ସ୍ପାଇନା ବାଇଫିଡା
ସ୍ପାଇନା ବାଇଫିଡା, (ଲାଟିନ ଭାଷାରେ ଏହାର ଅର୍ଥ ଦ୍ୱିଖଣ୍ଡିତ ମେରୁହାଡ଼) ଏକ ଜନ୍ମଗତ ରୋଗ ଯେଉଁଥିରେ ମେରୁଅସ୍ଥି ଓ ମେରୁଦଣ୍ଡ ଆବରଣର ପୃଷ୍ଠଭାଗ ସଂପୂର୍ଣ୍ଣ ଭାବେ ଆଚ୍ଛାଦିତ ହୋଇନଥାଏ । ଏହା ତିନି ପ୍ରକାର ଦେଖାଯାଏ: ସ୍ପାଇନା ବାଇଫିଡା ଓକଲ୍ଟା, ମେନିଙ୍ଗୋସିଲ ଓ ମାୟେଲୋମେନିଙ୍ଗୋସିଲ । [୧] ଏହା ଅଣ୍ଟାରେ ଦେଖାଯାଏ କିନ୍ତୁ ମଝି ପିଠି ଓ ବେକରେ ମଧ୍ୟ ଦେଖାଯାଇପାରେ । [୨] ଓକଲ୍ଟା ରୋଗରେ ଲକ୍ଷଣ ନ ଥାଏ ବା ସାମାନ୍ୟ ଥାଏ । [୩] ଏହି ରୋଗ ଥିବା ସ୍ଥାନ ଦବିଯାଇଥାଏ, ସେଠାରେ କିଛି ରୁମ ଉଠିଥାଏ, କଳା ଦାଗ ଥାଏ ବା ମେରୁ ହାଡ଼ ତ୍ରୁଟି ଥିବା ସ୍ଥାନରେ ଫୁଲା ଥାଏ । ତୃଟି ଥିବା ସ୍ଥାନରେ ଗୋଟିଏ ତରଳ ପଦାର୍ଥ ଥିବା ମୁଣା ଦେଖାଯାଉଥିଲେ ତାହାକୁ ମେନିଙ୍ଗୋସିଲ କୁହାଯାଏ । [୧] ମାୟେଲୋମେନିଙ୍ଗୋସିଲ ଥିଲେ ସମସ୍ୟା ଗମ୍ଭୀର ହୁଏ । ଚାଲିବାରେ ଅକ୍ଷମତା, ଝାଡ଼ା ପରିସ୍ରା କରିବାରେ ସମସ୍ୟା, ହାଇଡ୍ରୋକେଫାଳସ, ସଂଯୁକ୍ତ ମେରୁଦଣ୍ଡ ଓ ଲାଟେକ୍ସ ଆଲର୍ଜି ଇତ୍ୟାଦି ଅସୁବିଧା ହୁଏ । [୪] ପ୍ରଶିକ୍ଷଣ ଅସୁବିଧା କ୍ୱଚିତ ହୁଏ । [୪]
| ସ୍ପାଇନା ବାଇଫିଡା | |
|---|---|
 ସ୍ପାଇନା ବାଇଫିଡା ରୋଗ ଥିବା ଏକ ପିଲାର ଛବି । | |
| ଶ୍ରେଣୀବିଭାଗ ଓ ବାହାର ସ୍ରୋତ | |
| ସ୍ପେଶାଲିଟି | Pediatrics, neurosurgery |
| ଆଇସିଡ଼ି-୧୦ | Q05., Q76.0 |
| ଆଇସିଡ଼ି-୯-ସିଏମ୍ | 741, 756.17 |
| ଓଏମ୍ଆଇଏମ୍ | 182940 |
| ରୋଗ ଡାଟାବେସ | 12306 |
| ଇ-ମେଡ଼ିସିନ | orthoped/557 |
| Patient UK | ସ୍ପାଇନା ବାଇଫିଡା |
| MeSH | C10.500.680.800 |
ଜେନେଟିକ ଓ ପରିବେଶ ପ୍ରଭାବରୁ ସ୍ପାଇନା ବାଇଫିଡା ରୋଗ ହେବା ସନ୍ଦେହ କରାଯାଏ ।[୫] ପିତାମାତାଙ୍କ ମଧ୍ୟରୁ ଯଦି ଜଣକର ବା ଯଦି ତାଙ୍କର ଗୋଟିଏ ଛୁଆର ଏହି ରୋଗ ଥାଏ ତେବେ ପରବର୍ତ୍ତୀ ଛୁଆର ଏହି ରୋଗ ସମ୍ଭାବନା ୪ % ଥାଏ । [୬] ଗର୍ଭାବସ୍ଥାରେ ଯଥେଷ୍ଟ ଫୋଲେଟ ନ ମିଳିବା ମଧ୍ୟ ଏକ ଉଲ୍ଲେଖନୀୟ କାରଣ ହୋଇପାରେ । [୫] ସଙ୍କଟଦାୟୀ କାରକ ମଧ୍ୟରେ କେତେକ ବାତ ନିରୋଧକ ଔଷଧ (antiseizure medications), ମୋଟାପା ଓ ଅନୁପଯୁକ୍ତ ଡାଏବେଟିସ ଚିକିତ୍ସା ଉଲ୍ଲେଖାଯୋଗ୍ୟ । [୬] ଛୁଆ ଜନ୍ମ ପୂର୍ବରୁ ବା ପରେ ରୋଗ ନିର୍ଣ୍ଣୟ କରାଯାଏ । ରକ୍ତ ପରୀକ୍ଷାରେ ବା ଆମିନୋସେଣ୍ଟେସିସ ପରୀକ୍ଷାରେ ଆଲଫା-ଫେଟୋପ୍ରୋଟିନ (ଏଏଫପି) ସ୍ତର ଅଧିକ ଥିଲେ ସ୍ପାଇନା ବାଇଫିଡା ଥିବା ସମ୍ଭାବନା ଥାଏ । ଅଲ୍ଟ୍ରାସାଉଣ୍ଡ ପରୀକ୍ଷାଦ୍ୱାରା ରୋଗ ଚିହ୍ନଟ ହୋଇପାରେ ଓ ଜନ୍ମ ପରେ ମେଡିକାଲ ଇମେଜିଙ୍ଗ କରି ରୋଗ ନିଧାର୍ଯ୍ୟ କରାଯାଏ ।[୩] ନିଉରାଲ ଟ୍ୟୁବ ତୃଟି ଯୋଗୁ ଏହି ରୋଗ ଦେଖାଯାଏ ଯେପରିକି ଆନେନକେଫାଲି ଓ ଏନକେଫାଲୋସିଲ ରୋଗ ସମାନ ଧରଣର ତୃଟିରୁ ହୋଇଥାଏ ।[୭]
ମହିଳାଙ୍କୁ ଗର୍ଭ ଧାରଣ ପୂର୍ବରୁ ଓ ଗର୍ଭାବସ୍ଥାରେ ଯଥେଷ୍ଟ ଫୋଲେଟ ଦେଲେ ଏହି ରୋଗକୁ ପ୍ରତିରୋଧ କରିହୁଏ ।[୫] ଅଟାରେ ଫୋଲିକ ଏସିଡ ମିଶେଇଲେ ଉପାଦେୟ ହୁଏ ।[୮] ଖୋଲା ସ୍ପାଇନା ବାଇଫିଡା ଥିଲେ ଅପରେସନ କରି ଜନ୍ମ ପୂର୍ବରୁ ବା ପରେ ତାହାକୁ ବନ୍ଦ କରିଦିଆଯାଇପାରିବ । ସଂଯୁକ୍ତ ମେରୁଦଣ୍ଡକୁ ଅପରେସନ କରି ମରାମତ କରାଯାଏ ଓ ହାଇଡ୍ରୋକେଫାଲସ ଥିଲେ ସଣ୍ଟ ଦିଆଯାଏ । ଚଳତଶକ୍ତି ଅଭାବ ଥିଲେ କ୍ରଚେସ ବା ହୁଇଲଚେୟାର ବ୍ୟବହାର କରାଯାଏ । ପରିସ୍ରା କରିହେଉନଥିଲେ ପରିସ୍ରା କାଥେଟର ଦିଆଯାଏ । [୯]
ପ୍ରାୟ ୫ % ଲୋକଙ୍କର ସ୍ପାଇନା ବାଇଫିଡା ଥାଏ ।[୧୦] ବିଭିନ୍ନ ଦେଶରେ ଅନ୍ୟ ପ୍ରକାରର ସ୍ପାଇନା ବାଇଫିଡା ହାର ଅଲଗା ହୁଏ, ପ୍ରତି ଏକ ହଜାରରେ ୦.୧ରୁ ୫ ଜଣଙ୍କର ଥାଏ ।[୧୧] ବିକଶିତ ଦେଶରେ ଜନ୍ମ ସମୟରେ ପ୍ରତି ୧୦୦୦ରେ ୦.୪ ଛୁଆର ଏହି ରୋଗ ଥାଏ ।[୧୨] ଆମେରିକାରେ ପ୍ରତି ୧୦୦୦ ଛୁଆରେ ୦.୭ ଜଣଙ୍କର ଏହି ରୋଗ ଥାଏ, [୬] ଓ ଭାରତରେ ପ୍ରତି ଏକ ହଜାର ଜନ୍ମରେ ୧.୯ ଜଣଙ୍କର ଏହି ରୋଗ ଥାଏ ।[୧୩] ଏହି ପାର୍ଥକ୍ୟ କକେଶିଆନ ବଂଶ ଯୋଗୁ ଓ ଆଂଶିକ ଭାବେ ପାରିପାର୍ଶ୍ୱିକ ପ୍ରଭାବ ଯୋଗୁ ହେଉଥିବା ବିଶ୍ୱାସ କରାଯାଏ ।[୧୪]
ଆଧାର
ସମ୍ପାଦନା- ↑ ୧.୦ ୧.୧ "Spina Bifida: Condition Information". 2012-11-30.
- ↑ Deming, Laura (2011). Pediatric life care planning and case management (2nd ed.). Boca Raton, FL: CRC Press. p. 392. ISBN 9781439803585.
- ↑ ୩.୦ ୩.୧ "How do health care providers diagnose spina bifida?". 2012-11-30. Retrieved 8 May 2015.
- ↑ ୪.୦ ୪.୧ "Are there disorders or conditions associated with spina bifida?". 2012-11-30. Retrieved 8 May 2015.
- ↑ ୫.୦ ୫.୧ ୫.୨ "What causes spina bifida?". 2012-11-30. Retrieved 8 May 2015.
- ↑ ୬.୦ ୬.୧ ୬.୨ "How many people are affected by or at risk for spina bifida?". 2012-11-30. Retrieved 8 May 2015.
- ↑ "Neural Tube Defects (NTDs): Overview". 04/03/2013. Retrieved 8 May 2015.
{{cite web}}: Check date values in:|date=(help) - ↑ Castillo-Lancellotti, C; Tur, JA; Uauy, R (May 2013). "Impact of folic acid fortification of flour on neural tube defects: a systematic review". Public health nutrition. 16 (5): 901–11. PMID 22850218.
- ↑ "What are the treatments for spina bifida & related conditions?". 2012-11-30. Retrieved 8 May 2015.
- ↑ Sandler, AD (August 2010). "Children with spina bifida: key clinical issues". Pediatric clinics of North America. 57 (4): 879–92. PMID 20883878.
- ↑ M. Memet Ö̈zek (2008). Spina bifida : management and outcome. Milan: Springer. p. 58. ISBN 9788847006508.
- ↑ Kondo, A; Kamihira, O; Ozawa, H (January 2009). "Neural tube defects: prevalence, etiology and prevention". International journal of urology : official journal of the Japanese Urological Association. 16 (1): 49–57. PMID 19120526.
- ↑ Bhide, P; Sagoo, GS; Moorthie, S; Burton, H; Kar, A (July 2013). "Systematic review of birth prevalence of neural tube defects in India". Birth defects research. Part A, Clinical and molecular teratology. 97 (7): 437–43. PMID 23873811.
- ↑ Puri, Prem (2011). Newborn surgery (3 ed.). London: Hodder Arnold. p. 811. ISBN 9781444149494.