କଲ୍ୟାଣୀ ଠାକୁର ଚରାଲ

କଲ୍ୟାଣୀ ଠାକୁର ଚରାଲ (ଜନ୍ମ ୧୯୬୫) ଜଣେ ଭାରତୀୟ ବଙ୍ଗଳା ଭାଷୀ ଦଳିତ ନାରୀବାଦୀ କବି ଓ ଲେଖିକା ।

ଜୀବନୀ

ପ୍ରାରମ୍ଭିକ ଜୀବନ

କଲ୍ୟାଣୀ ଠାକୁର ଚରାଲ ପଶ୍ଚିମବଙ୍ଗର ନଦିଆ ଜିଲ୍ଲାର ବାଗୁଲାଠାରେ ମାଟୁଆ ସମ୍ପ୍ରଦାୟରେ ଜନ୍ମଗ୍ରହଣ କରିଥିଲେ । ଜାତି ଆଧାରରେ ଭେଦଭାବର ସମ୍ମୁଖୀନ ହେବା ପରେ ସେ ନିଜ ନାମରେ "ଚରାଲ" (ଚଣ୍ଡାଳ) ନାମ ବ୍ୟବହାର କରିବା ଆରମ୍ଭ କରିଥିଲେ ଏବଂ ଏହି ସିଦ୍ଧାନ୍ତ ଅବହେଳିତ ମାଟୁଆ ସମ୍ପ୍ରଦାୟରେ ତାଙ୍କ ସଦସ୍ୟତାକୁ ସୂଚିତ କରିବା ନିମନ୍ତେ ଥିଲା ।

ଶିକ୍ଷା ଓ ବୃତ୍ତି

ସେ ବାଣିଜ୍ୟରେ ସ୍ନାତକ ଡିଗ୍ରୀ ହାସଲ କରି ପରେ ଭାରତୀୟ ରେଳବାଇରେ କିରାଣୀ ଭାବେ କାର୍ଯ୍ୟ ଆରମ୍ଭ କରିଥିଲେ । ପରେ ଜାତି ଆଧାରରେ ଭେଦଭାବ ଏବଂ ନିର୍ଯାତନା ପାଇବା ପରେ ବୃତ୍ତିରୁ ଇସ୍ତଫା ଦେଇଥିଲେ ।

ନାରିବାଦ

ସେ ନିଜ ପିତାମାତାଙ୍କୁ ନାରୀବାଦ ପ୍ରତି ତାଙ୍କର ଆଗ୍ରହର ଏକ ପ୍ରାରମ୍ଭିକ ପ୍ରଭାବ ବୋଲି ଦର୍ଶାଇଛନ୍ତି । ସେ ତାଙ୍କ ବାପା ସେମାନଙ୍କ ଗାଁରେ ଏକ ଘରୋଇ ନିର୍ଯାତନା ମାମଲାକୁ ରୋକିବାରେ ହସ୍ତକ୍ଷେପ କରିବା ଏବଂ ସବୁ ପିଲାଙ୍କୁ ଶିକ୍ଷା ପାଇବା ପାଇଁ ସମାନ ସୁଯୋଗ ଦିଆଯିବା ନିଶ୍ଚିତ କରିବାରେ ତାଙ୍କ ମା'ଙ୍କ ପ୍ରତିବଦ୍ଧତା ବାବଦରେ ବର୍ଣ୍ଣନା କରିଛନ୍ତି । ତାଙ୍କ ପିତା ଜଣେ ସୁରକ୍ଷା କର୍ମୀ ଭାବରେ କାର୍ଯ୍ୟ କରୁଥିଲେ ଏବଂ ଏକ ଫାର୍ମରେ ମାଳୀ ଭାବେ ତଥା କାଠକଟାଳି ଭାବରେ କାମ ମଧ୍ୟ କରୁଥିଲେ ।