ମୌସୁମୀ ହମିଦ
ମୌସୁମୀ ହମିଦ (ଜନ୍ମ: ୧୨ ଅକ୍ଟୋବର ୧୯୮୮) ଜଣେ ବଙ୍ଗଳାଦେଶୀ ଅଭିନେତ୍ରୀ ଓ ମଡେଲ । ସେ ମୁଖ୍ୟତଃ ବଙ୍ଗଳାଦେଶର ଦୂରଦର୍ଶନ ଓ କଥାଚିତ୍ର ଜଗତରେ ଅଭିନୟ କରନ୍ତି । ୨୦୧୦ ମସିହାରେ ସେ ଲକ୍ସ ଚେନାଲ ଆଇ ସୁପରଷ୍ଟାର କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ଏବଂ ସେଠାରେ ସେ ରନର୍ଅପ୍ ହୋଇଥିଲେ ଓ ତା'ପରେ ବଙ୍ଗଳାଦେଶରେ ପ୍ରସିଦ୍ଧିଲାଭ କରିଥିଲେ ।[୧] ଏହାପରେ ସେ ବିଭିନ୍ନ ଦୂରଦର୍ଶନ କର୍ଯ୍ୟକ୍ରମରେ କାମ କରିବା ଆରମ୍ଭ କରିଥିଲେ । ସେ ଲଭ୍ ରେକ୍ଟଙ୍ଗଲ୍ (ଭଲବାସର ଚତୁଶକୋନେ),[୨] ରେଡ଼ିଓ ଚକେଲେଟ ଭଳି ଦୂରଦର୍ଶନ କାର୍ଯ୍ୟକମରେ କାମ କରିଥିଲେ । ଦୂରଦର୍ଶନରେ ଅଭିନୟ ପରେ ସେ ୨୦୧୨ ମସିହାରେ ବଙ୍ଗଳାଦେଶୀ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ ।[୩] ତାଙ୍କ ଅଭିନୀତ ପ୍ରଥମ ବଙ୍ଗଳାଦେଶୀ କଥାଚିତ୍ର ଥିଲା ନା ମନୁଷ୍, ଯାହାକି ୨୦୧୩ ମସିହାରେ ମୁକ୍ତିଲାଭ କରିଥିଲା । ଏହାପରେ ୨୦୧୪ ମସିହାରେ ହୁଦ୍ସୋନେର ବନ୍ଧୁକ ଜରିଆରେ ସେ ଲୋକପ୍ରିୟତା ହାସଲ କରିଥିଲେ ଏବଂ ପରେ ଜଲାଲ୍ସ୍ ଷ୍ଟୋରୀ, ବ୍ଲାକ୍ମନି, ବ୍ଲାକ୍ମେଲ୍, ପୂର୍ଣ୍ଣ ଦିଗର ପ୍ରେମ କାହାଣୀ ୨, ମେଣ୍ଟାଲ ଭଳି ଚଳଚ୍ଚିତ୍ରରେ ଅଭିନୟ କରିଥିଲେ ।[୪]
ମୌସୁମୀ ହମିଦ | |
|---|---|
.jpg) | |
| ଜନ୍ମ | ୧୨ ଅକ୍ଟୋବର ୧୯୮୮ ସାତଖିରା, ଖୁଲ୍ନା, ବଙ୍ଗଳାଦେଶ |
| ଜାତୀୟତା | ବଙ୍ଗଳାଦେଶୀ |
| ଶିକ୍ଷାନୁଷ୍ଠାନ | ଆଜମ ଖାନ କମର୍ସ କଲେଜ |
| ବୃତ୍ତିସମୂହ |
|
| ସକ୍ରିୟ ବର୍ଷ | ୨୦୧୦–ଏବେଯାଏଁ |
ପ୍ରାରମ୍ଭିକ ଜୀବନ ଓ ଶିକ୍ଷା
ସମ୍ପାଦନାମୌସୁମୀ ହମିଦ ୧୯୮୮ ମସିହାର ଅକ୍ଟୋବର ମାସ ୧୨ ତାରିଖରେ ବଙ୍ଗଳାଦେଶର ଖୁଲ୍ନା ଡିଭିଜନ୍ର ସାତଖିରା ଜିଲ୍ଲାସ୍ଥିତ ତଳାଠାରେ ଜନ୍ମଗ୍ରହଣ କରିଥିଲେ । ସେ ତାଙ୍କର ହାଇସ୍କୁଲ ଶିକ୍ଷା ସମାପ୍ତ କରିବାପରେ ମ୍ୟାନେଜମେଣ୍ଟରେ ପାଠ ପଢ଼ିବାପାଇଁ ଖୁଲ୍ନା ଯାଇଥିଲେ ଏବଂ ସେଠାରେ ସେ ଆଜମ ଖାନ କମର୍ସ କଲେଜରେ ପାଠ ପଢ଼ିଥିଲେ । ଏହାପରେ ସେ ମିଡିଆ ଜଗତରେ କାମ କରିବା ପାଇଁ ସେ ବିଷୟରେ ପାଠ ପଢ଼ିବା ପାଇଁ ଢାକା ଯାଇଥିଲେ ।[୫]
ଅଭିନୟ ଜୀବନ
ସମ୍ପାଦନାମୌସୁମୀ ମିଡିଆ ଉପରେ ପଢ଼ାପଢ଼ି କରିବାପରେ ୨୦୧୦ ମସିହାରେ ଏକ ଦୂରଦର୍ଶନ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ସେ ବଙ୍ଗଳାଦେଶରେ ଫ୍ୟାସନ ଉପରେ ଆଧାରିତ ଏକ ଦୂରଦର୍ଶନ କାର୍ଯ୍ୟକ୍ରମ ଲକ୍ସ ଚେନାଲ ଆଇ ସୁପଷ୍ଟାର ପ୍ରତିଯୋଗୀତାରେ ଭାଗ ନେଇ ତାଙ୍କ ପେଶା ଆରମ୍ଭ କରିଥିଲେ ଏବଂ ଫାଇନାଲରେ ୨ୟ ସ୍ଥାନରେ ରହିଥିଲେ । ଏହାପରେ ୨୦୧୧ ମସିହାରେ ସେ ତାଙ୍କ ଅଭିନୟର ଯାତ୍ର ଆରମ୍ଭ କରିଥିଲେ । ସେ ପ୍ରଥମେ ଦୂରଦର୍ଶନରେ ଅଭିନୟ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ ଦୂରଦର୍ଶନ ନାଟକ ଥିଲା ରୋଶ୍ନୀ । ଏହାପରେ ସେ ଭଲବାସର ଚତୁଶକୋନେ ଏବଂ ରେଡ଼ିଓ ଚକେଲେଟ ଭଳି ଦୂରଦର୍ଶନ ଧାରାବାହିକରେ ଅଭିନୟ କରିଥିଲେ ।[୬]
ଦୂରଦର୍ଶନ ଧାରାବାହିକରେ କାମ କରିବାପରେ ମୌସୁମୀ ୨୦୧୨ ମସିହାରେ ବଙ୍ଗଳାଦେଶ କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ । ମୌସୁମୀଙ୍କ ଅଭିନୀତ ପ୍ରଥମ ବଙ୍ଗଳାଦେଶୀ କଥାଚିତ୍ର ଥିଲା ନା ମନୁଷ୍ , ଯାହାକି ୨୦୧୩ ମସିହାରେ ମୁକ୍ତିଲାଭ । ମାତ୍ର ୨୦୧୪ ମସିହାରେ ମୁକ୍ତିଲାଭ କରିଥିବା ଚଳଚ୍ଚିତ୍ର ହୁଦ୍ସୋନେର ବନ୍ଧୁକ ଜରିଆରେ ସେ ଲୋକପ୍ରିୟତା ହାସଲ କରିଥିଲେ । ଏହାପରେ ସେ ୨୦୧୪ ମସିହାରେ ଜଲାଲ୍ସ୍ ଷ୍ଟୋରୀ, ୨୦୧୫ ମସିହାରେ ବ୍ଲାକ୍ମନି ଓ ଅନନ୍ନ ମାମୁନ୍ଙ୍କ ନିର୍ଦ୍ଦେଶିତ ବ୍ଲାକ୍ମେଲ୍[୭], ୨୦୧୬ ମସିହାରେ ପୂର୍ଣ୍ଣ ଦିଗର ପ୍ରେମ କାହାଣୀ ୨ ଓ ମେଣ୍ଟାଲ ଭଳି ଚଳଚ୍ଚିତ୍ରରେ ଅଭିନୟ କରିଥିଲେ ।[୮][୯]
ଆଧାର
ସମ୍ପାଦନା- ↑ "Moushumi Hamid: All set for challenges". The Daily Star (in ଇଂରାଜୀ). 2018-05-30. Retrieved 2018-05-30.
- ↑ "Bhalobashar Chotushkon" on ntv today". The Daily Star. Retrieved 30 December 2014.
- ↑ "Moushumi Hamid in Purno Doirghjuiihbhjk i m me 2". The Observer. Archived from the original on 3 January 2015. Retrieved 30 December 2014.
- ↑ "Moushumi Hamid in Purno Doirghjuiihbhjk i m me 2". The Observer. Archived from the original on 3 January 2015. Retrieved 30 December 2014.
- ↑ "Moushumi Hamid in item song". Bangladesh Today. Archived from the original on 3 January 2015. Retrieved 30 December 2014.
- ↑ "Moushumi Hamid on full throttle". The Daily Star. Retrieved 30 December 2014.
- ↑ "I prefer playing action and romantic roles… Milon". The Daily Star. Archived from the original on 3 January 2015. Retrieved 30 December 2014.
- ↑ "Moushumi Hamid thinks big". The Daily Star. Retrieved 30 December 2014.
- ↑ "Mousumi Hamid has her hands full with films". The Independent. Retrieved 30 December 2014.
ବାହାର ଆଧାର
ସମ୍ପାଦନା
- ଇଣ୍ଟରନେଟ ମୁଭି ଡାଟାବେସରେ ମୌସୁମୀ ହମିଦ