ଅମରେନ୍ଦ୍ର ମାଧବ ଦାଶ

ଅମରେନ୍ଦ୍ର ମାଧବ ଦାଶ (ଜନ୍ମ: ୧୯୭୮) ଜଣେ କବି । ସେ ନିଜ କାବ୍ୟଗ୍ରନ୍ଥ "କାନ୍ଦ କାନ୍ଦ ମଣିଷ" ପାଇଁ ଓଡ଼ିଶା ସାହିତ୍ୟ ଏକାଡେମୀ "ଯୁବ ପୁରସ୍କାର" ଲାଭ କରିଛନ୍ତି ।

ଅମରେନ୍ଦ୍ର ମାଧବ ଦାଶ
ଜନ୍ମ	୧୯୭୮ ତାଳଚେର, ଅନୁଗୋଳ
ଜାତୀୟତା	ଭାରତୀୟ

ଅମରେନ୍ଦ୍ର, ୧୯୭୮ମସିହାରେ ଅନୁଗୋଳ ଜିଲ୍ଲାର ତାଳଚେରରେ ଜନ୍ମଗ୍ରହଣ କରିଥିଲେ । ଚତୁର୍ଥ/ପଞ୍ଚମ ଶ୍ରେଣୀରେ ପଢ଼ିବା ବେଳରୁ ସେ କବିତା ଲେଖିବା ଆରମ୍ଭ କରିଥିଲେ । ଅଷ୍ଟମ ଶ୍ରେଣୀରେ ପଢ଼ିବା ବେଳକୁ ସ୍କୁଲ ପତ୍ରିକା "ବ୍ରାହ୍ମୀ"ରେ ତାଙ୍କର କବିତା ପ୍ରକାଶ ପାଇଥିଲା । ଯୁକ୍ତ ଦୁଇ ପଢିଲାବେଳକୁ କଲେଜ ପତ୍ରିକାରେ ପ୍ରକାଶ ପାଇଥିଲା କବିତା "ଫେରିଆସ ବାପୁ" । ଏହି କବିତା ତାଙ୍କୁ କଲେଜ ତଥା ତାଳଚେର ସହରରେ "କବି"ର ପରିଚିତି ଆଣିଦେଇଥିଲା ।

କବିତାଗ୍ରନ୍ଥ

• ତୋ ପାଇଁ(୨୦୦୬)
• ଢେର ରାତି ହେଲାଣୀ(୨୦୧୦)
• କାନ୍ଦ କାନ୍ଦ ମଣିଷ(୨୦୧୩)
• ଚିତ୍ର ଆଙ୍କୁଥିବା ପୁଅ(୨୦୧୪)
• ଶବ୍ଦ(୨୦୧୭)
• ଅଯୋଧ୍ୟା ୨୦୨୧

ସମ୍ମାନ ଓ ପୁରସ୍କାର

• ଯୁବ ପୁରସ୍କାର(ଓଡ଼ିଶା ସାହିତ୍ୟ ଏକାଡେମୀଦ୍ୱାରା ପ୍ରଦତ୍ତ)