ଘନଶ୍ୟାମ ସାହୁ (ଲେଖକ)

ଘନଶ୍ୟାମ ସାହୁ
ଘନଶ୍ୟାମ ସାହୁ
ଜନ୍ମ ଓ ଜନ୍ମସ୍ଥାନ	୬ ଅପ୍ରେଲ ୧୯୫୯ (ବୟସ ୬୫); ଘୋଷର, ଅନୁଗୋଳ
ଭାଷା	ଓଡ଼ିଆ
ସାହିତ୍ୟ କୃତି	ଦାର୍ଢ୍ଯତା ଭକ୍ତି କଥାମୃତ
ସମ୍ପର୍କୀୟ	ଗିରୀଶ ଚନ୍ଦ୍ର ସାହୁ (ପିତା), ପଦ୍ମାବତୀ ସାହୁ (ମାତା)

ଘନଶ୍ୟାମ ସାହୁ (ଜନ୍ମ ତାରିଖ: ୬ ଏପ୍ରିଲ ୧୯୫୯) ଜଣେ ଭାରତୀୟ ଓଡ଼ିଆ ଓ କୋଶଳୀ-ଭାଷୀ କବି, ଲେଖକ ଓ ସାହିତ୍ୟ ସଂଗଠକ । ସେ ସଂସ୍କୃତରୁ ଭକ୍ତକବି ରାମଦାସ ବିରଚିତ ଦାର୍ଢ଼୍ୟତାଭକ୍ତି ରସାମୃତକୁ ଓଡ଼ିଆରେ ଗଦ୍ୟାନୁବାଦ କରିଥିଲେ ।

ସଂକ୍ଷିପ୍ତ ଜୀବନୀ

ଘନଶ୍ୟାମ ସାହୁ ଅନୁଗୁଳ ଜିଲ୍ଲାର ଘୋଷରଠାରେ ୧୯୫୯ ଅପ୍ରେଲ ୬ରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଗିରୀଶ ଚନ୍ଦ୍ର ସାହୁ ଓ ମାତାଙ୍କ‌ ନାମ ପଦ୍ମାବତୀ ସାହୁ । ସେ ସ୍ନାତକୋତ୍ତର, ବି-ଇଡି ଓ ଏଲ୍.ଏଲ୍. ବି. ଶିକ୍ଷାଗ୍ରହଣ‌ କରିଥିଲେ ଏବଂ ବୃତ୍ତିରେ ଶିକ୍ଷକତା କରି ଅବସରପ୍ରାପ୍ତ । ଗୀତ ଗାଇବା, ଚିତ୍ର ଆଙ୍କିବା, ଗୀତିନାଟ୍ୟ ନିର୍ଦ୍ଦେଶନା ଦେବା, କବିତା, ଗଳ୍ପ, ଶିଶୁ କିଶୋର କବିତା ରଚନା ତଥା ପାରମ୍ପରିକ ଓ ଆଧୁନିକ ଭଜନ ସହିତ କୋଶଳୀ ଭାଷାରେ ଭଜନ ଲେଖିବାରେ ସେ ସିଦ୍ଧହସ୍ତ । ତାଙ୍କର କେତୋଟି ଭଜନ ଓ ଜଣାଣ ଅଡ଼ିଓ କ୍ୟାସେଟରେ ସ୍ଥାନୀତ ।

ରଚନାବଳୀ

ଭଜନ/ଭକ୍ତି କବିତା ସଂକଳନ

ହରି ଭରସା (୨୦୧୮)
ଭାବଧାରା (୨୦୧୯)
ବର୍ଣ୍ଣ ବୈକୁଣ୍ଠ (୨୦୨୦)
ଚେତନାର ଉତ୍ତରଣ ଶବ୍ଦବ୍ରହ୍ମ (୨୦୨୨)
କଇଁଫୁଲ ସୁଧାଧାରା (୨୦୨୪)
ଭକ୍ତି ନିବେଦନ (୨୦୨୪)

ଗଳ୍ପ ସଂକଳନ

ଦାର୍ଢ୍ଯତା ଭକ୍ତି କଥାମୃତ (୨୦୨୩, ପ୍ରଥମ ଭାଗ)

ସମ୍ମାନ ଓ ପୁରସ୍କାର

ଟିକିତାରା ସାହିତ୍ୟ ସମ୍ମାନ , ପୁରୀ, ୨୦୧୭
ଶିବମ୍ ସାହିତ୍ୟ ଓ ସଂସ୍କୃତି ବିଭାଗ,ସୋହଡା, ଧାମନଗର, ଭଦ୍ରକ ,୨୦୧୮
ମହାପର୍ବତ ସାହିତ୍ୟ ସଂସଦ,ଢଁସର, ବାଙ୍କୀ,୨୦୧୮