ଆନିୟୁରିଜମ୍

ଆନିୟୁରିଜମ୍ ରୋଗରେ ସାଧାରଣତଃ ଧମନୀର କୌଣସି ଅଂଶରେ ବେଲୁନ ଭଳି ଏକ ଫୁଲା ହୋଇଯାଏ | ରୋଗ ପ୍ରାରମ୍ଭରେ ପ୍ରାୟ କୌଣସି ଲକ୍ଷଣ ଦେଖାଯାଏ ନାହିଁ | ଲକ୍ଷଣ ରୋଗର ସ୍ଥାନ ଉପରେ ନିର୍ଭର କରେ ଏବଂ ଏଥିରେ ମୁଣ୍ଡବିନ୍ଧା, ପେଟ ଯନ୍ତ୍ରଣା, ପିଠି ଯନ୍ତ୍ରଣା ଏବଂ ରକ୍ତ ସଞ୍ଚାଳନ ଶକ୍ ଅନ୍ତର୍ଭୁକ୍ତ ହୋଇପାରେ | ରୋଗ ଜଟିଳ ହେଲେ ଧମନୀରେ ରକ୍ତ ଜମାଟ ବାନ୍ଧିଯାଏ କିମ୍ବା ଧମନୀ ଫାଟିଯାଏ |

Aneurism
Angiography of an aneurysm in a brain artery. The aneurysm is the large bulge in the center of the image.
ବିଭାଗ	Vascular surgery
ଲକ୍ଷଣ	None, headache, abdominal pain, back pain, circulatory shock
ଆକ୍ରାନ୍ତ ସମୟ	Older age
ବିପଦ କାରକ	Family history, high blood pressure, high cholesterol, smoking, injury of the artery
ରୋଗ ନିର୍ଣ୍ଣୟ ପଦ୍ଧତି	Medical imaging
ଚିକିତ୍ସା	Lifestyle changes, surgery
ପୁନଃପୌନିକ	Brain ~4%, aorta ~2.5%

ପାରିବାରିକ ଇତିହାସ, ଉଚ୍ଚ ରକ୍ତଚାପ, ଉଚ୍ଚ କୋଲେଷ୍ଟ୍ରଲ, ଧୂମପାନ ଏବଂ ରକ୍ତନଳୀ ଆଘାତ ଇତ୍ୟାଦି ଏହି ରୋଗ ସଙ୍କଟ ସୃଷ୍ଟି କରେ | ଯଦିଓ ଯେ କୌଣସି ଧମନୀ ପ୍ରଭାବିତ ହୋଇପାରେ, ତେବେ ସାଧାରଣତଃ ଆଓର୍ଟା ଧମନୀ (AA) ଅଧିକ ପ୍ରଭାବିତ ହୁଏ | ମସ୍ତିଷ୍କ, ପପଲିଟାଲ୍ ଧମନୀ, ମେସେଣ୍ଟେରିକ୍ ଧମନୀ, କରୋନାରୀ ଧମନୀ ଏବଂ ସ୍ପ୍ଲେନିକ୍ ଧମନୀ ଇତ୍ୟାଦି ସ୍ଥାନମାନଙ୍କରେ ଏହି ରୋଗ ହୋଇପାରେ | ମେଡିକାଲ ଇମେଜିଙ୍ଗ ଉପରେ ଆଧାର କରି ରୋଗ ନିର୍ଣ୍ଣୟ କରାଯାଏ ।

ଜୀବନଚର୍ଯ୍ୟାର ପରିବର୍ତ୍ତନ ଏବଂ ଅସ୍ତ୍ରୋପଚାର ସାହାଯ୍ୟରେ ଏହାର ଚିକିତ୍ସା କରାଯାଏ | ଧମନୀର ଅବସ୍ଥା ଉପରେ ନିର୍ଭର କରି ଅସ୍ତ୍ରୋପଚାର ସୁପାରିଶ କରାଯାଏ | ସାଧାରଣତ ୫ ସେମିରୁ ଅଧିକ ଆକାରର AAAର ମରାମତି ପାଇଁ ପରାମର୍ଶ ଦିଆଯାଉଥିବାବେଳେ ମସ୍ତିଷ୍କ ଆନିୟୁରିଜମ୍ ସାଧାରଣତଃ ୭ ମିଲିମିଟର କିମ୍ବା ଅଧିକ ଥିଲେ ବା ପରବର୍ତ୍ତୀ ରକ୍ତ ସଞ୍ଚାଳନରେ ଜଡ଼ିତ ହେବା ସମ୍ଭାବନା ଥିଲେ ଅସ୍ତ୍ରୋପଚାର କରିବାକୁ ପରାମର୍ଶ ଦିଆଯାଏ | ବାହୁରେ ଥିବା ଆନିୟୁରିଜମ୍ଗୁଡ଼ିକ ରକ୍ତନଳୀର ସାଧାରଣ ଆକାରର ୨ ଗୁଣ ହୋଇଗଲେ ଆବିଷ୍କୃତ ହେବା ମାତ୍ରେ ମରାମତି କରାଯାଏ |

ମସ୍ତିଷ୍କ ଆନିୟୁରିଜମ୍ ଜନସଂଖ୍ୟାର ପ୍ରାୟ ୪% ଲୋକଙ୍କୁ ପ୍ରଭାବିତ କରୁଥିବାବେଳେ ଆର୍ଟିକ୍ ଆନୁରାଇଜମ୍ ପ୍ରାୟ ୨.୫% ଲୋକ ପ୍ରଭାବିତ କରିଥାଏ। ବୟସ୍କ ବ୍ୟକ୍ତିମାନେ ଅଧିକ ପ୍ରଭାବିତ ହେବାର ସମ୍ଭାବନା ଥାଏ। ପ୍ରାଚୀନ ଇଜିପ୍ଟ ଏବଂ ଭାରତୀୟ ଗ୍ରନ୍ଥଗୁଡ଼ିକରେ ଥିବା ବର୍ଣ୍ଣନା ଗୁଡ଼ିକ ଆନିୟୁରିଜମ୍‌ର ବୋଲି ଧରାଯାଏ | ଗ୍ରୀକ ଭାଷାର νεύρυσμα ବା ଆନିୟୁରିଜମ୍ର ଅର୍ଥ "ଚଉଡା" |