ଅରୁଣ କୁମାର ସାହୁ (ଭାରତୀୟ ବୈଦେଶିକ ସେବା)

ଅରୁଣ କୁମାର ସାହୁ ଜଣେ ଭାରତୀୟ ବୈଦେଶିକ ସେବା ଅଧିକାରୀ । ବର୍ତ୍ତମାନ ସେ ଭାରତର ରାଷ୍ଟ୍ରଦୂତ ଭାବରେ ବୁଲଗେରିଆଠାରେ କାର୍ଯ୍ୟରତ । ବୈଦେଶିକ ସେବା ଭିନ୍ନ, ଜଣେ ସାହିତ୍ୟିକ ଭାବରେ ମଧ୍ୟ ତାଙ୍କର ପରିଚିତି ରହିଛି ।

ଅରୁଣ କୁମାର ସାହୁ
ଜନ୍ମ	ଅରୁଣ କୁମାର ସାହୁ (1968-08-14)୧୪ ଅଗଷ୍ଟ ୧୯୬୮ ପାଲୁଣିପଡ଼ା, ତିଳେଇବଣି, ଦେବଗଡ଼
ଜାତୀୟତା	ଭାରତୀୟ
ଶିକ୍ଷାନୁଷ୍ଠାନ	ରେଭେନ୍ସା ମହାବିଦ୍ୟାଳୟ
ପ୍ରସିଦ୍ଧି	ଭାରତୀୟ ବୈଦେଶିକ ସେବା ଅଧିକାରୀ
ପିତାମାତା	ବନମାଳୀ ସାହୁ, ସରୋଜିନୀ ସାହୁ

ବୈଦେଶିକ ସେବା

ଅରୁଣ, ୧୯୯୬ ମସିହାରେ ଭାରତୀୟ ବୈଦେଶିକ ସେବାରେ ଯୋଗଦାନ କରିଥିଲେ । ସେ ବେଜିଂ, ଲଣ୍ଡନ, ତେହେରାନ, କାନାଡ଼ା ଆଦି ସ୍ଥାନରେ କାମ କରିଛନ୍ତି । ସେ ଭାରତୀୟ୍ ସାଂସ୍କୃତିକ ସମ୍ବନ୍ଧ ପରିଷଦର (ଆଇସିସିଆର) ଉପ-ମହାନିର୍ଦ୍ଦେଶକ ଓ ବିଦେଶ ମନ୍ତ୍ରଣାଳୟର ଯୁଗ୍ମ ସଚିବ ଭାବର କାର୍ଯ୍ୟ କରିଛନ୍ତି । ସେ ତ୍ରିନିଦାଦ ଆଣ୍ଡ ଟୋବାଗୋରେ ଭାରତର ରାଷ୍ତ୍ରଦୂତ ଭାବରେ ମଧ୍ୟ କାର୍ଯ୍ୟ କରିଛନ୍ତି । ୨୦୨୪ ମସିହା ଡିସେମ୍ବର ମାସରେ ସେ ବୁଲଗେରିଆରେ ଭାରତର ରାଷ୍ଟ୍ରଦୂତ ଭାବରେ ନିଯୁକ୍ତ ହୋଇଥିଲେ ।

ବ୍ୟକ୍ତିଗତ ଜୀବନ

ଅରୁଣ, ୧୯୬୮ ମସିହା ଅଗଷ୍ଟ ୧୪ ତାରିଖରେ ଦେବଗଡ଼ ଅନ୍ତର୍ଗତ ଆଦିବାସୀ ଅଧ୍ୟୁଷିତ ତିଳେଇବଣି ବ୍ଲକର ପାଲୁଣିପଡ଼ା ଗ୍ରାମରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଡାକ୍ତର ବନମାଳୀ ସାହୁ ଓ ମାତାଙ୍କ ନାମ ସରୋଜିନୀ ସାହୁ । ପିତା ବନମାଳୀ ସାହୁ ଦୁର୍ଗମ ଅଞ୍ଚଳରେ ଲୋକଙ୍କର ସ୍ୱାସ୍ଥ୍ୟସେବାରେ ବ୍ରତୀ ଥିଲେ । ଦୁର୍ଗମ ଅଞ୍ଚଳ ଯୋଗୁ, ପିଲାଦିନେ ଅରୁଣଙ୍କ ଶିକ୍ଷାଦିକ୍ଷାରେ ଅସୁବିଧା ହେଉଥିଲା । ପ୍ରାଥମିକ ଶିକ୍ଷା ସ୍ଥାନୀୟ ସ୍କୁଲର ସମାପ୍ତ କରି ସେ ସମ୍ବଲପୁରର ଚନ୍ଦ୍ରଶେଖର ବେହେରା ଜିଲ୍ଲା ସ୍କୁଲ ଓ ରେଭେନ୍‌ସା କଲିଜିଏଟ ସ୍କୁଲରୁ ବିଦ୍ୟାଳୟ ଶିକ୍ଷା ହାସଲ କରିଥିଲେ । ପରେ ସେ ରେଭେନ୍ସା ମହାବିଦ୍ୟାଳୟ ଓ ଜବାହରଲାଲ ନେହେରୁ ବିଶ୍ୱବିଦ୍ୟାଳୟରୁ ଉଚ୍ଚଶିକ୍ଷା ଲାଭ କରିଥିଲେ ।

ପିତା ବନମାଳୀ ସାହୁଙ୍କ ସ୍ମୃତିରେ ଅରୁଣ, ବିଦ୍ୟାଳୟ ଛାତ୍ରଛାତ୍ରୀଙ୍କ ପାଇଁ ପ୍ରତିବର୍ଷ ରାଜ୍ୟସ୍ତରୀୟ ଡକ୍ଟର ବନମାଳୀ ସାହୁ ସ୍ମାରକୀ ଓଡ଼ିଆ ପ୍ରବନ୍ଧ ପ୍ରତିଯୋଗିତା ଆୟୋଜନ କରି, କୃତି ଛାତ୍ରଛାତ୍ରୀଙ୍କୁ ପୁରସ୍କୃତ କରିଥାନ୍ତି ।

ରଚନାବଳୀ

ଗଦ୍ୟ

• ଯାଯାବରର ଯାତ୍ରା
• ବିଶ୍ୱ ଇତିହାସର ଯୁଦ୍ଧ
• ଆକାଶର ଲୁହ
• ଚିରା ମଲାଟ

ପଦ୍ୟ

• ଶୂନ୍ୟର ସନ୍ତୁଳନ

ଇଂରାଜୀ ଭାଷାରେ

• ଇରୁଆନା ଆଣ୍ଡ ଅଦର ପୋଏମ୍ସ
• ତ୍ରିନିଦାଦ ଆଣ୍ଡ ଟୋବାଗୋ : ଏ ଡିପ୍ଲୋମାଟ୍ସ କଲ୍ଚରାଲ ଏକ୍ସପେଡିସନ