ରାମାନି ଆମ୍ମାଲ
ରାମାନି ଆମ୍ମାଲ (Tamil: ரமணியம்மாள்; ୧୯୫୪ - ୪ ଅପ୍ରେଲ ୨୦୨୩) ଜଣେ ତାମିଲ ଲୋକଗୀତ ଗାୟିକା ଥିଲେ, ଯିଏକି ତାଙ୍କ ଷ୍ଟେଜ୍ ନାମ ରକ୍ଷ୍ଟାର୍ ରାମାନି ଆମ୍ମାଲ ଭାବରେ ମଧ୍ୟ ଜଣାଶୁଣା । ୨୦୧୭ ମସିହାର ସେ ଜୀ ତାମିଲରେ ପ୍ରସାରିତ ସଙ୍ଗୀତ ଭିତ୍ତିକ ରିଆଲିଟି ଶୋ ସାରେ ଗା ମା ପା ସିନିଅର୍ସ୍ରେ ଅଂଶଗ୍ରହଣ କରିବା ପରେ ଲୋକଲୋଚନକୁ ଆସିଥିଲେ ।[୧] ଏହି କାର୍ଯ୍ୟକ୍ରମରେ ତାଙ୍କୁ ବିଚାରପତିମାନେ 'ରକଷ୍ଟାର୍' ଭାବରେ ଭୂଷିତ କରାଇଥିଲେ । ୨୦୦୪ ମସିହାରେ ସେ କାଦଲ କଥାଚିତ୍ରରେ ପ୍ରଚ୍ଛଦପଟ ଗାୟିକା ଭାବରେ କାର୍ଯ୍ୟ କରିଥିଲେ ।
ରାମାନି ଆମ୍ମାଲ | |
|---|---|
| Also known as | ରକ୍ଷ୍ଟାର୍ |
| ଜନ୍ମ | ୧୯୫୪ ମାଡ୍ରାସ, ଭାରତ |
| ମୃତ୍ୟୁ | (ବୟସ 69) ପଶ୍ଚିମ ମାମ୍ବଲାମ, ଚେନ୍ନାଇ, ତାମିଲନାଡ଼ୁ, ଭାରତ |
| ଶୈଳୀ | ପ୍ରଚ୍ଛଦପଟ ଗାୟିକା, କଣ୍ଠଶିଳ୍ପୀ |
| କାର୍ଯ୍ୟକାଳ | ୨୦୦୪–୨୦୨୩ |
ଜୀବନୀ ସମ୍ପାଦନା
ରାମାନି ଆମ୍ମାଲ ଏକ ମଧ୍ୟବିତ୍ତ ପରିବାରରେ ଜନ୍ମଗ୍ରହଣ କରିଥିଲେ ଏବଂ ପାରିବାରିକ ପୃଷ୍ଠଭୂମି ଯୋଗୁଁ ସେ ଅଧିକ ପଢ଼ିପାରିନଥିଲେ । ଅଭିନେତା ତଥା ରାଜନେତା ଏମ. ଜି. ରାମଚନ୍ଦ୍ରନଙ୍କଠାରୁ ଅନୁପ୍ରାଣିତ ହୋଇ ସଙ୍ଗୀତ ଶିକ୍ଷା ଗ୍ରହଣ କରିଥିଲେ ।[୨] ଅଳ୍ପ ବୟସରୁ ସେ ସଙ୍ଗୀତ ପ୍ରତି ଆକର୍ଷିତ ହୋଇଥିଲେ, ମାତ୍ର ଆର୍ଥିକ ଅନଗ୍ରସରତା ପାଇଁ ଅନ୍ୟର ଘରେ କାମ କରି ଜୀବନଯାପନ କରୁଥିଲେ ।[୧] ସେ ବିବାହ ତଥା ଅନ୍ୟାନ୍ୟ କାର୍ଯ୍ୟକ୍ରମରେ ଗୀତ ଗାଉଥିଲେ । କଥାଚିତ୍ରରେ ଗୀତ ଗାଇବା ପୂର୍ବରୁ ସେ ମୁଖ୍ୟତଃ ଜଣେ ଚାକରାଣୀ ଭାବରେ କାର୍ଯ୍ୟ କରୁଥିଲେ ।[୩] ୨୦୦୪ ମସିହାରେ ତାମିଲ୍ ରୋମାଣ୍ଟିକ ଡ୍ରାମା ଫିଲ୍ମ କାଦଲରେ ସେ ଜଣେ ପ୍ରଚ୍ଛଦପଟ ଗାୟିକା ଭାବରେ ଗୀତ ଗାଇଥିଲେ । ଏହାପରେ ସେ କଥାବରାୟଣ (୨୦୦୮), ଥେନାଭାଟୁ (୨୦୦୮) ଏବଂ ହରିଦାସ (୨୦୧୩) ଭଳି କଥାଚିତ୍ରରେ ଗୀତ ଗାଇଥିଲେ ।[୪] ଅଧିକ କଥାଚିତ୍ରରେ ଗୀତ ଗାଇବାର ସୁଯୋଗ ନ ମିଳିବାରୁ ସେ ପୁଣିଥରେ ଅନ୍ୟର ଘରେ କାମ କରି ଜୀବନ ଯାପନ କରୁଥିଲେ ।
୨୦୧୭ ମସିହାରେ, ୬୩ ବର୍ଷ ବୟସରେ, ସେ ଦୂରଦର୍ଶନ ରିଆଲିଟି ଶୋ'ରେ କାମ କରିଥିଲେ । ଜୀ ତାମିଲରେ ପ୍ରସାରିତ ସଙ୍ଗୀତ ଭିତ୍ତିକ ଧାରାବାହିକ ସାରେ ଗା ମା ପା ସିନିଅର୍ସ୍ରେ ସେ ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମର ଶ୍ରେଷ୍ଠ ଦଶଜଣଙ୍କ ମଧ୍ୟରୁ ସେ ଜଣେ ଥିଲେ ଏବଂ ଅପ୍ରେଲ ୨୦୧୮ରେ ସେ ଏହି କାର୍ଯ୍ୟକ୍ରମର ପ୍ରଥମ ରନର୍ଅପ୍ ହୋଇଥିଲେ ।[୫][୬] ଏହି କାର୍ଯ୍ୟକ୍ରମ ପରେ ଜଣେ ପ୍ରଚ୍ଛଦପଟ ଗାୟିକା ଭାବରେ ଜୁଙ୍ଗା (୨୦୧୮), ସାଣ୍ଡାକୋଜି ୨ (୨୦୧୮), କପ୍ପାନ (୨୦୧୯), ଏବଂ ନେଞ୍ଜାମୁଣ୍ଡୁ ନର୍ମାୟୁଣ୍ଡୁ ଓଡୁ ରାଜା (୨୦୧୯) ଆଦିରେ ଗାଇଥିଲେ ।[୭][୮]
୨୦୧୮ ମସିହାରେ ସେ ଦୂରଦର୍ଶନ ଧାରାବାହିକ ୟାରାଦି ନୀ ମୋହିନୀରେ ଏକ ସ୍ୱତନ୍ତ୍ର ଭୂମିକାରେ କାମ କରିଥିଲେ ।[୯]
ମୃତ୍ୟୁ ସମ୍ପାଦନା
୨୦୨୩ ମସିହାର ଅପ୍ରେଲ ୪ ତାରିଖରେ ତାଙ୍କର ମୃତ୍ୟୁ ହୋଇଥିଲା । ମୃତ୍ୟୁବେଳକୁ ତାଙ୍କୁ ୬୯ ବର୍ଷ ବୟସ ହୋଇଥିଲା ।[୧୦]
ଗୀତ ସମ୍ପାଦନା
| ବର୍ଷ | କଥାଚିତ୍ର | ଗୀତ (ଗୁଡ଼ିକ) | ମନ୍ତବ୍ୟ |
|---|---|---|---|
| ୨୦୦୮ | କଥାବରାୟଣ | କଥାବାରାୟା ସାମି | |
| ୨୦୧୩ | ହରିଦାସ | ଭେଲାକୁଥାଇରାଇ | |
| ୨୦୧୮ | ଜୁଙ୍ଗା | ରାଇଜ୍ ଅଫ୍ ଜୁଙ୍ଗା | |
| ସାଣ୍ଡାକୋଜି ୨ | ସେନଗରତନ ପାରାଏଇଲା | ||
| ୨୦୧୯ | ନେଞ୍ଜାମୁଣ୍ଡୁ ନର୍ମାୟୁଣ୍ଡୁ ଓଡୁ ରାଜା | ଇଣ୍ଟରନେଟ୍ ପାସଙ୍ଗା | |
| କାପ୍ପାନ | ସିରୁକ୍କି |
ଅଭିନୀତ କଥାଚିତ୍ର ସମ୍ପାଦନା
- ବମ୍ମାଇ ନାୟାଗି (୨୦୨୩)
ଆଧାର ସମ୍ପାଦନା
- ↑ ୧.୦ ୧.୧ "I will donate some money to poor people, says Sa Re Ga Ma Pa's Rockstar Ramaniammal". The Times of India (in ଇଂରାଜୀ). Retrieved 2020-06-02.
- ↑ "'ராக் ஸ்டார்' ரமணியம்மாளைத் தெரியாதா உங்களுக்கு?!". Dinamani. Retrieved 2020-06-02.
- ↑ Rajkumar (2019-03-03). "சினிமாவில் கலக்குவார் என்று எதிர்பார்த்த ரமணியம்மாள்.! தற்போது என்ன செய்துகொண்டிருக்கிறார் பாருங்க.!". Tamil Behind Talkies (in ଆମେରିକୀୟ ଇଂରାଜୀ). Retrieved 2020-06-02.
- ↑ "Namma OOru rockstar". The New Indian Express. Retrieved 2020-06-02.
- ↑ "Top five to battle on 'Sa Re Ga Ma Pa' finale today". The Times of India (in ଇଂରାଜୀ). Retrieved 2020-06-02.
- ↑ "Tamil Sa Re Ga Ma Pa: Varsha emerges as the winner of the singing reality show". The Times of India (in ଇଂରାଜୀ). Retrieved 2020-06-02.
- ↑ "Rock Star Ramani Ammal records a song for Junga". The Times of India (in ଇଂରାଜୀ). Retrieved 2020-06-02.
- ↑ "'Sengaruttan Paaraiyula' song from 'Sandakozhi 2' unveiled". The Times of India (in ଇଂରାଜୀ). Retrieved 2020-06-02.
- ↑ "Sa Re Ga Ma Pa Tamil 2018 finalist Ramaniammal makes a cameo in 'Yaaradi Nee Mohini'". The Times of India (in ଇଂରାଜୀ). Retrieved 2020-06-02.
- ↑ Palanichamy, Saravanan (4 April 2023). "Ramani Ammal Passes Away At The Age Of 69: The Astonishing Voice Of 'Thandatti Karuppayi' Song Is No More!". Filmi Beat. Retrieved 4 April 2023.