ଐଶ୍ୱର୍ଯ୍ୟା ଭାସ୍କରନ୍

ଐଶ୍ୱର୍ଯ୍ୟା ଭାସ୍କରନ୍ (ଜନ୍ମନାମ: ଶାନ୍ତା ମୀନା) ଜଣେ ଭାରତୀୟ, ଯିଏକି ତାମିଲ, ମାଲାୟାଲାମ୍, କନ୍ନଡ଼ ଓ ତେଲୁଗୁ ଭାଷାର କଥାଚିତ୍ରରେ କାମ କରନ୍ତି । ସେ ଅନେକ ମାଲାୟାଲମ୍ ଓ ତାମିଲ୍ ଦୂରଦର୍ଶନ ଧାରାବାହିକରେ କାମ କରିଛନ୍ତି । ତାଙ୍କ ମାଆ ଲକ୍ଷ୍ମୀ ଜଣେ ଅଭିନେତ୍ରୀ ।

ଐଶ୍ୱର୍ଯ୍ୟା ଭାସ୍କରନ୍‌
ଜନ୍ମ	ଶାନ୍ତା ମୀନା ଚେନ୍ନାଇ, ତାମିଲନାଡ଼ୁ, ଭାରତ
ଜାତୀୟତା	ଭାରତୀୟ
ବୃତ୍ତି	ଅଭିନେତ୍ରୀ
ସକ୍ରିୟ ବର୍ଷ	୧୯୮୯–୧୯୯୫ ୧୯୯୯–ଏବେଯାଏଁ
ବୈବାହିକ-ସାଥୀ	ତନବୀର ଅହମ୍ମଦ (୧୯୯୪-୧୯୯୬)
ସନ୍ତାନ	୧
ପିତାମାତା	ଭାସ୍କାରନ ଲକ୍ଷ୍ମୀ
ସମ୍ପର୍କୀୟ	ୱାଇ. ଭି. ରାଓ (ଜେଜେବାପା) କୁମାରୀ ରୁକମଣୀ (ଜେଜିମା)

ଅଭିନୟ ଜୀବନ

ଐଶ୍ୱର୍ଯ୍ୟା ୧୯୯୧ ମସିହାରେ ଓଲିୟାମପୁକୁଲ ଜରିଆରେ ଅଭିନୟ କରିବା ଆରମ୍ଭ କରିଥିଲେ । ଏହାପରେ ସେ ମମାଗାରୁ (୧୯୯୧), ରସୁକୁଟି (୧୯୯୨) ଓ ମୀରା (୧୯୯୨) ଆଦି କଥାଚିତ୍ରରେ କାମ କରିଥିଲେ । ସେ ପ୍ରଜାପତି (୧୯୯୩) ଓ ଗର୍ଦିଶ (୧୯୯୩) କଥାଚିତ୍ରରେ ଦ୍ୱେତ ଭୂମିକାରେ ଅଭିନୟ କରିଥିଲେ । ଅଭିନୟ ଜୀବନର ଆରମ୍ଭରେ, ସେ ତିରୁଦା ତିରୁଦା (୧୯୯୩) କଥାଚିତ୍ରରେ ମଣି ରତ୍ନମଙ୍କ ସହ କାମ କରିବାକୁ ମନା କରିଥିଲେ ।

୧୯୯୪ ମସିହାରେ ତାଙ୍କ ବିବାହ ପରେ ସେ କଥାଚିତ୍ର ଜଗତରୁ ଦୂରେଇ ଯାଇଥିଲେ ଏବଂ ପରିବାର ପ୍ରତିପୋଷଣ କରିବାକୁ ପ୍ରାଥମିକତା ଦେଇଥିଲେ । କିନ୍ତୁ ତାଙ୍କ ପତିଙ୍କର ନିଶା ସେବନ ଯୋଗୁଁ ୧୯୯୬ ମସିହାରେ ବିବାହ ବିଚ୍ଛେଦ ପରେ ମଧ୍ୟ ସେ ଅଭିନୟକୁ ସହଜରେ ଆପଣେଇ ପାରିନଥିଲେ । ସେ କମ୍ପ୍ୟୁଟର ବିଜ୍ଞାନରେ ଶିକ୍ଷା ଗ୍ରହଣ କରିଥିଲେ ଏବଂ ୧୯୯୭ ମସିହାରେ ନ୍ୟାସନାଲ୍ ଇନିଷ୍ଟିଚ୍ୟୁଟ୍ ଅଫ୍ ଇନ୍‌ଫରମେସନ୍ ଆଣ୍ଡ ଟେକ୍ନୋଲୋଜିରେ ଜଣେ ସଫ୍ଟୱୟାର ଇଞ୍ଜିନିୟର ଭାବରେ କାମ କରିଥିଲେ । ଏହା ପରେ ସେ ତାଙ୍କ ବନ୍ଧୁ ଅଭିନେତ୍ରୀ ରେବତୀଙ୍କଦ୍ୱାରା ପ୍ରେରିତ ହୋଇ ସୁରେଶ ଚନ୍ଦ୍ର ମେନନଙ୍କଦ୍ୱାରା ନିର୍ମିତ ଏକ ଦୂରଦର୍ଶନ ଦାହରାବାହିକରେ କାମ କରିଥିଲେ । ତାଙ୍କ ବିବାହ, ପ୍ରସବ ଓ ଛାଡ଼ପତ୍ର ହେତୁ କଥାଚିତ୍ର ଜଗତରୁ ଚାରି ବର୍ଷ ଦୂରେଇ ରହିବା ପରେ, ସେ ଆର. ପାର୍ଥିବାନଙ୍କ ହାଉସଫୁଲ୍ (୧୯୯୯) ଜରିଆରେ ପୁଣିଥରେ ଅଭିନୟ ଜଗତକୁ ଫେରିଥିଲେ । ସେ ଏକବିଂଶ ଶତାବ୍ଦୀର ପ୍ରାରମ୍ଭରେ ସେ ସୂର୍ଯ୍ୟମ୍ବରମ (୧୯୯୯), ସତ୍ୟମେବ ଜୟତେ (୨୦୦୦) ଏବଂ ନରସିଂହମ୍ (୨୦୦୦) ଭଳି କଥାଚିତ୍ରରେ ସହାୟକ ଭୂମିକାରେ ଅଭିନୟ କରିଥିଲେ ।

ବ୍ୟକ୍ତିଗତ ଜୀବନ

ଐଶ୍ୱର୍ଯ୍ୟା ଭାସ୍କରନ୍‌ଙ୍କ ଜନ୍ମନାମ ଥିଲା ଶାନ୍ତ ମୀନା । ତାଙ୍କ ବାପାଙ୍କ ନାମ ଭାସ୍କରନ୍ ଓ ମାଆ ଲକ୍ଷ୍ମୀ ଜଣେ ଅଭିନେତ୍ରୀ ଥିଲେ ।

ସେ ୧୯୯୪ ମସିହାରେ ତନବୀର ଅହମ୍ମଦଙ୍କୁ ବିବାହ କରିଥିଲେ ଏବଂ ୧୯୯୬ ମସିହାରେ ଉଭୟଙ୍କର ବିବାହ ବିଚ୍ଛେ ହୋଇଥିଲା । ୧୯୯୫ ମସିହାରେ ଏହି ଦମ୍ପତିଙ୍କର ଗୋଟିଏ ଝିଅ ଜନ୍ମ ହୋଇଥିଲା ।

ବାହାର ଲିଙ୍କ

• ଇଣ୍ଟରନେଟ ମୁଭି ଡାଟାବେସରେ ଐଶ୍ୱର୍ଯ୍ୟା ଭାସ୍କରନ୍