଶିକ୍ଷାରେ ଏମ୍ ଫିଲ୍ ଓ ଡକ୍ଟରେଟ୍ କରିଥିଲେ । ଅଧ୍ୟାପନାକୁ ବୃତ୍ତି ରୂପେ ଆପଣେଇ ନେଇଥିଲେ ମଧ୍ୟ ନାଟକ ରଚନା କରିବା ତାଙ୍କର ନିଶା ଥିଲା ।[୧] ଓଡ଼ିଶାର ଅନେକ ଆଗଧାଡ଼ିର ଯାତ୍ରା ନିର୍ଦ୍ଦେଶକ ଯଥା ଅଶ୍ରୁମୋଚନ ମହାନ୍ତି, ବିନୋଦ ରାଉତ, କିଶୋର ଖଣ୍ଡୁଆଳ, ଓ ତାପସ ସ୍ୱାଇଁ ତାଙ୍କ ନାଟକର ନିର୍ଦ୍ଦେଶନା ଦେଇଛନ୍ତି ।
ରଚିତ ନାଟକ
ସମ୍ପାଦନା- କାଇଁଚ ମାଳି
- ଅନ୍ଧ-ମୁକ-ବଧିର
- କନିଆଁ କାନ୍ଦୁଛି କୋଣାରକରେ
- ମା'ଲୋ କଲିକତିଆ ବୋହୁ
- ସଙ୍ଗୀତ ସାଥି ସଙ୍ଗୀତା
- ମାୟାଜାଲ
- କଳଙ୍କିନୀ
- ସତ ସିନ୍ଦୂରକୁ ମିଛ କନିଆଁ
- ସବୁ ପ୍ରେମ ଗପ ଅଧାରୁ ସରେ