ଉଇକିପିଡ଼ିଆ:ମାସର ବଛା ଲେଖା/ଫେବୃଆରୀ ୨୦୨୪
ବିଶ୍ୱ ଓଡ଼ିଆ ଭାଷା ସମ୍ମିଳନୀ ଓଡ଼ିଶା ସରକାରଙ୍କ ଦ୍ୱାରା ଆୟୋଜିତ ଏକ ଓଡ଼ିଆ ଭାଷା ସାହିତ୍ୟ କାର୍ଯ୍ୟକ୍ରମ ଓ ଏହା ୨୦୨୪ ମସିହା ଫେବୃଆରୀ ୩ରୁ ୫ ତାରିଖ ଯାଏଁ ଭୁବନେଶ୍ୱର ସ୍ଥିତ ଜନତା ମଇଦାନରେ ଅନୁଷ୍ଠିତ ହୋଇଥିଲା । ୨୦୨୩ ଡିସେମ୍ବର ୨୦ରେ ଓଡ଼ିଶା ସରକାରଙ୍କଦ୍ୱାରା ଏହି କାର୍ଯ୍ୟକ୍ରମର ଘୋଷଣା କରାଯାଇଥିଲା । ୨୦୨୪ ଜାନୁଆରୀ ୧୨ ତାରିଖରେ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି କାର୍ଯ୍ୟକ୍ରମର ଲୋଗୋ ଉନ୍ମୋଚନ କରିଥିଲେ । ଲୋଗୋର ଟ୍ୟାଗ୍ ଲାଇନ୍ ଥିଲା, ‘ଭାଷା ହିଁ ଭବିଷ୍ୟତ’ । ଏହି ଲୋଗୋକୁ ସମସ୍ତ ବିଭାଗୀୟ ପତ୍ରାଳାପରେ ସ୍ଥାନିତ କରାଯିବା ସହିତ ବିଭିନ୍ନ ସ୍ଥାନ, ବିଦ୍ୟାଳୟ ଓ ମହାବିଦ୍ୟାଳୟ କାନ୍ଥରେ ମଧ୍ୟ ଏହାକୁ ଚିତ୍ରଣ କରାଯିବ ।