ବିଶ୍ଵ ଧ୍ୟାନ ଦିବସ

ଏକ ଐତିହାସିକ ପଦକ୍ଷେପରେ ମିଳିତ ଜାତିସଂଘର ସାଧାରଣ ସଭା (ୟୁଏନଜିଏ) ଡିସେମ୍ବର ୨୧କୁ ବିଶ୍ୱ ଧ୍ୟାନ ଦିବସ ଭାବରେ ଘୋଷଣା କରିଛି । ଲିକଟେନଷ୍ଟାଇନ୍, ଶ୍ରୀଲଙ୍କା, ନେପାଳ, ମେକ୍ସିକୋ, ଆଣ୍ଡୋରା ଏବଂ ଭାରତ ସମେତ ମୂଳ ଗୋଷ୍ଠୀ ଦେଶଗୁଡିକର ସହଯୋଗରେ ଏହି ସଂକଳ୍ପ ସର୍ବସମ୍ମତି କ୍ରମେ ମିଳିତ ଜାତିସଂଘ ଅଧିବେସନଦ୍ୱାରା ଡିସେମ୍ବର ୬ ତାରିଖ ଦିନ ଗ୍ରହଣ କରାଯାଇଥିଲା । ଏହି ପ୍ରସ୍ତାବ ଅନୁସାରେ ବିଶ୍ଵ ଧ୍ୟାନ ଦିବସ ବିଶ୍ୱବ୍ୟାପୀ ଡିସେମ୍ବର ୨୧ ତାରିଖରେ ପାଳନ ହେବ । 'ଧ୍ୟାନ' ର ମୂଲ୍ୟବୋଧକୁ ସମ୍ମାନ ଦେବା ସହ ବିଶ୍ୱର କୋଣ ଅନୁକୋଣରେ ଧ୍ୟାନକୁ ପହଞ୍ଚାଇବା ପାଇଁ ଭାରତ ଏହି ମିଳିତ ପ୍ରସ୍ତାବ ଦେଇଥିଲା । ଅଳ୍ପ କେତୋଟି ମୁସଲିମ ରାଷ୍ଟ୍ରକୁ ବାଦ ଦେଲେ ପ୍ରାୟ ସମସ୍ତ ଦେଶ ଏହାକୁ ପାଳନ ଲାଗି ସମର୍ଥନ କରିଥିଲେ । ଧ୍ୟାନ ଏକ ଶାରୀରିକ, ମାନସିକ ଏବଂ ଆଧ୍ୟାତ୍ମିକ ଅଭ୍ୟାସ । ବୈଦିକ ମତରେ ଧ୍ୟାନ ହେଉଛି ଯୋଗ କ୍ରୀୟାର ଏକ ଅଂଶ ଏବଂ ଏହାଦ୍ଵାରା ମନୁଷ୍ୟ ଅଷ୍ଟାଙ୍ଗ ଯୋଗର ଶେଷ ସୋପାନ ଅର୍ଥାତ ସମାଧି ଅବସ୍ଥା ପ୍ରାପ୍ତ ହେବା ସହ ଆତ୍ମ ଜ୍ଞାନ ଲାଭ କରେ ।

ବିଶ୍ଵ ଧ୍ୟାନ ଦିବସ
ନାମ	World Meditation Day
ଅନ୍ୟ ନାମ	ଧ୍ୟାନ ଦିବସ, ବିଶ୍ୱ ଧ୍ୟାନ ଦିବସ
ପାଳନକାରୀ	ବିଶ୍ୱବ୍ୟାପୀ
ପ୍ରକାର	ମିଳିତ ଜାତିସଂଘ
ପାଳନ	ଧ୍ୟାନ, ସଭା ସମିତି, ଆଲୋଚନା ଚକ୍ର , ସାଂସ୍କୃତିକ କାର୍ଯ୍ୟକ୍ରମ
ତାରିଖ	୨୧ ଡିସେମ୍ବର
ପୁନଃପୌନିକତା	ବାର୍ଷିକ

ବିଶେଷତ୍ୱ

"ଧ୍ୟାନ ଭାରତର ପ୍ରାଚୀନ ସଂସ୍କୃତିର ଏକ ଅମୂଲ୍ୟ ଉପହାର । ଏହା ସ୍ୱାସ୍ଥ୍ୟ ଏବଂ ସମୃଦ୍ଧି ପାଇଁ ଏକ ସିଦ୍ଧ ଉପଚାର ଅଟେ । ଏହା ନିଜ ଭିତରେ ଚେତନା ଉଦ୍ରେକକରି ଆମ ଜୀବନଶୈଳୀରେ ପରିବର୍ତ୍ତନ ଆଣି ଆମ ପାରିପାର୍ଶ୍ୱିକ ଜଗତ ସହ ଖାପ ଖୁଆଇ ଚାଲିବାରେ ସହଯୋଗ କରେ ।

ଡିସେମ୍ବର ୨୧ ସୂର୍ଯ୍ୟ ଉତ୍ତରାୟଣ ମୋଡ଼ ନେଇଥାନ୍ତି । ସୂର୍ଯ୍ୟଙ୍କର ଉତ୍ତରାୟଣ ଏବଂ ଦକ୍ଷିଣାୟନ ମୋଡର ମଧ୍ୟବର୍ତ୍ତୀ ଦିବସ ହେଉଛି ଡିଚେମ୍ବର ୨୧ । ଡିସେମ୍ବର ୨୧ ଉତ୍ତର ଗୋଲାର୍ଦ୍ଧରେ ବର୍ଷର ସବୁଠାରୁ ଛୋଟ ଦିନ ଏବଂ ଦକ୍ଷିଣ ଗୋଲାର୍ଦ୍ଧରେ ଦୀର୍ଘତମ ଦିନ ହେବା ସହ ବିଶ୍ୱରେ ବିଭିନ୍ନ ସ୍ଥାନରେ ଏହିଦିନର ମହତ୍ୱ ଅଛି । ଆନ୍ତର୍ଜାତିକ ଯୋଗ ଦିବସର ଠିକ୍‌ ଛଅ ମାସପରେ ବିଶ୍ଵ ଧ୍ୟାନ ଦିବସ ପାଳନ କରାଯିବ ।

ପାଳନ

୨୦୨୪ ମସିହା ଆନ୍ତର୍ଜାତିକ ଧ୍ୟାନ ଦିବସର ପ୍ରଥମ ପାଳନ ବର୍ଷ ।