ଇକ୍ୱିଟି ଲିଙ୍କ୍‌ଡ଼ ସଞ୍ଚୟ ଯୋଜନା

ଇକ୍ୱିଟିସହ ଜଡ଼ିତ ସଞ୍ଚୟ ଯୋଜନା (ଇକ୍ୱିଟି ଲିଙ୍କ୍ଡ ସେଭିଙ୍ଗ୍ସ ସ୍କିମ ବା ଇଏଲଏସଏସ ଭାବରେ ମଧ୍ୟ ଜଣା) ହେଉଛି ଭାରତରେ ପ୍ରଚଳିତ ତିନି ବର୍ଷର ଅବଧି ବିଶିଷ୍ଟ ଏକ ପ୍ରକାରର କ୍ଲୋଜ-ଏଣ୍ଡେଡ଼ ମ୍ୟୁଚୁଆଲ ଫଣ୍ଡ । ଭାରତୀୟ ଆୟକର ଧାରା ସେକ୍ସନ ୮୦ସି ଅଧୀନରେ ଏହି ଯୋଜନାରେ ଆୟକର ରିହାତି ମିଳିଥାଏ । ଇକ୍ୱିଟି ଲିଙ୍କ୍ଡ ସେଭିଙ୍ଗ୍ସ ସ୍କିମକୁ ଉଭୟ ଏସଆଇପି ଏବଂ ଲମ୍ପ୍ ସମ୍ ଉପାୟରେ ନିବେଶ କରିହୁଏ । ଏଥିରେ ଅର୍ଥ ନିବେଶ କଲେ ତିନି ବର୍ଷ ପୂର୍ବରୁ ଅର୍ଥ କାଢ଼ିହେବ ନାହିଁ । ଅନ୍ୟ ଆୟକର ରିହାତି ଯୋଜନାଠାରୁ ଏହି ଯୋଜନାରେ ସବୁଠାରୁ କମ ସମୟସୀମାରେ ନିବେଶକାରୀ ଅର୍ଥ କାଢ଼ିପାରିବେ । ଇକ୍ୱିଟି ଲିଙ୍କ୍ଡ ସେଭିଙ୍ଗ୍ସ ସ୍କିମ୍କୁ ଗୋଟିଏ ଭଲ ଆୟକର ରିହାତି ଉପାୟ ଭାବେ ବିଚାର କରାଯାଇଥାଏ ।

ଅନ୍ୟ ଆୟକର ରିହାତି ଯୋଜନା ସହିତ ତୁଳନା

ଇକ୍ୱିଟି ଲିଙ୍କ୍ଡ ସେଭିଙ୍ଗ୍ସ ସ୍କିମ୍କୁ ଅନ୍ୟ କିଛି ଲୋକପ୍ରେମୀ ଯୋଜନାଗୁଡ଼ିକ ସହ ନିମ୍ନରେ ତୁଳନା କରାଯାଇଛି ।

ବିଭିନ୍ନ ଆୟକର ରିହାତି ଯୋଜନା ଉପରେ ତୁଳନା

ନିବେଶିତ ଯୋଜନା	ପାଖାପାଖି ଶତକଡ଼ା ଲାଭ	ଟଙ୍କା ଉଠେଇବାର ସମୟ ସୀମା	ଲାଭରେ ଆୟକର ପଡ଼ିବ କି ?
ପଞ୍ଚ ବାର୍ଷିକ ବ୍ୟାଙ୍କ ଫିକ୍ସଡ଼ ଡିପୋଜିଟ	୬ - ୭ %	୫ ବର୍ଷ ପରେ ଉଠେଇ ହବ	ହଁ
ସାର୍ବଜନିକ ଭବିଷ୍ୟନିଧି ଯୋଜନା (PPF)	୭ - ୮ %	୧୫ ବର୍ଷ	ନାଁ
ନ୍ୟାସନାଲ ସେଭିଙ୍ଗ୍ସ ସାର୍ଟିଫିକେଟ (NSC)	୭ - ୮ %	୫ ବର୍ଷ	ହଁ
ନ୍ୟାସନାଲ ପେନ୍ସନ ସ୍କିମ (NPS)	୮ - ୧୦ %	ଅବସର ପରେ ଉଠାଇହେବ	ଆଂଶିକ
ଇକ୍ୱିଟି ଲିଙ୍କ୍ଡ ସେଭିଙ୍ଗ୍ସ ସ୍କିମ୍ (ELSS)	୧୫ - ୧୮ %	୩ ବର୍ଷ	ଆଂଶିକ

ଆହୁରି ଦେଖନ୍ତୁ

• ମ୍ୟୁଚୁଆଲ ଫଣ୍ଡ
• ସାର୍ବଜନିକ ଭବିଷ୍ୟନିଧି ଯୋଜନା
• ଶେୟାର ବଜାର