ସୁଭଦ୍ରା ପ୍ରଧାନ

ସୁଭଦ୍ରା ପ୍ରଧାନ ଜଣେ ଭାରତୀୟ ହକି ଖେଳାଳୀ |

ପ୍ରାରମ୍ଭିକ ଜୀବନୀ

ସୁଭଦ୍ରା ପ୍ରଧାନଙ୍କ ଜନ୍ମ ୧୯୮୬ ମସିହା ଜୁନ୍ ୫ ତାରିଖରେ ଓଡ଼ିଶାର ଏକ ଛୋଟ ସହର ସୌନାମରାରେ ଏକ ଆଦିବାସୀ ପରିବାରରେ ହୋଇଥିଲା | ସେ ବିର୍ସା ମୁଣ୍ଡା ସ୍କୁଲରେ ନିଜର ସ୍କୁଲ୍ କ୍ୟାରିୟର୍ ଆରମ୍ଭ କରିଥିଲେ | ପରେ ସେ ପଟିଆଲାର ଖାଲସା କଲେଜରେ ପଢ଼ିଥିଲେ | ଏହାପରେ ସେ ରାଉଲକେଲାର ପାନପୋଶ୍ ହକି ହଷ୍ଟେଲରେ ରହି ହକି ଶିକ୍ଷା ଆରମ୍ଭ କରିଥିଲେ | ପରେ ୧୯୯୭ ମସିହାରେ ହକି ଖେଳରେ ସେ ନିଜର କ୍ୟାରିୟର୍ ଆରମ୍ଭ କରିଥିଲେ |

କ୍ୟାରିୟର୍

୨୦୦୦ ମସିହାରେ ସୁଭଦ୍ରା ପ୍ରଧାନ ଭାରତର ଜୁନିଅର୍ ହକି ଟିମରେ ସାମିଲ୍ ହୋଇଥିଲେ | ୨୦୦୧ ଅକ୍ଟୋବର ଓ ନଭେମ୍ବରରେ ଅନୁଷ୍ଠିତ ହୋଇଥିବା ଏସିଆ କପ୍ର ଜୁନିୟର୍ ଟିମ୍ରେ ତୃତୀୟ ସ୍ଥାନ ହାସଲ୍ କରିଥିଲେ | ପୂର୍ବରୁ ୨୦୦୩ରେ ସେ ସିନିଅର୍ ଟିମ୍ରେ ମଧ୍ୟ ସାମିଲ୍ ହୋଇଥିଲେ | ୨୦୦୪ ଏସିଆ କପ୍ରେ ଏହି ସିନିଅର୍ ଟିମ୍ ରୌପ୍ୟ ପଦକ ଜିତିଥିବା ବେଳେ ୨୦୦୬ କମନ୍ ଓ୍ବେଲ୍ଥ୍ ଗେମ୍ସରେ ତାଙ୍କ ଟିମ୍ ବ୍ରୋଞ୍ଜ୍ ପଦକ ହାସଲ କରିଥିଲା | ୨୦୦୭ରେ ସୁଭଦ୍ରା ପ୍ରଧାନ ଓ ଜସଜୀତ୍ କୌର୍ ୟୁରୋପୀୟ କ୍ଲବରେ ଖେଳିଥିବା ପ୍ରଥମ ଭାରତୀୟ ଭାବେ ସ୍ଥାନ ପାଇଥିଲେ | ସେ ସମୟରେ ସେ ଡଚ୍ କ୍ଲବ୍ ଏଚ୍.ସି. ଡେନ୍ ବୋସ୍ଚରେ ହକି ଖେଳୁଥିଲେ | ୨୦୦୯ ଏସିଆ କପ୍ରେ ସେ 'ପ୍ଲେୟାର୍ ଅଫ୍ ଦ ଟୁର୍ଣ୍ଣାମେଣ୍ଟ୍' ଭାବେ ସମ୍ମାନିତ ହୋଇଥିଲେ | ଏହି ଏସିଆ କପ୍ରେ ଭାରତ ଦ୍ୱିତୀୟ ସ୍ଥାନ ହାସଲ କରିଥିଲା |

ବ୍ୟକ୍ତିଗତ ଜୀବନୀ

୨୦୦୯ ଏପ୍ରିଲ୍ ମାସରେ ସୁଭଦ୍ରା ପ୍ରଧାନ ପ୍ରଦୀପ ନାଏକଙ୍କୁ ବିବାହ କରିଥିଲେ | ସେ ସମୟରେ ପ୍ରଦୀପ ଦକ୍ଷିଣ ପୂର୍ବ ରେଳରେ କାର୍ଯ୍ୟରତ ଥିଲେ | ବର୍ତ୍ତମାନ ସେ ରାଞ୍ଚୀ ରେଳ ବିଭାଗରେ କାର୍ଯ୍ୟ କରୁଛନ୍ତି |

ପୁରସ୍କାର

୨୦୦୬ ମସିହାରେ ଭାରତୀୟ ହକିରେ ଅବଦାନ ପାଇଁ ସୁଭଦ୍ରାଙ୍କୁ ଏକଲବ୍ୟ ପୁରସ୍କାର ଦିଆଯାଇଛି |