ଝଣ୍ଡେୱାଲାନ ମନ୍ଦିର

ଝଣ୍ଡେୱାଲନ୍ ମନ୍ଦିର ଭାରତୀୟ ରାଜଧାନୀ ମହାନଗର ଦିଲ୍ଲୀର କରୋଲବାଗ ଅଞ୍ଚଳରେ ଥିବା ଏକ ହିନ୍ଦୁ ମନ୍ଦିର । ଏକ ପ୍ରାଚୀନ ୧୮ଶ ଶତାବ୍ଦୀରେ ରହିଥିବା ମନ୍ଦିରର ଖନନ ସ୍ଥଳରେ ପ୍ରାଚୀନ ପ୍ରତିମୂର୍ତି ସହ ନୂତନ ମୂର୍ତି ସ୍ଥାପନ କରି ମନ୍ଦିର ନିର୍ମିତ ହୋଇଛି । ଏଠାରେ ଦେବୀ ଆଦି ଶକ୍ତିଙ୍କୁ ଆରାଧନା କରାଯାଇଥାଏ । .

ଶ୍ରୀ ଝଣ୍ଡେୱାଲନ୍ ମନ୍ଦିର
Religion
ଅନୁବନ୍ଧଗୁଡ଼ିକ	ହିନ୍ଦୁ ଧର୍ମ
District	north
Location
ସ୍ଥାନ	Jhandewalan metro station North Delhi
State	ଦିଲ୍ଲୀ
Country	ଭାରତ
Architecture
Type	Hindu temple architecture
Website
www.maajhandewali.com

ଇତିହାସ ଓ କିମ୍ବଦନ୍ତୀ 

୧୮ଶ ଶତାବ୍ଦୀରେ ଏହି ଅଞ୍ଚଳ ବଣ ଜଙ୍ଗଲରେ ଭରା ଥିଲା । ଏଠାକୁ ଆରାବଳି ପର୍ବତ ଅଞ୍ଚଳକୁ ଲାଗି ଥିବା ଅରନ୍ୟାଞ୍ଚଳ ବ୍ୟାପ୍ତ ହେଇଥିଲା । କିମ୍ବଦନ୍ତୀ ଅନୁସାରେ ଚାନ୍ଦିନୀ ଚୌକର ଜଣେ ଧର୍ମ ପ୍ରାଣ ବ୍ୟବସାୟୀ ବଦ୍ରିଦାସ ଏହା ନିକଟସ୍ଥ ଏକ ଝରଣା କୁଳରେ ଏକ ପ୍ରାଚୀନ ମନ୍ଦିର ଦବି ରହିଥିବାର ସ୍ୱପ୍ନାଦେଶ ପାଇଥିଲେ । ସେ ସେଠାରେ ଖୋଦନ କାର୍ଯ୍ୟ କରିବାରୁ ଗଭୀର ଗୁମ୍ଫା ମଧ୍ୟରେ ଦେବୀ ମୂର୍ତି ପ୍ରାପ୍ତ ହେଇଥିଲେ । ଖୋଦନ ସମୟରେ ଦେବୀ ପ୍ରତିମୂର୍ତିର ହାତ ଖଣ୍ଡିତ ହେଇଗଲା । ତାହାକୁ ରୋପ୍ୟ ହାତ ଲଗେଇ ସେହିଠାରେ ସ୍ଥାପନ କଲେ ଓ ଉପର ଅଂଶରେ ଏକ ନୂତନ ମୂର୍ତି ନିର୍ମିତ କରି ମନ୍ଦିର ନିର୍ମାଣ କଲେ ।

ମନ୍ଦିର ଉପରେ ଏକ ଦୀର୍ଘକାୟ ଧ୍ୱଜ ଲଗାଯାଇଥିଲା , ଯାହା ଦୂର ଦୂରାନ୍ତରୁ ଦେଖାଯାଇଥାଏ । ପରେ ମନ୍ଦିରର ନାମ ଏଥିପାଇଁ ଝଣ୍ଡେୱାଲା  ରହିଥିଲା । ଉପରେ ରହିଥିବା ମନ୍ଦିରରେ ଶିବ ଲିଙ୍ଗା ମାନଧୀ ସ୍ଥାପନ କରାଯାଇଛି । ପ୍ରାଚୀନ ଦେବୀ ପ୍ରତିମାଙ୍କ " ଗୁମ୍ଫା ବାଲି ମାତା " କୁହାଯାଇଥାଏ ଓ ସେଠାରେ ମଧ୍ୟ ପୂର୍ଣ ନୀତି ରୀତି ସହ ଆରାଧନା ହେଇଥାଏ । ।

ମନ୍ଦିରରେ ଦୁର୍ଗାପୂଜା ଓ ନବରାତ୍ର ବହୁ ଆଡମ୍ବର ସହକାରେ ପାଳିତ ହେଇଥାଏ । ଏଠାରେ ବାସନ୍ତିକ ନବରାତ୍ର ସହ ଶାରଦୀୟ ନବରାତ୍ର ମଧ୍ୟ ପାଳିତ ହେଇଥାଏ । ଦୈନିକ ନୀତି ରୀତି ମଧ୍ୟରେ ହବନ , କୀର୍ତନ ତଥା ସ୍ୱତନ୍ତ୍ର କଥା , ଓ ପ୍ରବଚନ ଆୟୋଜନ ହେଇଥାଏ । ପର୍ବ ସମୟରେ ଏଠାରେ ବହୁ ଜନ ସମାଗମ ହେଇଥାଏ ।