ମେଘଦୂତ (ରାଧାନାଥଙ୍କ କାବ୍ୟ)

ଏହି ଲେଖାଟି ରାଧାନାଥଙ୍କ କବିତା ବାବଦରେ । କାଳିଦାସଙ୍କ ରଚିତ ମେଘଦୂତ ପାଇଁ, ମେଘଦୂତ ପ୍ରସଙ୍ଗଟି ଦେଖନ୍ତୁ ।

ମେଘଦୂତ ରାଧାନାଥ ରାୟଙ୍କ ରଚିତ ଏକ ଦୀର୍ଘ କବିତା ଅଟେ । ଏହା "ଜନ୍ ବିମ୍‌ସ୍ ଏସ୍‌‌କ୍ୱେର"(John Beames Esquire)ଙ୍କୁ ଉତ୍ସର୍ଗ କରାଯାଇଛି । ସଂପୂର୍ଣ୍ଣ କାବ୍ୟଟି ଦୁଇ ଭାଗରେ ବିଭକ୍ତ ଯଥା: 'ପୂର୍ବ-ମେଘ' ଓ 'ଉତ୍ତର-ମେଘ' । ଉଭୟ ଭାଗରେ କଳହଂସ କେଦାର ରାଗ ବ୍ୟବହାର ହୋଇଛି । ପୂର୍ବ ମେଘ ସଂପୂର୍ଣ୍ଣ ୫୬୪ଟି ଧାଡି ବିଶିଷ୍ଟ ଓ ଉତ୍ତରମେଘ ୪୬୮ଟି ଧାଡି ବିଶିଷ୍ଟ ଅଟେ ।

କିଛି ପଦ

ପୂର୍ବ-ମେଘ

“	ଦକ୍ଷିଣଦେଶେ ରାମଗିରି ଶୋଭନ, ବିମଳ ଶୁଭ୍ର ଯହିଁ ନଦୀ ଜୀବନ । ଜନକକନ୍ୟା ସ୍ଥାନେ ପବିତ୍ର ଅତି, ପର୍ଣ୍ଣଗହଳ ଯହିଁ ତରୁ ବ୍ରତତୀ ।	”

ଉତ୍ତର-ମେଘ

“	ଅଳକା ହର୍ମ୍ମେ୍ୟ ରାଜେ ନବ ଯୋଷିତ ତୋ ଅଙ୍ଗେ ନିରଧରସ୍ୱର୍ଣ୍ଣ ତଡ଼ିତ; ଅଳକା ଚିତ୍ର ମୋହେ ନୟନ ଇନ୍ଦ୍ର କୋଦଣ୍ଡ ତୋର ଅଙ୍ଗେ ଯେସନ ।	”