ମୁସ୍ତାକ କାକ

ମୁସ୍ତାକ କାକ (ଡୋଗ୍ରି/କାଶ୍ମୀରୀ: मुश्ताक़ काक (ଦେବନାଗରୀ), مُشكا کاک (ନାସ୍ତାଲୀକ); ଜନ୍ମ: ୧୯୬୧; ଜନ୍ମସ୍ଥାନ: ଜାମ୍ମୁ କାଶ୍ମୀର, ଭାରତ) ଜଣେ ଭାରତୀୟ ଅଭିନେତା ତଥା ନିର୍ଦ୍ଦେଶକ । ସେ ୧୦୦ରୁ ଅଧିକ ମଞ୍ଚ ନାଟକର ନିର୍ଦ୍ଦେଶନା ଦେବା ସହିତ ଅନେକ ହିନ୍ଦୀ ଓ ଇଂରାଜୀ ଭାଷାର କଥାଚିତ୍ରରେ ଅଭିନୟ କରିଛନ୍ତି । ଜାମ୍ମୁ ଫିଲ୍ମ ଫେଷ୍ଟିଭାଲର ଜଣେ ଜୁରୀ ଭାବରେ ସେ କାମ କରିଛନ୍ତି ।

ମୁସ୍ତାକ କାକ
ଜନ୍ମ	ଜମ୍ମୁ ଓ କଶ୍ମୀର, ଭାରତ
ଜାତୀୟତା	ଭାରତୀୟ
ବୃତ୍ତି(ସମୂହ)	ଅଭିନେତା ମଞ୍ଚ ନିର୍ଦ୍ଦେଶକ
ସକ୍ରିୟ ବର୍ଷ	୧୯୯୯ – ଏବେଯାଏଁ

ବ୍ୟକ୍ତିଗତ ଜୀବନ

କାକ ୧୯୬୧ ମସିହାରେ ଜାମ୍ମୁ କାଶ୍ମୀରରେ ଜନ୍ମଗ୍ରହଣ କରିଥିଲେ । ତାଙ୍କ ପିତାମାତା ଜାମ୍ମୁ-କାଶ୍ମୀରର ଅଧିବାସୀ, ତାଙ୍କ ପିତା କାଶ୍ମୀର କାକ ଜାତିର ହୋଇଥିବାବେଳେ ତାଙ୍କ ମାଆ ଡୋଗ୍ରା ସମ୍ପ୍ରଦାୟର ।

ଅଭିନୟ ଜୀବନ

ଆରମ୍ଭ ସମୟରେ ସେ ନୂଆ ଦିଲ୍ଲୀର ଶ୍ରୀ ରାମ ସେଣ୍ଟର ସହିତ ଜଣେ କଳାତ୍ମକ ନିର୍ଦ୍ଦେଶକ ଭାବରେ ଜଡ଼ିତ ଥିଲେ । ସେ ଅନ୍ଧା ୟୁଗ, ମାଲିକ ଏବଂ ପ୍ରତିବିମ୍ବ ପାଇଁ ଶ୍ରେଷ୍ଠ ନିର୍ଦ୍ଦେଶକ ପୁରସ୍କାର ମଧ୍ୟ ପାଇଛନ୍ତି । ତାଙ୍କର ନାଟକ ମଧ୍ୟରୁ ମହା ବ୍ରାହ୍ମଣ ଏବଂ ଆଲ୍ଲାବାଦ ଯଥାକ୍ରମେ ୧୯୯୯ ଏବଂ ୨୦୦୦ ମସିହା ପାଇଁ ସର୍ବୋତ୍ତମ ନାଟକ ଭାବରେ ବିବେଚିତ ହୋଇଥିଲା । କାର୍ତ୍ତିକ ଚୌଧୁରୀଙ୍କ ସହ ତାଙ୍କର ପ୍ରଯୋଜିତ ନାଟକ ଅଣ୍ଡୋରା ଏକ ବଡ଼ ହିଟ୍ ହୋଇଥିଲା । ସେ ବିଭିନ୍ନ ଲେଖକଙ୍କ କାହାଣୀକୁ ନେଇ ୧୦୦ରୁ ଅଧିକ ନାଟକର ନିର୍ଦ୍ଦେଶନା ଦେଇଥିଲେ । ସେଥିମଧ୍ୟରୁ ସାଦତ ହାସନ ମଣ୍ଟୋସ, ଆଣ୍ଟୋନ ଚେକୋଭଙ୍କ ଚେରି କା ବାଗିଚା, ବିଜୟ ତେନ୍ଦୁଲକରଙ୍କ ଘନସୀ ରାମ କୋଟୱାଲ, କ୍ରିଷ୍ଣା ଚାନ୍ଦଙ୍କ ଗଧେ କି ୱାପସି, ଶରଦ ଯୋଶୀଙ୍କ ଆଲ୍ଲାବାଦ ଆଦି ଅନ୍ୟତମ ।

ସେ ହିଜାକ୍, ସିକନ୍ଦର, ଶୀକାରା, ବିଶ୍ୱରୂପମ୍, ବିଶ୍ୱରୂପମ୍ ୨, ରୋମିଓ ଆକବର ୱଲ୍ଟର, କେଶରୀ, ଢିସୁମ୍ ଭଳି ହିନ୍ଦୀ କଥାଚିତ୍ର ସହିତ ହଲିଉଡ଼ କଥାଚିତ୍ର ଅମାଲରେ ଅଭିନୟ କରିଛନ୍ତି । ଏହା ସହି ଦି ଫ୍ୟାମିଲି ମ୍ୟାନ୍ ଭଳି ୱେବ୍ ସିରିଜ୍‌ରେ ମଧ୍ୟ କାମ କରିଛନ୍ତି ।

ଅଭିନୀତ କଥାଚିତ୍ର

ବର୍ଷ	କଥାଚିତ୍ର	ଭୂମିକା	ମନ୍ତ୍ୟବ
୨୦୦୭	ଅମାଲ	ଡାକ୍ତର	ଇଂରାଜୀ କଥାଚିତ୍ର
୨୦୦୮	ହାଇଜାକ୍	ମୁସ୍ତାକ୍	ମୁଖ୍ୟ ଖଳନାୟକ
୨୦୦୯	ସିକନ୍ଦର	ମୌଲବୀ ଅହ୍ଲା ବକ୍ସ
୨୦୧୨	ଶାହିଦ୍
୨୦୧୩	ବିଶ୍ୱରୂପମ୍	ମନାୱର
୨୦୧୬	ଏମ୍ ଏସ୍ ଧୋନି: ଦି ଅନ୍‌ଟୋଲ୍ଡ ଷ୍ଟୋରୀ	ଦୋକାନୀ
	ଢିସୁମ୍	ଦୋକାନୀ
୨୦୧୮	ବିଶ୍ୱରୂପମ୍ ୨	ମନାୱର
୨୦୧୯	ରୋମିଓ ଆକବର ୱଲ୍ଟର	ଜୋକର୍
	ଦି ଫ୍ୟାମିଲି ମ୍ୟାନ୍	ଜେନେରାଲ୍ ଖୁରସିଦ୍	ଓଟିଟି ସିରିଜ୍
	କେଶରୀ	ଅମୀର
୨୦୨୦	ଶିକାରା	ମାସୁଦ ଅହିବ
	ଆଇ ଏମ୍ ମେଘା	ଦୋକାନୀ
୨୦୨୩	ଗଦର୍ ୨

ବାହାର ଆଧାର

• ଇଣ୍ଟରନେଟ ମୁଭି ଡାଟାବେସରେ ମୁସ୍ତାକ କାକ