ମଲାଇକା ଅରୋରା

ମଲାଇକା ଆରୋରା (ଜନ୍ମ: ୨୩ ଅଗଷ୍ଟ ୧୯୭୫) ଜଣେ ଭାରତୀୟ କଥାଚିତ୍ର ଅଭିନେତ୍ରୀ, ନର୍ତ୍ତକୀ, ମଡେଲ ଏବଂ ଦୂରଦର୍ଶନ ଉପସ୍ଥାପିକା । ତାଙ୍କ ଲୋକପ୍ରିୟ ନୃତ୍ୟଗୁଡ଼ିକ ହେଲା: ୧୯୯୮ର ଚାଇୟା ଚାଇୟା, ଗୁର ନାଲୋ ଇସ୍କ ମିଠା, ୨୦୦୨ର ମାହି ବେ, ୨୦୦୫ର କାଲ୍ ଧମାଲ ଏବଂ ୨୦୧୦ର ମୁନି ବଦନାମ୍ ହୁଇ । ୨୦୦୮ରେ ସେ ତାଙ୍କ ପୂର୍ବତନ ପତି ଅରବାଜ ଖାନଙ୍କ ସ‌ହ ଚଳଚ୍ଚିତ୍ର ପ୍ରଯୋଜନା ଆରମ୍ଭ କରିଥିଲେ । ତାଙ୍କ ପ୍ରଯୋଜନା ସଂସ୍ଥା ଦବଙ୍ଗ ଏବଂ ଦବଙ୍ଗ ୨ ଭଳି ସଫଳ ଚଳଚ୍ଚିତ୍ରମାନ ପ୍ରଯୋଜନା କରିଥିଲା ।

ମଲାଇକା ଆରୋରା
ତାଇୱାନ ଏକ୍ସେଲେନ୍ସ କ୍ୟାମ୍ପେନରେ ମଲାଇକା
ଜନ୍ମ	(1975-08-23) ୨୩ ଅଗଷ୍ଟ ୧୯୭୫ ଥାନେ, ମହାରାଷ୍ଟ୍ର, ଭାରତ
ଜାତୀୟତା	ଭାରତୀୟ
ବୃତ୍ତି(ସମୂହ)	ଅଭିନେତ୍ରୀ, ନର୍ତ୍ତକୀ, ମଡେଲ, ଦୂରଦର୍ଶନ ଉପସ୍ଥାପିକା
ସକ୍ରିୟ ବର୍ଷ	୧୯୯୭–ଏବେଯାଏଁ
ବୈବାହିକ-ସାଥୀ	ଅରବାଜ ଖାନ ​ ​ (m. ୧୯୯୮; div. )​
ସନ୍ତାନ	ଅରହାନ ଖାନ (ଜନ୍ମ: ୨୦୦୨)
ସମ୍ପର୍କୀୟ	ଅମ୍ରିତା ଆରୋରା (ଭଉଣୀ) ସଲମାନ ଖାଁ (ପୂର୍ବତମ ଦେଢ଼ଶୁର) ସୋହେଲ ଖାନ (ପୂର୍ବତନ ଦିଅର) ସଲିମ ଖାନ (ପୂର୍ବତନ ଶ୍ୱଶୁର)

ପ୍ରାରମ୍ଭିକ ଜୀବନ

ମଲାଇକା ୨୩ ଅଗଷ୍ଟ ୧୯୭୫ରେ ମହାରାଷ୍ଟ୍ରର ଥାନେଠାରେ ଜନ୍ମଗ୍ରହଣ କରିଥିଲେ । ସେ ୧୧ ବର୍ଷର ହୋଇଥିବା ବେଳେ ତାଙ୍କ ପିତାମାତାଙ୍କ ମଧ୍ୟରେ ବିବାହ ବିଚ୍ଛେ ହୋଇଥିଲା । ଏହାପରେ ସେ ଆଉ ତାଙ୍କ ଭଉଣୀ ତାଙ୍କ ମାଆଙ୍କ ସ‌ହ ଚେମ୍ବୁରକୁ ସ୍ଥାନାନ୍ତରିତ ହୋଇଯାଇଥିଲେ । ତାଙ୍କ ମାଆ ଜୟୋସ ପଲିକାର୍ପ ଜଣେ ମଲାୟଲମ ବାସିନ୍ଦା ଏବଂ ବାପା ଅନିଲ ଅରୋରା ଜଣେ ପଞ୍ଜାବୀ ଲୋକ ।

ସେ ଚେମ୍ବୁରର ସ୍ୱାମୀ ବିବେକାନନ୍ଦ ସ୍କୁଲରୁ ଉଚ୍ଚ ବିଦ୍ୟାଳୟ ଶିକ୍ଷା ଶେଷ କରିଥିଲେ । ଏହି ବିଦ୍ୟାଳୟରେ ତାଙ୍କ ମାଉସୀ ଅଧକ୍ଷା ଥିଲେ । ସେ ମଡେଲିଂରେ ଯୋଗ ଦେବା ପୂର୍ବରୁ ଚେମ୍ବୁରର ବୋର୍ଲା ସୋସାଇଟିରେ ବାସ କରୁଥିଲେ ।

ଅଭିନୟ ଜୀବନ

ମଲାଇକା ଆରୋରା (ବାମ) ତାଙ୍କ ଭଉଣୀ ଅମ୍ରିତାଙ୍କ ସ‌ହ ୨୦୧୨ରେ

ମଲାଇକା ଏମ୍‌ଟିଭି ଇଣ୍ଡିଆଦ୍ୱାରା ଏକ କାର୍ଯ୍ୟକ୍ରମ ଲଭ୍ ଲାଇନ୍ ଏବଂ ଷ୍ଟାଇଲ ଚେକ୍ କାର୍ଯ୍ୟକ୍ରମରେ କ୍ରାୟୁସ୍ ବ୍ରୋଅଚ୍‌ଙ୍କ ସ‌ହ ଜଣେ ସ‌ହ-ଉପସ୍ଥାପିକା ଭାବରେ ଉପସ୍ଥାପନା କରିଥିଲେ । ଏହାପରେ ମଲାଇକା ମେଡେଲିଂରେ ଯୋଗ ଦେଇଥିଲେ ଏବଂ ବିଭିନ୍ନ ବିଜ୍ଞାପନ ଏବଂ ଆଲବମ୍ ଗୀତ ମାନଙ୍କରେ ଅଭିନୟ କରିଥିଲେ ।

୨୦୦୦ ମସିହାରେ ସେ ଅନେକ ଚଳଚ୍ଚିତ୍ରରେ ଆଇଟମ ନୃତ୍ୟ କରିବା ସ‌ହ କିଛି ଚଳଚ୍ଚିତ୍ରରେ ଅତିଥି କଳାକାର ଭାବରେ ଅଭିନୟ କରିଥିଲେ । ସେ ଇଏମ୍ଆଇ ଚଳଚ୍ଚିତ୍ରରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଥିଲେ, ମାତ୍ର ଚଳଚ୍ଚିତ୍ରଟି ବ୍ୟବସାୟିକ କ୍ଷତି ସ‌ହିଥିଲା । ୨୦୧୦ରେ ସେ ତାଙ୍କର ପ୍ରଯୋଜିତ ଚଳଚ୍ଚିତ୍ର ଦବଙ୍ଗରେ ଏକ ଆଇଟମ୍ ନୃତ୍ୟ କରିଥିଲେ । ୧୨ ମାର୍ଚ୍ଚ ୨୦୧୧ରେ ୧୨୩୫ଜଣ ସ‌ହଭାଗୀଙ୍କ ସ‌ହ ମଲାଇକା ମୁନି ବଦନାମ ହୁଇ ଗୀତରେ ନୃତ୍ୟ କରି ବିଶ୍ୱ ରେକର୍ଡ଼ ସ୍ଥାପନ କରିଥିଲେ ।

ସେ ୨୦୧୨ରେ ତାଇବାନରେ ଏକ ଜିନିଷର ବିଜ୍ଞାପନରେ କାମ କରିଥିଲେ । ସେ ଡାବର ୩୦ ପ୍ଲସ୍‌ରେ ଭାଗନେଇଥିଲେ । ସେ କ‌ହିଥିଲେ କି ତାଙ୍କୁ ଅଭିନୟ କରିବା ପସନ୍ଦ ନୁହେଁ । ସେ ଅନେକ ମଞ୍ଚରେ ଅଭିନୟ ନୃତ୍ୟ କରିଛନ୍ତି ।

୨୦୧୪ରେ ସେ ଫାରା ଖାନ୍‌ଙ୍କ ନିର୍ଦ୍ଦେଶିତ ଚଳଚ୍ଚିତ୍ର ହାପି ନିଉ ଇଅରରେ ଅତିଥି କଳାକାର ଭାବରେ ଅଭିନୟ କରିଥିଲେ ।

ଦୂରଦର୍ଶନ

ମଲାଇକା ଦୂରଦର୍ଶନ ଷ୍ଟାର ୱାନରେ ପ୍ରସାରିତ କାର୍ଯ୍ୟକ୍ରମ ନାଚ ବଲିୟେରେ ତିନିଜଣ ବିଚାରକଙ୍କ ମଧ୍ୟରେ ଜଣେ ଥିଲେ । ସେ ଏହାର ପ୍ରଥମ ଏବଂ ୨ୟ ସଂସ୍କରଣର ବିଚାରିକା ଥିଲା । ଏହି କାର୍ଯ୍ୟକ୍ରମରେ ସେ ଅନେକ ଆଇଟମ ଗୀତରେ ନୃତ୍ୟ କରିଥିଲେ । ଏହାପରେ ସେ ଷ୍ଟାର ୱାନ୍‌ରେ ପ୍ରସାରିତ ଜରା ନାଚ୍‌କେ ଦିଖା କାର୍ଯ୍ୟକ୍ରମରେ ମଧ୍ୟ ବିଚାରିକା ହୋଇଥିଲେ । ୨୦୧୦ରେ ସେ ଝଲକ ଦିଖ୍‌ଲା ଜାର ବିଚାରିକା ଥିଲା ।

ମଲାଇକା ଇଣ୍ଡିଆଜ୍ ଗଟ୍ ଟ୍ୟାଲେଣ୍ଟ କାର୍ଯ୍ୟକ୍ରମର ୫ମ, ୬ଷ୍ଠ ଏବଂ ୭ମ ସଂସ୍କରଣର ବିଚାରିକା ରହିଛନ୍ତି ।

ବୈବାହିକ ଜୀବନ

ମଲାଇକା ୧୯୯୮ ମସିହାରେ ହିନ୍ଦୀ କଥାଚିତ୍ର ଅଭିନେତା-ନିର୍ଦ୍ଦେଶକ-ପ୍ରଯୋଜକ ଅରବାଜ ଖାନଙ୍କୁ ବିବାହ କରିଥିଲେ । ମଲାଇକା ଅରବାଜଙ୍କୁ ଏକ କଫିର ବିଜ୍ଞାପନ ସୁଟିଂ ସମୟରେ ପ୍ରଥମେ ଭେଟିଥିଲେ । ୨୮ ମାର୍ଚ୍ଚ ୨୦୧୬ରେ ଉଭୟ ଦମ୍ପତି ପରସ୍ପରଠାରୁ ଅଲଗା ହେବା କଥା ସମସ୍ତଙ୍କୁ ଜଣାଇଥିଲେ । ଏବଂ ପରେ ଉଭୟ ଉଭୟଙ୍କୁ ଛାଡ଼ପତ୍ର ଦେଇଥିଲେ । ଉଭୟଙ୍କର ଏକ ପୁଅ ଅଛି ଅରହାନ, ଯେ କି ୯ ନଭେମ୍ବର ୨୦୦୨ରେ ଜନ୍ମଗ୍ରହଣ କରିଥିଲା ।

ଅଭିନୀତ କଥାଚିତ୍ର

ଅଭିନେତ୍ରୀ ଭାବରେ

• ୧୯୯୮: ଦିଲ୍ ସେ
• ୨୦୦୦: ବିଛୁ (ଅତିଥି କଳାକାର)
• ୨୦୦୨: ମା ତୁଝେ ସଲାମ (ଅତିଥି କଳାକାର)
• ୨୦୦୨: କାଣ୍ଟେ
• ୨୦୦୭: ଓମ୍ ଶାନ୍ତି ଓମ୍ (ଅତିଥି କଳାକାର)
• ୨୦୦୮: ଇଏମ୍ଆଇ
• ୨୦୦୯: ହେଲୋ ଇଣ୍ଡିଆ (ଅତିଥି କଳାକାର)
• ୨୦୧୦: ହାଉସ୍‌ଫୁଲ୍ (ଅତିଥି କଳାକାର)
• ୨୦୧୨: ହାଉସ୍‌ଫୁଲ୍ ୨ (ଅତିଥି କଳାକାର)
• ୨୦୧୪: ହାପି ନିଉ ଇଅର (ଅତିଥି କଳାକାର)

ପ୍ରଯୋଜିକା ଭାବରେ

• ୨୦୧୦: ଦବଙ୍ଗ
• ୨୦୧୨: ଦବଙ୍ଗ ୨
• ୨୦୧୫: ଡଲି କି ଡୋଲି

ନର୍ତ୍ତକୀ ଭାବରେ

• ୧୯୯୮: ଦିଲ୍ ସେ
• ୧୯୯୯: ପ୍ୟାର କେ ଗୀତ୍
• ୨୦୦୦: ବିଛୁ
• ୨୦୦୧: ଇଣ୍ଡିଆନ
• ୨୦୦୨: କାଣ୍ଟେ
• ୨୦୦୫: କାଲ୍
• ୨୦୦୭: ହୈ ବେବି
• ୨୦୦୭: ଅତିଦି
• ୨୦୦୭: ଓମ୍ ଶାନ୍ତି ଓମ୍
• ୨୦୦୭: ୱେଲକମ୍
• ୨୦୧୦: ପ୍ରେମ କା ଗେମ୍
• ୨୦୧୦: ଦବଙ୍ଗ
• ୨୦୧୨: ଗବର୍ ସିଂହ
• ୨୦୧୨: ହାଉସ୍‌ଫୁଲ୍ ୨
• ୨୦୧୨: ଦବଙ୍ଗ ୨
• ୨୦୧୫: ଡଲି କି ଡୋଲି

ଦୂରଦର୍ଶନ

• ୨୦୦୫: ନାଚ ବଲିୟେ ୧ (ବିଚାରିକା)
• ୨୦୦୬: ନାଚ ବଲିୟେ ୨ (ବିଚାରିକ)
• ୨୦୦୮: ଜରା ନାଚ୍‌କେ ଦିଖା (ବିଚାରିକା)
• ୨୦୦୮: ଧୁମ୍ ମଚା ଦେ (ଉପସ୍ଥାପିକା)
• ୨୦୦୯: ପରଫେକ୍ଟ ବ୍ରାଇଡ୍ (ବିଚାରିକା)
• ୨୦୧୦: ଝଲକ ଦିଖ୍‌ଲା ଜା ୪ (ବିଚାରିକା)
• ୨୦୧୧: ନାଚ୍‌ଲେ ବେ ଉଇଥ୍ ସରୋଜ ଖାନ (ବିଚାରିକା)
• ୨୦୧୪: ଇଣ୍ଡିଆଜ୍ ଗଟ୍ ଟ୍ୟାଲେଣ୍ଟ ୫ (ବିଚାରିକା)
• ୨୦୧୫: ଇଣ୍ଡିଆଜ୍ ଗଟ୍ ଟ୍ୟାଲେଣ୍ଟ ୬ (ବିଚାରିକା)
• ୨୦୧୫: ଝଲକ ଦିଖଲା ଜା ରିଲୋଡେଡ୍ (ବିଚାରିକା)
• ୨୦୧୬: ଇଣ୍ଡିଆଜ୍ ଗଟ୍ ଟ୍ୟାଲେଣ୍ଟ ୭ (ବିଚାରିକା)
• ୨୦୧୬: ସ୍ୱରାଗିଣୀ (ଅତି‌ଥି ବିଚାରିକା)

ଅଧିକ ତ‌ଥ୍ୟ

• ଇଣ୍ଟରନେଟ ମୁଭି ଡାଟାବେସରେ ମଲାଇକା ଅରୋରା