ବକ୍ସି ଜଗବନ୍ଧୁ ବିଦ୍ୟାଧର ମହାବିଦ୍ୟାଳୟ
ବକ୍ସି ଜଗବନ୍ଧୁ ବିଦ୍ୟାଧର ମହାବିଦ୍ୟାଳୟ (ବିଜେବି କଲେଜ୍) ଭୁବନେଶ୍ୱରଠାରେ ଅବସ୍ଥିତ ଏକ ସରକାରୀ ମହାବିଦ୍ୟାଳୟ । ୧୯୯୯ ମସିହାରୁ ଏହି ମହାବିଦ୍ୟାଳୟ ସ୍ୱୟଂଶାସିତ ମାନ୍ୟତା ଲାଭ କରି ବକ୍ସି ଜଗବନ୍ଧୁ ବିଦ୍ୟାଧର ସ୍ୱୟଂଶାସିତ ମହାବିଦ୍ୟାଳୟ ନାମରେ ନାମିତ । [୧]
| ବକ୍ସି ଜଗବନ୍ଧୁ ବିଦ୍ୟାଧର ସ୍ୱୟଂଶାସିତ ମହାବିଦ୍ୟାଳୟ | |
|---|---|
| ସ୍ଥାପିତ | ୧୯୫୭ |
| ପ୍ରକାର | ସରକାରୀ |
| Academic affiliation | ଉତ୍କଳ ବିଶ୍ୱବିଦ୍ୟାଳୟ |
| ଅବସ୍ଥାନ | ଭୁବନେଶ୍ୱର, ଓଡ଼ିଶା, ଭାରତ |
| ୱେବସାଇଟ | ବକ୍ସି ଜଗବନ୍ଧୁ ବିଦ୍ୟାଧର ମହାବିଦ୍ୟାଳୟର ମୁଖ୍ୟ ୱେବସାଇଟ |
ଇତିହାସ ସମ୍ପାଦନା
ବକ୍ସି ଜଗବନ୍ଧୁ ବିଦ୍ୟାଧର ମହାବିଦ୍ୟାଳୟ, ୧୯୫୭ ମସିହାରେ ସରକାରୀ ଉଦ୍ୟମରେ ପ୍ରତିଷ୍ଠିତ । ପ୍ରାରମ୍ଭିକ ଅବସ୍ଥାରେ ଏଠାରେ କେବଳ ଇଣ୍ଟରମିଡିୟଟ ସ୍ତର ପର୍ଯ୍ୟନ୍ତ ଶିକ୍ଷାଦାନର ବ୍ୟବସ୍ଥା ରହିଥିଲା । ବକ୍ସି ଜଗବନ୍ଧୁଙ୍କ ନାମରେ ନାମିତ ଏହି କଲେଜଟି ୧୯୯୮ ମସିହା ପର୍ଯ୍ୟନ୍ତ ଉତ୍କଳ ବିଶ୍ୱବିଦ୍ୟାଳୟ ସହ ଅନୁବନ୍ଧିତ ଥିଲା । ୧୯୯୯ ମସିହାରେ ୟୁଜିସିଦ୍ୱାରା କଲେଜକୁ ସ୍ୱୟଂଶାସିତ ମାନ୍ୟତା ପ୍ରଦାନ କରାଯାଇଥିଲା । ୨୦୦୪ ମସିହାରେ ଏହା ନାକ୍(NAAC)ଦ୍ୱାରା A ଗ୍ରେଡ଼ ମାନ୍ୟତା ଲାଭ କରିଅଛି ।[୨]
ଶିକ୍ଷା ବ୍ୟବସ୍ଥା ସମ୍ପାଦନା
ବକ୍ସି ଜଗବନ୍ଧୁ ବିଦ୍ୟାଧର ମହାବିଦ୍ୟାଳୟରେ +୨, ସ୍ନାତ୍ତକ ଓ ସ୍ନାତକୋତ୍ତର ସ୍ଥରରେ ଶିକ୍ଷାଦାନ କରାଯାଏ । କଳା, ବିଜ୍ଞାନ ଓ ବାଣିଜ୍ୟରେ ଡିଗ୍ରୀ ପାଠ୍ୟକ୍ରମ ବ୍ୟତୀତ ଏଠାରେ ସାମାଜିକ କାର୍ଯ୍ୟ (Social work) ପାଠ୍ୟକ୍ରମରେ ସ୍ନାତକୋତ୍ତର ଡିଗ୍ରୀ, ଜୈବ ପ୍ରଦ୍ୟୋଗିକୀ (Biotechnology) ତଥା କମ୍ପ୍ୟୁଟର ବିଜ୍ଞାନ ପାଠ୍ୟକ୍ରମରେ ସ୍ନାତକ(ସମ୍ମାନ) ଭଳି ଅନେକ ବିଭାଗରେ ଶିକ୍ଷାଦାନର ବ୍ୟବସ୍ଥା ରହିଛି ।
ଆଧାର ସମ୍ପାଦନା
- ↑ "BJB Autonomous College". Archived from the original on 28 September 2017. Retrieved 7 September 2017.
- ↑ "SELF STUDY REPORT FOR RE ACCREDITATION BY NAAC BJB AUTONOMOUS COLLEGE, BHUBANESWAR" (PDF). Retrieved 7 September 2017.[permanent dead link]