ଆୟେଶା ଟକିଆ

‌ଆୟେଶା ଟକିଆ‌ (ଜନ୍ମ: ୧୦ ଏପ୍ରିଲ ୧୯୮୬) ଜଣେ ଭାରତୀୟ କଥାଚିତ୍ର ଅଭିନେତ୍ରୀ । ଆୟେଶା ମୁଖ୍ୟତଃ ହିନ୍ଦୀ କଥାଚିତ୍ରରେ ଅଭିନୟ କରିଛନ୍ତି । ୨୦୦୪ରେ ଆୟେଶା ହିନ୍ଦୀ କଥାଚିତ୍ର ‌ଟାର୍ଜନ୍- ଦ ୱାଣ୍ଡର କାର‌ ଜରିଆରେ ଅଭିନୟ ଜଗତରେ ପ୍ରବେଶ କରିଥିଲେ । ଏହି ଚଳଚ୍ଚିତ୍ର ପାଇଁ ତାଙ୍କୁ ଫିଲ୍ମ‌ଫେୟାରରେ ଶ୍ରେଷ୍ଠନବାଗତା ପୁରସ୍କାର ମିଳିଥିଲା । ଏହାପରେ ୨୦୦୬ରେ ଆୟେଶାଙ୍କ ଅଭିନୀତ ସଫଳତମ ଚଳଚ୍ଚିତ୍ର ଥିଲା ‌ଦୋର୍‌ ଏବଂ ୨୦୦୯ରେ ସଲମାନ ଖାଁଙ୍କ ସ‌ହ ୱାଣ୍ଟେଡ୍ ।

ଆୟେଶା ଟକିଆ
୨୦୧୩ରେ ମୁମ୍ବାଇ ବିମାନବନ୍ଦରରେ ଆୟେଶା ।
ଜନ୍ମ	ଆୟେଶା ଟକିଆ (1986-04-10) ୧୦ ଅପ୍ରେଲ ୧୯୮୬ ମୁମ୍ବାଇ, ମହାରାଷ୍ଟ୍ର, ଭାରତ
ବୃତ୍ତି(ସମୂହ)	ଅଭିନେତ୍ରୀ, ମଡେଲ
ସକ୍ରିୟ ବର୍ଷ	୨୦୦୪ – ୨୦୧୩
ବୈବାହିକ-ସାଥୀ	ଫରହାନ ଆଜ୍‌ମି (୨୦୦୯- ଏବେଯାଏଁ)
ସନ୍ତାନ	ମିକାଇଲ ଆଜ୍‌ମି
ପିତାମାତା(s)	ଫରିଦା ଟକିଆ, ନିଶିତ ଟକିଆ

ପ୍ରାରମ୍ଭିକ ଜୀବନ ଏବଂ ମଡେଲିଂ

ଆୟେଶା ୧୦ ଏପ୍ରିଲ ୧୯୮୬ରେ ମୁମ୍ବାଇରେ ଜନ୍ମଗ୍ରହଣ କରିଥିଲେ । ତାଙ୍କ ପିତାମାତା ଥିଲେ ଫରିଦା ଟକିଆ ଏବଂ ନିଶିଥ ଟକିଆ । ଆୟେଶା ୧୫ ବର୍ଷ ବୟସରେ ମଡେଲିଂରେ ଯୋଗ ଦେଇଥିଲେ । ସେ ‌କମ୍ଲାନ୍‌‌ର ଏକ ବିଜ୍ଞାପନରେ ପ୍ରଥମେ ସୁଯୋଗ ପାଇଥିଲେ । ଏହାପରେ ସେ ଫାଲଗୁନି ପାଠକଙ୍କ ମେରି ଚୁନର୍ ଉଡ଼୍ ଉଡ଼୍ ଯାଏ ଗୀତରେ ଅଭିନୟ କରିଥିଲେ । ପରେ ଅଭିନେତା କେଇଥ୍ ସେକ୍ୟୁଇରାଙ୍କ ସ‌ହ ଏକ ଗୀତ ଶକେ ଇଟ୍ ଡ୍ୟାଡି‌ରେ ଅଭିନୟ କରିଥିଲେ । ଏହି ଗୀତରେ ଆୟେଶାଙ୍କର ଅଭିନୟ ତାଙ୍କୁ ହିନ୍ଦୀ କଥାଚିତ୍ରରେ କାମ ଦେବାରେ ସାହାଯ୍ୟ କରିଥିଲା । ସେତେବେଳେ ଆୟେଶାଙ୍କୁ ‌ସୋଚା ନା ଥା‌ ଏବଂ ପରେ ‌ଟାର୍ଜନ୍- ଦ ୱାଣ୍ଡର କାର‌ରେ ସୁଯୋ ମିଳିଥିଲା । ମାତ୍ର ‌ଟାର୍ଜନ- ଦ ୱାଣ୍ଡର କାର‌ ପ୍ରଥମେ ମୁକ୍ତିଲାଭ କରିଥିଲା, ଯାହାକି ଆୟେଶାଙ୍କର ପ୍ରଥମ ଅଭିନୀତ ଚଳଚ୍ଚିତ୍ର ଥିଲା ।

ଅଭିନୟ ଜୀବନ

ଆୟେଶାଙ୍କର ପ୍ରଥମ ହିନ୍ଦୀ ଚଳଚ୍ଚିତ୍ର ଟାର୍ଜନ- ଦ ୱାଣ୍ଡର କାର୍‌ରେ ୨୦୦୪ରେ ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ରଟି ବ୍ୟବସାୟିକ ସଫଳ ହୋଇଥିଲା । ଏହି ଚଳଚ୍ଚିତ୍ର ପାଇଁ ଆୟେଶାଙ୍କୁ ୫୦ତମ ଫିଲ୍ମ‌ଫେୟାର ଆୱାର୍ଡ଼ ଏବଂ ଆନ୍ତର୍ଜାତୀୟ ଭାରତୀୟ ଚଳଚ୍ଚିତ୍ର ପୁରସ୍କାର ଉତ୍ସବରେ ଶ୍ରେଷ୍ଠ ନବାଗତା ପୁରସ୍କାର ମିଳିଥିଲା ।

ଏହପରେ ଆୟେଶ କିଛି ହିନ୍ଦୀ ଚଳଚ୍ଚିତ୍ରରେ ଅଭିନୟ କରିଥିଲେ, ମାତ୍ର ସେସବୁ ସଫଳ ହୋଇପାରିନଥିଲା । ଏହାପରେ ୨୦୦୬ରେ ଆୟେଶାଙ୍କ ଅଭିନୀତ କଥାଚିତ୍ର ‌ଦୋର୍‌ ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ରଟି ସ୍ୱଳ୍ପ ବ୍ୟୟରେ ନିର୍ମିତ ହୋଇଥିଲା ଏବଂ ଅନେକ ସଫଳତା ପାଇଥିଲା । ଏହି ଚଳଚ୍ଚିତ୍ରରେ ଆୟେଶା ଜଣେ ଯୁବା ବିଧବା ରାଜସ୍ତାନୀ ମହିଳା ଭାବରେ ଅଭିନୟ କରିଥିଲେ । ଏହି ଚଳଚ୍ଚିତ୍ର ପାଇଁ ସେ ଜୀ ସିନେ ଆୱାର୍ଡ଼‌ରେ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଥିଲେ ।

ହିନ୍ଦୀ କଥାଚିତ୍ର ବ୍ୟତୀତ ଆୟେଶା ୨୦୦୫ରେ ତେଲୁଗୁ ଚଲଚ୍ଚିତ୍ର ‌ସୁପର‌ରେ ଅଭିନେତା ଅକ୍କିନେନି ନାଗାର୍ଜୁନ, ସୋନୁ ଶୁଦ୍ ଏବଂ ଅନୁଷ୍କା ସେଟ୍ଟିଙ୍କ ସ‌ହ ଅଭିନୟ କରିଥିଲେ । ଏହି ଚଳଚ୍ଚିତ୍ର ପାଇଁ ଆୟେଶାଙ୍କୁ ଦକ୍ଷିଣ ଭାରତୀୟ ଫିଲ୍ମ‌ଫେୟାରରେ ଶ୍ରେଷ୍ଠ ଅଭିନେତ୍ରୀ ଭାବରେ ମନୋନୀତ କରାଯାଇଥିଲା । ଏହାପରେ ୨୦୦୯ରେ ଆୟେଶା ଅଭିନେତା ସଲାମାନ ଖାଁଙ୍କ ସ‌ହ ମହେଶ ବାବୁଙ୍କ ତେଲୁଗୁ ଚଳଚ୍ଚିତ୍ର ‌ପୋକିରୀ‌ର ପୁନଃନିର୍ମାଣରେ ଅଭିନୟ କରିଥିଲେ । ଏହି ଚଳଚ୍ଚିତ୍ରଟି ବ୍ୟବସାୟିକ ସଫଳ ହୋଇଥିଲା ଏବଂ ସେହିବର୍ଷର ଆୟରେ ୩ୟ ଚଳଚ୍ଚିତ୍ର ଥିଲା । ଏହି ଚଳଚ୍ଚିତ୍ରରେ ଆୟେଶାଙ୍କର ଅଭିନୟ ପାଇଁ ତାଙ୍କୁ ସମୀକ୍ଷକମାନେ ସାକାରାତ୍ମକ ମନ୍ତବ୍ୟ ଦେଇଥିଲେ ।

୨୦୧୧ରେ ଆୟେଶାଙ୍କ ଅଭିନୀତ ହିନ୍ଦୀ କଥାଚିତ୍ର ‌ମୋଡ଼୍‌‌ ଚଳଚ୍ଚିତ୍ର ଉତ୍ତମ ବ୍ୟବସାୟ କରିଥିବା ବେଳେ ସଫଳ ହୋଇଥିଲା । ୨୦୧୨ରେ ଆୟେଶା ଏକ ସଙ୍ଗୀତ ଭିତ୍ତିକ କାର୍ଯ୍ୟକ୍ରମ ‌ସୁର-କ୍ଷେତ୍ର‌ରେ ଉପସ୍ଥାପିକା ଭାବରେ କାର୍ଯ୍ୟ କରିଥିଲେ ।

ବୈବାହିକ ଜୀବନ ଏବଂ ସମାଜସେବା

ଆୟେଶା ୨୦୦୯ରେ ଫରହାନ ଆଜ୍‌ମିଙ୍କୁ ବିବାହ କରିଥିଲେ । ସେ ସାମାଜିକ ଗଣମାଧ୍ୟମ ଟୁଇଟରେ ସର୍ବଦା ସକ୍ରିୟ ଥାନ୍ତି ଏବଂ ବନ୍ୟଜନ୍ତୁଙ୍କ ସୁରକ୍ଷା ପାଇଁ କାର୍ଯ୍ୟ କରୁଛନ୍ତି । ଆୟେଶାଙ୍କର ଗୋଟିଏ ପୁଅ ଅଛି । ବଳାତ୍କାରୀକୁ ଫାଶୀଦଣ୍ଡ ଦାବି କରି ୨୦୧୪ ଏପ୍ରିଲରେ ଆୟେଶା ତାଙ୍କର ଶ୍ୱଶୁର ସମାଜବାଦୀ ପାର୍ଟିର ନେତା ଆବୁ ଆଜ୍‌ମିଙ୍କର ନିନ୍ଦା କରିଥିଲେ ।

ଆୟେଶା ବନ୍ୟଜନ୍ତୁଙ୍କର ସୁରକ୍ଷା ପାଇଁ ଏକ ବିଜ୍ଞାପନର ସୁଟିଂ ବେଳେ ନିଜକୁ ଶାକାହାରୀ ବୋଲି ଦର୍ଶାଇଥିଲେ ।

ଅଭିନୀତ କଥାଚିତ୍ର

• ୨୦୦୪: ଟାର୍ଜନ- ଦ ୱାଣ୍ଡର କାର
• ୨୦୦୪: ଦିଲ୍ ମାଙ୍ଗେ ମୋର୍
• ୨୦୦୪: ସୋଚା ନା ଥା
• ୨୦୦୫: ଶାଦି ନଂ ୧
• ୨୦୦୫: ସୁପର୍ (ତେଲୁଗୁ)
• ୨୦୦୫: ହୋମ ଡେଲିଭରି
• ୨୦୦୬: ଶାଦି ସେ ପେହେଲେ
• ୨୦୦୬: ୟୁଁ ହୋତା ତୋ କ୍ୟା ହୋତା
• ୨୦୦୬: ଡୋର୍
• ୨୦୦୭: ସଲାମ୍-ଏ-ଇସ୍କ
• ୨୦୦୭: କ୍ୟା ଲଭ୍ ଷ୍ଟୋରୀ ହୈ
• ୨୦୦୭: ଫୁଲ୍ ଆଣ୍ଡ ଫାଇନାଲ୍
• ୨୦୦୭: କ୍ୟାସ୍
• ୨୦୦୭: ବ୍ଲଡ୍ ବ୍ରଦର୍ସ
• ୨୦୦୭: ନୋ ସ୍ମୋକିଙ୍ଗ୍
• ୨୦୦୮: ସଣ୍ଡେ
• ୨୦୦୮: ଦେ ତାଲି
• ୨୦୦୯: ୱାଣ୍ଟେଡ୍
• ୨୦୧୦: ପାଠଶାଳା
• ୨୦୧୧: ମୋଡ଼୍
• ୨୦୧୩: ଆପ୍ କେଲିଏ ହମ୍

ଅଧିକ ତ‌ଥ୍ୟ

• ଇଣ୍ଟରନେଟ ମୁଭି ଡାଟାବେସରେ ଆୟେଶା ଟକିଆ