ସିଲେରୁ ନଦୀ

ସିଲେରୁ ନଦୀ ଭାରତୀୟ ନଦୀ ସାବରି ନଦୀର ଏକ ଶାଖା ନଦୀ । ଏହା ଆନ୍ଧ୍ରପ୍ରଦେଶରୁ ବାହାରି ଓଡ଼ିଶା ରାଜ୍ୟ ଦେଇ ପ୍ରବାହିତ ହେଲା ପରେ ସାବରି ନଦୀରେ ମିଳିତ ହୁଏ ଓ ସାବରି ନଦୀ ପୁନଶ୍ଚ ଆନ୍ଧ୍ରପ୍ରଦେଶକୁ ପ୍ରବେଶ କରି ଗୋଦାବରୀ ନଦୀ ସହ ମିଳିତ ହୁଏ । ସିଲେରୁ ନଦୀ ଉପର ଅଞ୍ଚଳରେ ମାଛକୁଣ୍ଡ ନାମରେ ପରିଚିତ ହୋଇ ଓଡ଼ିଶା, ଆନ୍ଧ୍ର ପ୍ରଦେଶ ଓ ଓ ଛତିଶଗଡ଼ର ତ୍ରିଯୁକ୍ତ ସ୍ଥାନରେ ସାବରି ନଦୀ ସହ ମିଳିତ ହେଇଥାଏ । 

ଜଳବିଦ୍ୟୁତ ପ୍ରକଳ୍ପ ସମ୍ଭାବନା 

ଏହି ନଦୀର ଜଳବିଦ୍ୟୁତ ଉତ୍ପାଦନ ପାଇଁ ଅନୁକୂଳ ପରିସ୍ଥିତି ରହିଛି । ଏଥିରେ ମାଛକୁଣ୍ଡ, ବାଲିମେଳା, ଉପର ସିଲେରୁ ଦୋଙ୍କାରାଇ, ତଳ ସିଲେରୁ ଜଳ ବିଦ୍ୟୁତ ପ୍ରକଳ୍ପ ସବୁ ନିର୍ମିତ ହେଇ ବିଦ୍ୟୁତ ଉତ୍ପାଦନ ହଉଛି । ଚିତ୍ରକୋଣ୍ଡାଠାରେ ୬୦ମେଗାୱାଟ ପ୍ରକଳ୍ପ ମଧ୍ୟ ଯୋଜନା କରାଯାଇଛି ।

ଜଳସେଚନ ସମ୍ଭାବନା 

ବାଲିମେଳା ପ୍ରକଳ୍ପର ନିର୍ଗତ ଜଳକୁ ଜଳସେଚନ ପାଇଁ ବ୍ୟବହାର କରାଯାଉଥିଲେ ମଧ୍ୟ ତାହାକୁ ଗୋଦାବରୀ ଡେଲ୍ଟା ଅଞ୍ଚଳକୁ ନେବାପାଇଁ ପୂର୍ବ ଘାଟ ପର୍ବତ ମାଳରେ ୩୫ କିଲୋମିଟର ଲମ୍ବ ଟନେଲର ନିର୍ମାଣ ହେଲେ ଏହି ଜଳର ସଦୁପଯୋଗ ହେବ । ସେହିପରି ସିଲେରୁ ନଦୀର ଜଳକୁ ୩୦ କିଲୋମିଟର ଟନେଲଦ୍ୱାରା ନେଲେ ବିଶାଖାପାଟଣା , ବିଜୟନଗରମ ଓ ଶ୍ରୀକାକୁଲମ ଜିଲ୍ଲାରେ ଜଳସେଚନ ହେଇପାରିବ ।ପୋଲାଭରମ ପ୍ରକଳ୍ପ ପାଇଁ ମଧ୍ୟ ଏହାର ଜଳ ବ୍ୟବହାର ହେଇପାରିବା ।